جنه احلامى

الفصل الخامس عشر

***********الفصل الخامس عشر************

فى كلية الهندسه عند ملك وميرا

ميرا : والله وبقينا نسايب يالوكه
ملك : بس انا حاسه انهم لايقين على بعض فى عصبيتهم ورخامتهم ماشاء الله ربنا يحرسهم
ميرا: هههههههههه والله عندك حق لما بيتجمعوا بيبقوا مسخره
فادى جه عليهم وهما واقفين
فادى : ايه ياجماعه بتتنمروا على مين
ملك بصت الاتجاه التانى وفادى لاحظ ده
ميرا : بنتنمر على عمر وجنا اصلهم مسخره
فادى : شوفتيهم امبارح كانوا بيبصوا لبعض ازاى بتحدى
ميرا : امممممم انا مش عارفه دول هيتعاملوا ازاى
فادى وهو بيبص على ملك : الحب بيعمل المعجزات
ميرا : لاى لاى لاى بقا فادى بيتكلم عن الحب وبغمزه ايه النظام ياعم فادى
فادى بارتباك : ها ميرا صحبتك بتنادى عليكى
ميرا لاحظت ان هو بيوزعها : ماشى يااخويا وسابتهم ومشيت
ملك : ميرا انا جايه معاكى
فادى : ملك استنى انتى كل لما بتشوفينى تتهربى ليه
ملك بتوتر : ا ا ا انا مش بتهرب عادى يعنى
فادى وهو بيمسك ايدها : متخافيش منى ياملك
ملك بتوتر وحده وبعدت ايدها عنه : مسمحلكش تتعد حدودك معايا انا مش مستعده ارتبط تانى وخلاص قفلت قلبى على كده وان كنت علشان انقذتنى انا اتشكرتك كتير وشكرا مره كمان عن اذنك وسابته ومشيت
فادى : مالها دى انا مكنتش اقصد حاجه ده هى الوحيده ال قلبى دقلها بس انا مش همل هافضل وراكى لحد لما تحنى

عند عمر
اخد جنا ووصل بيها فيلا فى حته هاديه وده طبعا بعد صراخ جنا ان ينزلها وهو عامل نفسه مش سامع
وصل عند الفيلا ووقف العربيه ونزل
عمر : انزلى
جنا بعند : لاء انا عايزه ارجع عند اهلى رجعنى دلوقتى
عمر : متعصبنيش عليكى وتخلينى انزلك بطريقه هتزعلك
جنا بسخريه وعند : ها هاتعمل ايه يعنى
عمر : اوريكى شالها على كتفه وجنا شهقت بصدمه وفضلت تهز رجلها فى الهواء وتضرب فى كتفه بقبضة يدها الصغيره
جنا بصراخ : عااااااااا نزلنى ياحيوان نزلنى يابابااااااا
عمر : اخرسى بقا وطلع بيها ودخلها فى غرفه من الغرف ورماها على السرير لدرجة ضهرها وجعها جدا
جنا بالم : اااااااه ضهرى ياحيوان
عمر بعصبيه : بت انتى لمى لسانك علشان مستعملش معاكى اسلوب مش هيعجبك
جنا ببراءه مصطنعه: طب انا عايزه اروح
عمر : بتحلمى انتى خلاص دخلتى القفص مش هتخرجى منه الا على الامتحان وكمان تحت حراسه ولو شيطانك لعبلك فى دماغك وقالك تهربى هتشوفى وش تانى خالص
جنا : انت بتقول ايه انا اهلى ميعرفوش حاجه
عمر : لاء خلاص انا بلغتهم وعرفوا
جنا بصدمه : ووافقوا ؟
عمر : كانوا معترضين بس محدش ليه حاجه عندى ومراتى وبربيها انتى هتفضلى فى الاوضه هنا وانا هاخليهم يطلعولك اكل  وسابها وخرج
وجنا حدفت وراه المخده وبدموع : حسبى الله ونعم الوكيل فيك وبقهر منكم لله كلكم ياماااماااااا تعالى خدينى

فى كلية الشرطه

عند مروان قاعد مع صديقه حسام وهاتفه رن
مروان : سلام عليكم نعم يابابا
مهاب: اختك جنا عمر كلمنى وقالى هاخدها معايا ولما جيت اقوله ياابنى مينفعش قالى مراتى وانا حر فيها
مروان بعصبيه : ازاى يعنى يابابا انتم استعجلتم لما كتبته كتابهم بالسرعه دى
مهاب : يابنى انا مكنتش اعرف انه هيعمل كده
مروان : طب سلام يابابا دلوقتى
حسام باستغراب : فى ايه يامروان
مروان وهو يلم اشياءه مش وقته ياحسام انا لازم امشى دلوقتى
حسام : طب استنى هاجى معاك وخرجوا الاتنين ركبوا العربيه مشيوا وهو ماشى رن على ميرا
ميرا : الو يامروان
مروان بعصبيه : اخوكى خد أختى ووداها فين
ميرا بفزع من صوته واستغراب : فى ايه يامروان
مروان : اخوكى خطف اختى ياميرا وقفل السكه فى وشها
ميرا بصدمه علشان اول مره تشوفه بالحاله دى وكمان قفل التليفون فى وشها دموعها نزلت منها
ملك باستغراب : مالك ياميرا
ميرا : مروان بيقولى عمر خطف جنا
ملك بصدمه : ازاى
ميرا : معرفش
ملك : انا لازم اروح اشوف ماما واسالها
ميرا : انا جايه معاكى يلا
وهما خارجين
فادى باستغراب : رايحين فين
ميرا : رايحين عند ملك تعال وصلنا
فادى بتساؤل : ليه ؟
ميرا : انت ليه هتسال يلا
وخرجوا كلهم ركبوا العربيه ومشيوا