جنه احلامى

الفصل التاسع عشر

*******الفصل التاسع عشر*********

فى فيلا عمر نصار

جنا عملت كمادات لعمر وفضلت وكانت قاعده على مقعد جمبه وهو كون طول الليل بيخترف
عمر : ليه كده ياهايدى ليه أنا حبيتك بتخونينى ليه ليه
جنا شعرت بغصه فى قلبها وبعدها سمعته بينادى عليها
عمر بتوهان : جنا جنا
جنا باستغراب : عمر انت كويس عمر
عمر مردش عليها وكان نايم
جنا فضلت تبصله بشفقه وقالت : ياترى فيك ايه بس

فى شركه نصار

مروان دخل سال على عمر ملقهوش طلب يقابل زياد
زياد خرج عنده بترحاب
زياد : اهلا اهلا اتفضل تعالى فى مكتبة دخلوا الاتنين
زياد : ها تشرب ايه ياباشا
مروان بابتسامه : أنا مش عاوز حاجه والله أنا جاى قصدك فى خدمه
زياد بابتسامه : أؤمر عينيا ليك لو اقدر اعمل حاجه
مروان : تسلم عينيك هو انت متعرفش حاجه عن جنا أختى
زياد بارتباك : ج جنا أنا أعرف مكانها منين
مروان بشك : يعنى متعرفش حاجه خالص
زياد بتوتر : هو أنا لواعرف مش هقولك ليه
مروان برجاء : من فضلك يازياد لو عرفت حاجه عنها بلغنى
زياد مروان صعب عليه ومش عارف يعمله ايه : حاضر لو عرفت حاجه هاقولهالك
مروان : تسلم يازياد أنا هامشى بقا
زياد : انت لحقت تقعد
مروان : معلش مره تانيه
زياد : مع السلامه
مروان : الله يسلمك سلام

فى إحدى المطاعم كان يجلس حسام مع أميره

حسام : ها برضوا مش هتتكلمى
أميره بدموع : اتكلم أقول ايه
حسام : مش هتقوليلى شوفتك فين قبل كده
أميره بدموع : أنا كنت سكرتيرة عمر نصار
حسام باستغراب : كنتى ازاى
أميره بدموع أكتر : رفدونى من الشركه
حسام بصدمه : ليه كده
أميره بعياط : اتهمونى فى سرقة ملفات مهمه أنا مش عارفه أعمل ايه دلوقتى أنا ال بصرف على البيت وبنهيار مش عارفه مش عارفه
حسام باحراج : احم هو فين والدك
أميره : بابا قعيد ومبيقدرش يشتغل
حسام بشفقه : طب وهتعملى ايه دلوقتى
أميره  : هاعمل ايه يعنى ال عايزه ربنا هيكون
حسام : ممكن تعتبرينى صديق ليكى وتجيبى رقمك علشان لو لقيت حاجه اكلمك
أميره قامت وقفت : عن إذنك أنا مش البنات ال أنت تعرفهم
حسام مسرع : انتى فهمتى ايه أنا والله ماقصد وانا مش من الشباب ال أنت تعرفيهم برضوا متخافيش والله تعتبرينى اخوكى
أميره وابتدت ترتاح له بصتله بحذر
حسام : من فضلك أقعدى نكمل كلامنا
أميره قعدت بتوتر : أفندم
حسام طلب اكل ليهم وقعدوا يتكلموا

فى شركه نصار

ميرنا دخلت الشركه ودخلت عند زياد
زياد بمرح : ياهلا ياهلا بالحبايب
ميرنا ابتسمت برقه : ايه الترحاب ده أنا كنت هنا امبارح
زياد بغمزه : القلب وما يريد يتشابه
ميرنا اتكسفت وراحت قعدت فى مكتبها
زياد بمشاكسه : بهوايه انتى قاعده معايا
ميرنا باستغراب : هو فى ايه
زياد : عينيكى ليا مرايه ياجمال مراية العين وغمزلها
ميرنا بخجل وبصت فى الورق ال معاها
زياد : خليكى لو هتمشى اناديكى احنا الاتنين قطاقيط
ميرنا : انت مالك النهارده فى ايه
زياد : تسيبينى اكره حياتى وسنينى واشرب خمور وحشيش
ميرنا : أنا حافظه المهرجان والله انت بتغنيه ليه دلوقتى
زياد : مفيش بغنيه لنفسى اه يانى يال محدش حاسس بيك يانى
ميرنا بضحك وفاهمه قصده : مالك قلبت على بتاعة الشاى ليه
زياد : شحات الغرام بقا هتقولى ايه ياشابه
ميرنا ضحكت ومردتش عليه
زياد : اهربى اهربى ليك يوم ياظالم