جنه احلامى

الفصل التاسع

*********الفصل التاسع********

فى صباح اليوم التالى

ملك داخله من باب الجامعه لقت ال وقف قدامها
كريم:الحلوه راحه فين
ملك بخوف بس حاولت تبان قويه: عايز ايه ياكريم
كريم:تؤ تؤ ايه اللهجه الجديده دى مالك يالوكه
ملك باشمئزاز:متجيبش اسمى على لسانك تانى انا ندمت عن كل وقت كلمتك فيه طلعت حيوان
كريم بغيظ:مين ده ال حيوان يابت لمى لسانك
ملك محستش نفسها الا لما صفعته على وشه
كريم واقف مصدوم من الى حصل ولسه هيرد
ميرا جت:ملك انا كنت بدور عليكى يلا هنتاخر واخدتها ومشيت
كريم بحقد:انا واحده زيك تعمل فيا كده يابنت ال......* والله لوريكى
ميرا:انتي لسه بتكلمى الشب ده أنا مش مرتحالوا خالص
ملك بدموع: ده طلع حيوان حسبى الله ونعم الوكيل فيه
ميرا بخضه:مالك ياحبيبتى الزفت ده عمل معاكى ايه
ملك قصت عليها ماحدث كله
ميرا بشفقه:ياحبيبتى ده كله حصل ومتقوليليش وبعدين غريبه فادى مقاليش حاجه زى دى خالص
ملك:فعلا انا مستغربه انا كنت فاكراه قالك حاجه
ميرا:اهم حاجه انسى كل ده واحمدى ربنا على ال حصل وانه بعدك عنه
ملك:الحمد لله
ميرا:يلا ياقلبى ندخل المحاضره

عند جنا

ميرنا:يلهووى ياجنا كان قلبى هيقف عليكى امبارح وكمان عارفه انك مبتحبيش الاماكن المغلقه
جنا:انتى هتقولى فيها انا كان قلبى هيقف عليا الحمد لله انى انا خرجت منها على خير
ميرنا بخبث:البركه فى استاذ عمر هو الى خرجك
جنا:بس متفكرنيش انتم ازاى تخلوا يشيلني كده
ميرنا:جنا انتى هبله انتى مشوفتيش نفسك كنت عامله ازاى وبعدين كنت عايزانى أنا اشيلك مثلا كتر خيره الراجل ان انقذك والصراحه انتى زودتيها أوى ياجنا هزأتيه
جنا باحراج:ماكنش قصدى بس هو قليل الذوق اوى الصراحه
ميرنا :يابنتى انتى بشخصيتين على العموم خلاص حصل ال حصل بقا
جنا: عندك حق انا مش هطلع فى الاسانسير تانى
ميرنا:هههههههه يلا يااختى علشان منتاخرش على المحاضره
جنا :عندك حق وكمان علشان نروح الشركه علشان ابو الهول ال هناك
ميرنا:هههههه وربنا انتى مشكله يلا

عند مروان فى الكليه

حسام جه عليه: لاحول ولا قوة الا بالله العلى العظيم
مروان: فى ايه ياابنى على الصبح
حسام:الراجل ال اسمه الكابتن ده خنقنى
مروان: ههههههه ده شكل واحد هيبقى ظابط
حسام:مالى يااخويا انا عسل اهو
مروان: هو انا قولت حاجه
حسام: ايوه كده اتعدل المهم سيبك بقا منى انت مالك اليومين دول
مروان بارتباك: مالى يعنى انا كويس اهو
حسام بشك: على بابا يلا بقالك فتره مش عاجبنى كده
مروان بتنهيده: مش عارف ياحسام شوفت واحده ملاك كده نازل من السما ومش قادر انساها خالص
حسام : اممم علشان كده بس مقولتلهاش ليه
مروان:ده هى مره واحده ال شوفتها فيها هاروح أقولها ايه
حسام: طب شوفتها فين
مروان:عند ملك اختى
حسام: اها علشان  كده كل شويه عايز تروح تجيب ملك اه يالئيم
مروان:تصدق انا غلطان انى حكيتلك
حسام: ليه كده بس يامارو ده انا حبيبك بص ياسيدى كل ال اقدر اقولهولك اصبر لو كانت من نصيبك ربنا هيقربها منك ياصاحبى
مروان : ونعم بالله