جنه احلامى

الفصل العاشر

*********الفصل العاشر*********

وقفنا الفصل ال فات لما زياد وصل ميرنا وراحت لقت عربية الاسعاف وسالت جارتها وقالتلها والدتك اغمى عليكى وطلبوا الاسعاف
ميرنا : ماااااماااااا
زياد : اهدى ياميرنا ان شاء الله هتبقى بخير
ميرنا بدموع : انا لازم اروح مع الاسعاف وركبت معاهم زياد معرفش يعمل راح ركن عربيته وركب الاسعاف معاها

عند ملك فى غرفتها لقت الباب بيخبط
مروان : ادخل يالوكه
ملك : ادخل خير ان شاء الله اكيد عملت مصيبه
مروان بزعل مصطنع: كده برضوا يالوكه ده أنا مارو حبيبك
ملك : اخلص ياعم الحبيب عاوز ايه
مروان : فاهمانى انتى يالوكه بقولك انتى معاكى رقم ميرا
ملك بخبث : اه يالئيم عاوز رقمها ليه قولى يامارو متخبيش عليا بقا
مروان بهيام : من ساعة ما شوفتها اول مره وانا بالى مشغول بيها حتى قابلتها النهارده تعبت اكتر مش عارف اعمل ايه
ملك : هيييييح ده حب ولا اعجاب
مروان : هتصدقينى لو قولتلك مش عارف بس نفسى اعرف ماتحاولى تلمحيلها كده يالوكه يبقى خدمتى اخوكى قرمط الغلبان
ملك : بص ياعم قرمط قصدى يامروان عامة هى مش مرتبطه ثانيا هى شكل مفيش حد فى حياتها
مروان بفرحه: بجد يالوكه
ملك بخبث : اه يااخويا بجد مالك فرحان يعنى اوى
مروان : هاجرب حظى
ملك : ناوى على ايه يامارو
مروان : هقولك كل حاجه بعدين
ملك : ماشى هفضل مستنياك

عند جنا بترن على ميرنا ومبتردش قلقت وفضلت ترن لحد لما جالها صوت زياد
زياد: الو
جنا باستغراب : الو مش ده تليفون ميرنا
زياد : احم ايوه أنا زياد ياانسه جنا بس كنت بوصلها وبعد كده والدتها تعبت ودوها المستشفى وجيت معاها
جنا بقلق : طب هى فين
زياد : بصراحه هى منهاره جدا
جنا : من فضلك قولى مستشفى ايه وانا جايه حالا
زياد : مستشفى ......
جنا : تمام مسافة السكه وقامت بسرعه لبست وخرجت كان ابوها وامها واخوها قاعدين
نبيله : ايه ياجنا راحه فين دلوقتى
جنا : والدة ميرنا تعبانه ولازم اكون معاها
نبيله : يلهووى طب استنى انا جايه معاكى
مروان: يلا وانا هوصلكم
مهاب : طمنونى علطول
جنا : حاضر يابابا
عند ميرنا قاعده تبكى قدام غرفة والدتها وزياد بيحاول يهديها
زياد : اهدى ياميرنا هتقوم بالسلامه متخافيش
ميرنا بدموع : دى ماما يازياد وماليش غيرها لو جرالها حاجه مش هستحمل
زياد : ادعيلها بس وفجأه الدكتور خرج جريوا عليه
الدكتور باسف: انا اسف احنا عملنا ال علينا بس السكر على عليها جدا وكمان عضلة قلبها ضغيفه مستحملتش
ميرنا بعدم استيعاب : يعنى ايه
الدكتور باسف : البقاء لله
الكلمه نزلت عليهم كالصاعقه
ميرنا بهيستيريا: هى مين دى ال ماتت انت كداب ماما عايشه بس هى عايزه تعرف غلاوتها عندى صح يازياد قوله قوله ان ماما عايشه انت مبتردش ليه
زياد: ميرنا اهدى ووحدى الله هى فى مكان احسن من هنا
ميرنا بصراخ : انتم كدابين ماما عايشه ياماااااااماااا قوليلهم انك عايشه اوعوا كده زقتهم ودخلت لوالدتها لقت وشها متغطى ميرنا : ماما انتى نايمه صح اصحى وقوليلهم انك نايمه وبصرااااااخ : ماااااامااااا متسبنيش لوحدى انا ماليش حد غيرك ردى عليااااااااا الممرضات حاولوا يخرجوا فيها بالعافيه وهى بتصرخ جاااامد جدا لحد لما فقدت الوعى واخر كلمه قالتها قبل ماتفقد الوعى بهمس ماما متسيبنيش والنبى
زياد اتخض وجرى عليها وشالها ودخلها اوضة الكشف وخرج يستناها بره جنا وامها ومروان جهم
جنا جريت على زياد: ميرنا فين يااستاذ زياد
زياد بحزن : بعد لما سمعت ان والدتها اتوفت اغمى عليها
جنا بصدمه : اتوفت ميرنا ودخلت تجرى على اوضتها
نبيله بصدمه : ياحبيبتى يابنتى بقيتى وحيده
مروان : طب هنعمل ايه احنا لازم ندفنها قبل ماتفوق ميرنا علشان متنهارش اكتر
نبيله: مايصحش ياابنى دى برضوا امها
زياد : الاستاذ مروان عنده حق اكرام الميت دفنه
مروان : طب هتيجى  معايا نشوف اجراءات الدفن انا وانت
زياد : طبعا يلا وذهبوا ونبيله دخلت عند جنا وميرنا كانت نايمه من الحقنه ال خدتها
جنا بدموع: صعبانه عليا اووى ياماما ملهاش حد تانى
نبيله بحزن : يابنتى احنا اهلها ربنا يتولاها
جنا : هو مروان راح فين
نبيله : راح هو والاستاذ ال بره يشوفوا اجراءت الدفن علشان ميرنا لما تفوق متتعبش اكتر
جنا بدموع اكتر: ياحبيبتى ياميرنا
وتم اجراءات الدفن وكل حاجه