جنه احلامى

الفصل الثالث عشر

*********الفصل الثالث عشر**********

فى صباح اليوم التالى

استيقظت جنا على صوت هاتفها وفاقت لقت نفسها بهدومها الخروج وردت كان رقم غريب
جنا : الو
عمر : زوجتى العزيزه عامله ايه
جنا بغيظ : انت متقوليش يازفته انا مش زفتتك
عمر : تؤ تؤ متشتمين نفسك ياقلبى
جنا : كتك وجع فى قلبك
عمر : مش عايز غلط واجهزى بقا علشان ايامك السوده ياجوجو
جنا بقهر : حسبى الله ونعم الوكيل فيك
عمر : قولتلك لمى لسانك احسنلك واجهزى علشان كتب كتابنا بكره علشان النهارده مش فاضيلك ورايا ناس اهم منك
جنا : ياريت متجيش خالص لو عندك دم
عمر : سلام يازوجتى العزيزه
جنا قفلت معاه وبدموع : يارب ريحنى وقامت اخدت شاور وخرجت تادى فرضها وتقرا قران

عند مروان استيقظ من النوم مقدرش يروح جامعته وقام لبس وخرج علشان يروح لميرا وبعدها يروح لجنا وخرج ركب عربيته وذهب عند جامعة ميرا
ميرا خرجت لقته وشه باين عليه الاجهاد والحزن
ميرا : ازيك
مروان بابتسامه : ازيك انتى يلا وفتحلها باب العربيه وركبت بجانبه
وصلوا عند المطعم ونزلوا طلبوا الاكل وطول الوقت مروان شارد وحزين
ميرا : احم مروان لو مش حابب نقعد النهارده مش مهم
مروان : اسف والله اصل عندنا مشاكل فى البيت
ميرا : طب ماتحكيلى مش قولت هنكون اصدقاء
مروان بابتسامه : مش بس انا قولت حاجه تانيه
ميرا بكسوف : خلاص يامروان بقا
مروان : ماشى المهم ال حصل وبدا يقص عليها ماحدث
ميرا بصدمه : عمر اخويا
مروان بصدمه وابتدى يستوعب : انا ازاى مجتش فى دماغى كده عمر يبقى اخوكى
ميرا : انا برضوا مستغربه وازاى قابلها وبتذكر اه صح يوم ماكان عمر جاى ياخدنى وجنا كانت جايه لملك عمر خبط جنا بالعربيه واتخانقوا
مروان : هو ده ال خبط جنا كمان
ميرا : على فكره عمر اخويا مش وحش زى ماانت فاهم انا مش بقول كده علشان اخويا لكن هو كان قلبه طيب جدا بس مر بظروف فى الماضى هى ال خلته كده وبعدين انت غلط لما مديت ايدك على جنا
مروان بندم : انا مش عارف انا عملت كده ازاى انا اول مره امد ايدى على واحده منهم بس انا هاروح اصالحها
ميرا : طب مش يلا علشان انا اتاخرت
مروان : تمام يلا انا عارف ان نكدت عليكى النهارده بس هتتعوض
ميرا بابتسامه : ولا يهمك يلا
ومروان حاسب وخرج وصل ميرا وذهب على بيت ميرنا

عندى فادى فى الساحل

رامى : ياعم فادى انت عمال تتكبر على البت مريم ليه ده ناقص تقولك اؤمر يامولاى
فادى : انت عارف ان عمرى ماحبيت مريم انا طول الوقت شايفها اختى هى ال وهمه نفسها وياسيدى قول لنفسك البت نرمين واقعه على الاخر وانت ولاهنا
رامى : نرمين دى اخرها امشى معاها اتفسح معاها لكن ارتباط وحب لاء ياعم ماليش فى الكلام ده
فادى : طب اتكلم على قدك بقا ويلا علشان نرجع علشان انا زهقت
رامى : بالسرعه دى يافدووش
فادى : اه انا زهقت عايز تخليك ارجع انا
رامى : طب استنى اقولهم ونمشى
فادى : ماشى