جنه احلامى

الخاتمه

***********الخاتمه**************

عند عمر كلم جنا علشان يطمن عليها وهى مكنتش بترد
عمر بقلق : جنا مبترديش ليه قلقتينى عليكى
مصطفى : هههههههه قلقان اووى على السنيوره بتاعتك
عمر : مين معايا وفين جنا
مصطفى بحقد : نسيت صوتى ياابن نصار
عمر بتذكر : هو انت يا .......* والله لو لمست شعره منها لهدقعك التمن غالى يامصطفى الكلب
مصطفى : تؤ تؤ متنساش ان حبيبة القلب فى ايدى وممكن ادمرها فى اى وقت
عمر بعصبيه : مالكش دعوه بالستات يامصطفى خليك راجل لراجل ولا انت متعرفش حاجه عن الرجوله اساسا
مصطفى اعطى التليفون لجنا
جنا بدموع وصراخ : عمرررر الحقنى ياعمر تعال خدنى من هنا
عمر بلهفه : متخافيش ياحبيبتى هاجيلك وقفل الفون بسرعه ورن برقم زياد
زياد كان مع ميرنا بيشتروا حاجات بيتهم الجديد
زياد بمزاح : حبيب قلبى ياعمور لسه كنت هشتم عليك ابن حلال
عمر بصوت عالى : زياد تعالى دلوقتى على العنوان ده .......
زياد بقلق : فى ايه ياعمر
عمر بعصبيه : جنا اتخطفت ياعمر تعال بسرعه
زياد قفل الفون بصدمه
ميرنا بقلق : مالك يازياد
زياد : جنا اتخطفت
ميرنا وهى تشهق بصدمه : يلهوووووى جنا وحطت ايدها على فمها ودموعها نزلت
زياد وهو يجرى : اتصلى بلغى اخواتها وروحى انتى
ميرنا : هاجى معاك
زياد : لاء مينفعش اعملى ال قولتلك عليه
ميرنا بدموع : حاضر
طلعت فونها ورنت على ملك
كان ملك ومروان وفادى وميرا كلهم بيتغدوا بره فى جو من الهزار والضحك
ملك مسكت فونها : الو
ميرنا بدموع : الحقى ياملك
ملك بخضه : فى ايه ياميرنا بتعيطى ليه
الكل انتبه ليها
ميرنا بدموع اكتر : جنا اتخطفت
ملك بصدمه : جنا اتخطفت
مروان قام وقف من الصدمه وجرى وفادى لحقه مروان رن على زياد وعرف منه هما فين وذهبوا ليهم بس عمر وزياد كانوا سبقوا

فى مكان شبه مهجور

جنا قاعده فى غرفه ظلمه ومبطلتش عياط دخلت عليها هايدى بتكبر
هايدى بصتلها من فوق لتحت : بقا انتى يابتاعه انتى ال عمر نسينى علشانها ده انتى متسويش
مصطفى دخل : لاء يادودى متقسيش عليها ليها حبايبها برضوا فى الوقت ده دخل مراد
مراد بابتسامه صفراء : نورتى ياجوجو
جنا بصتلهم كلهم وبصراخ : انتم عصابه بقا
هايدى : تؤ تؤ متغلطيش ياحلوه علشان متندميش
جنا بصتلها باشمئزاز وضربتها بالقلم
هايدى بصدمه وبغل : بتضربينى انا يابنت ....* ومسكتها من شعرها
مراد حاول يفكها منها : متعصبيش نفسك ياهايدى هانم سيبهالى انا ليا حساب معاها بعدين
هايدى بعدت عنها وبصتلها بكره وخرجت هى ومصطفى
مراد قرب منها وجنا بعدت
مراد بصوت كفحيح الأفعى : جايلك ياروحى وسابها وخرج جنا بدموع غزيره : يااااااارب نجينى انت فين ياعمر انت فين
فى الوقت ده عمر وزياد وصلوا المكان ودخلوا براحه وظبطوا الحرس ال على الباب ووصل عند الغرفه ال فيها جنا
جنا كانت تعبت من العياط وبصوت واطى : عمر ياعمر
فجأه الباب اتفتح وعمر دخل ووراه زياد
عمر جرى عندها : جنا عملك حاجه طمنينى عليكى
جنا بدموع وانهيار : أنا عايزه اخرج من هنااا
عمر : حاضر حاضر قومى يلا
جنا لسه هتقوم سمعه صوت جاء من خلفهم
مصطفى : انت فاكرها سايبه ولا ايه دخول الحمام مش زى خروجه
عمر بصله بعصبيه : زياد خد جنا واخرج من هنا يلا
مراد باعتراض : لاء لاء انا لسه مخلصتش مهمتى ولسه هيقرب من جنا
عمر بغضب : اقسم بالله لو لمست شعره منها ماهيكفينى رقبتك
مراد بسخريه : المفروض اخاف انا دلوقتى
زياد اخد جنا ولسه هيخرج مراد مسكها من دراعها وشدها عليه ورفع المسدس فى دماغها
مراد : ال هيقرب منى هفرغ المسدس فى راسها
جنا بخوف ودموع : عمر عمر الحقنى
عمر بحذر بيقرب منه : متخافيش ياقلبى
مراد بحذر وهو يرجع للخلف : خليك مكانك هموتها ولسه هيرجع تانى كانت الحيطه وراه مكانش قدامه حل غير انه داس على الزناد
جنا شهقت بفزع
عمر خاف على جنا فعلا ولسه هيتكلم مروان دخل هو وفادى ومراد بصلهم عمر استغل فرصة انشغالهم وضرب مراد ‘جنا جريت عليه واترمت فى حضنه وفقدت الوعى فادى وزياد ومروان كانوا بيضربوا مصطفى ومراد عمر كان بيفوق جنا بس هى مافاقتش شاف هايدى بتتسحب علشان تهرب
عمر : زياد زياد
زياد جاله : فى ايه
عمر : امسك جنا فوقها انا جاى تانى وجرى ورا هايدى
هايدى كانت هتموت من الخوف وبتجرى سمعت صوت من خلفها
عمر : مش هتعرفى تهربى ياحلوه
هايدى بفزع بصت وراها وبرجاء : عمر ارجوك سيبنى امشى ومش هتشوفنى تانى
عمر بيقرب عليها بخبث : وايه كمان
هايدى تبلع ريقها بصعوبه : ع ع علشان خ خ خاطرى
عمر ضربها بالقلم وبصوت ارعبها : للاسف مالكيش خاطر عندى انتى واحده خاينه وضربها تانى
هايدى بدموع : ارجوك سيبنى
عمر مسكها من شعرها واخدها رجع بيها كانت الشرطه وصلت وتم القبض على مصطفى ورجالته ومراد وهايدى
عمر جرى على جنا : لسه مفاقتش يازياد
زياد : لاء مش راضيه خالص
عمر بقلق : طب يلا على المستشفى
مروان : بسرعه