جنه احلامى

الفصل الثانى والعشرون

************الفصل الثانى والعشرون************

فى فيلا عمر نصار

جنا حضرت الاكل لعمر وحطته على الصينيه وطلعت فى اوضتها بتبص لقته نايم فضل تتمتم بضيق
جنا بضيق : هو ايه ده بقا ان شاء الله هو ايه ال نيمه فى أوضتى بس مش مهم هاخده براحه لحد لما ازور اهلى ودخلت حطت الاكل على طاوله صغيره وقربت منه وفضلت واقفه شويه ساكته
جنا فى نفسها : يلهووووى انا اول مره اخد بالى ان هو مز اووى كده وبعدها نفضت الافكار دى من دماغها ايه ياجنا نسيتى هو عمل ايه معاكى وحبسك فوقى وابتدت تصحى فيه
جنا برقه : عمر عمر
عمر بنوم : اممممم
جنا بتزمر : هو انا اخلص من مروان وملك تطلعلى انت قوم بقا
عمر : عاوزه ايه
جنا : جبتلك اكل قوم بقا علشان تودينى ازور اهلى
عمر وهو بيفتح عينه : ماشى واتعدل فى جلسته وابتدى فى تناول الطعام وبص لجنا قالها : مبتكليش ليه
جنا : مش جايلى نفس
عمر بحنيه : طب علشان خاطرى كلى معايا
جنا بصدمه : ها
عمر بضحك : مالك بقولك كلى معايا
جنا بتوهان : حاضر وابتدت فى تناول الاكل وكل شويه عمر يبصلها وهى بتاكل وهى متوتره من نظراته وكانوا فى صمت تام
عمر : جنا ممكن اسالك سؤال
جنا : اتفضل
عمر بتساؤل : انتى حبيتى قبل كده ؟
جنا بالم : ايوه بس كانت اسوأ تجربه فى حياتى
عمر بفضول ان يعرف ايه هو : طب احكيلى عادى يعنى
جنا ودموع نزلت على وجنتيها : عارف مراد ال انت اتخانقت معاه قبل كده هو ده سبب كل حاجه وحشه فى حياتى
عمر بغضب : عملك ايه
جنا قصت عليه ماحدث لها زمان من مراد
عمر عنيه اسودت من الغضب : نهارر ابوه اسود
جنا وهى تمسح دموعها مثل الاطفال : لاء متوديش نفسك فى داهيه ده واحد ميستاهلش
عمر : انتى خايفه عليا ولا ايه
جنا بارتباك : ل لاء أ ا نا أقصد ان انت مالكش دعوه بحاجه حصلتلى زمان
عمر برفعة حاجب : على اساس متجوزه صاحبتك ولا ايه
جنا حاولت تغير الموضوع : هو انت هتودينى عند اهلى امتى
عمر : هو ديكى النهارده بليل
جنا بفرحه : بجد
عمر لاحظت فرحتها : ايوه بجد ممكن تاكلى بقا ومد ايده بالمعلقه عند فمها
جنا بصدمه وتوتر : اخذتها منه ش شكرا
جنا حست فى نفسها ان عمر ده من جواه طيب بس هو ال مبين كده قدام الناس بس هى هتحاول تخرج عمر الطيب ال جواه

فى كلية الهندسه

عند ملك وفادى
فادى وهو بيكلم كريم
فادى : كنت بتقول ايه بقا يابابا سمعنى تانى كده
كريم : بقول ان ممكن اقتلك دلوقتى انت وال بتتحامه فيك دى وميهمنيش حد دلوقتى
فادى بسخريه : ماشى ياحلو ورينى يابابا بقا شطارتك ومتتحماش فى شوية العيال ال معاك خليك راجل لراجل
ملك بخوف وهى ماسكه فى فادى
ملك بخوف : فادى ارجوك ملكش دعوه بيه
كريم : خليكى انتى بره الموضوع ياقطه ولا تيجى بداله
فادى وهو يجز على اسنانه : ابعدى انتى ياملك بعيد وراح عند كريم وضربه فى وشه وقالوا مين دى بقا ال قطه ياروح امك ده انا هاوريك
كريم وهو بيحول يسدد اللكمه بس فادى اقوى منه ومسكه ضربه بعنف
فادى بعصبيه : انت عارف يابنى ءادم انت لو لمست شعره من ملك ولا عملت شغل العيال ده تانى قسما بالله انت ال هيبقى موتك على ايدى
كريم بيبص حواليه علشان يشوف صحابه بس للاسف كلهم جريوا لما شافوه بيضرب ووشه بقا بيجيب دم
الامن جه واخدهم كلهم عند العميد بس الموضوع اتحل لما الكل شهد ان كريم كان بيتعرض لملك واخدوا الموضوع دفاع  عن النفس
ميرا كانت واخده ملك فى حضنها ال مبطلتش عياط ابدا
فادى خرج وهما خرجوا معاه
ملك ركبت هى وميرا ورا وكانت ملك لسه بتعيط
فادى بصلها فى المرايا فى ضيق : قولتلك متعيطيش واوعى تخافى منه تانى انتى فاهمه واوعى تقعدى بقا فى بيتكم ويجيلك اكتئاب
ميرا بضحك : فادى عنده حق ياملك انتى فى المواضيع دى بتعتكفى ويجيلك اكتئاب
ملك بصتلهم وسكتت