في قانون العشق

بارت2

كـ غيم بارد لا شيء يثير رعدي ..

،،

"التصويت مهم ودعمكم يشجعني اكمل"

استمتعوا  ، بارت2

__________________________________

فاتت هدى وجانت عصبييية حييل كبل ضربتها راشدي فر وجهها فر وخدها صاار احمر من قوة الضربة لزمت خدها وباوعت لاختها بغضب لانها اول مره تنضرب وحتى ابوها مايضربها...

هدى:- ساااقطةةة  ، ابوج هيج رباج وعلمج بس الظاهر ميفيد وياج الدلال تحبيين رجل اختج؟ ولج حتى حرام تفكرين بي الله ياخذج ويخلصني منج

ام جلال:- على كيفج يمه وياها

هدى:- وسفة عليج خالة ماظنيتج تشجعينها

ام جلال:- عيني انه ماجاي اشجعها تبقى تحبه انه جاي اگللها تزوجي وتنسينه

دموع بغضب:- موووو انتي الي تتحكمييين بيه ماالج حق تمدين ايدج صكر ماسواها تسويها انتيي؟

هدى تقربت تريد تضربها بس وكفت بوجها ام جلال وماخلتها تضربها.. وهدى ضلت تصيح عليها وتگوللها ادبسز ومامتربيه..

اجت ندى تركض على صياحهم.. هاا شكوو شبييكم

هدى ضحكت باستهزاء وهزت بايدها..

ندى شهكت وكالت:- يااا دموع منو ضاربج

دموع بنتر:- اكلج طيري انتي الثانية..
مشت وعافتهم راحت اخذت جنطتها وطلعت..

اجت ام دموع كالت:- هاي شنو وين راحت ذيج البلووة

ام جلال:- لاتخافين عليها اكيد راحت للبيت

ام دموع:- بس ابوها ميقبل تطلع بالشارع وحدها ويبوو اذا عرف يذبها براسي

ندى:- لالا مايعرف منو يگله قابل

ام دموع:- زين هية شبيها طلعت چنها ثور هايج

ندى ضحكت وكالت: تلكيها متعاركة وي وحده من البنات مثل كل مرة

هدى:- انتي الثولة الميته ضحك روحي شوفي رجلج وينه لاتضلين يمنا احنا مو خطار ترة نعرف البيت

ندى:- هاي شبيكم كلكم اعصاب..
راحت للغرفة شافته لابس دشداشتة السودة وكاشخ تفاجئت وسألته وين رايح؟

جلال:- انتي خليج يم امج وخواتج انه رايح يم جماعتي

ندى عصبت وكالت:- احس نفسي مو عروسة اشو البارحة اخذت مني التريدة ونمت وعفتني ماحجيت شي كلت تعبان

جلال وهو صاك على سنونه:- قسم بالله اذا تعلين صوتج مرة ثانية بوجهي اكسرج تكسر بس اكول خطية لان بعدها ماتعرف اطباعي..

حجة هيج وطلع وركع الباب وهية الفطيرة ضلت تبجي عبالك طفلة...

اما دموع طلعت وهي كارهه نفسها واي احد تشوفه احتمال تطلع حرگتها بي كبل راحت للبيت رادت تفتح الباب وتذكرت هية ماعدها المفتاح زفرت بقووة و اندارت تريد تمشي صار جلال كدامها..