كافي يالگبلك كزاز
وكلبي حافي 💔
,,
استمتعوا, بارت 16
•••••••••••••••••
انتبهت دموع اكو مُبرد مال اظافر على كومدي مالتهـا ...
سحبته وهي تتشاهد...
ياربيي ساامحني بس واللـه بعد مااكدر اعييش مااكدر....
قربته على شرايينها ونزلن دموعهـا ....
استغفرالله ياربي شلون اجتني هجي فكرة خايسة,
ضلت تبچي وتشهك مثل المخبلة?..
فات ابوها للغرفة وشافها بهالوضع كام يحس بالذنب مشة اتجاههـا كعد يمها وسحبها لحضنه,
صكر:- آخخ يابوية ماتدرين شكثر دموعچ غالية عليه ومن اشوفچ تبجين احس گليبي يحترك
دموع بغصة:- بوية الله يخليك ماريد اتزوج كريم مااريد اصير نهوة كرييم
صكر مسح دموعهـا بايده :- يابتي والله مابيدي شي عليچ انه لو اكدر چان سويت شي ومنعته
...ضلت تبچي بحضنه وخايفة شعورها ماينوصف...
صكر طلع مبايله واتصل على جواد ؛
جواد:- ها هلا عمي
صكر:- هلا بيك بوية , انه اتصلت بيك لان انته صاحب الشغلة وصرت رجال ف ما اتصلت ع ابوك
جواد:- ءأمر عمي
صكر:- شوف بوية اكيد انته تعرف بعاداتنا وتقاليدنا مو هيجي?
جواد جر حسرة:- اي...
صكر:- بوية دموع ابن عمهـا رايدها
جواد:- بس انه خاطبها !!
صكر:- اععرف بس بعد ابن عمها ناهي عليها وانه مابيدي شي عليك
جواد تنهد 😔 وسكت....
صكر:- بوية ماريدكم تاخذون مني موقف وانه ان شاءالله ازوركم بيوم من الايام
جواد:- لا عمي لاتتعب نفسك لاتجي واعتبرنة متصافين
صكر:- يبعد عمك , يللاا سلملي على اهلك واعتذرلي منهم
جواد:- يوصل ان شاءالله.....
سد الخط ،
________________
بمكان ثاني ؛
________________
....رجع مهند للبيت وهو منتظر يشوف عشكه....
فات للغرفة شاف جهاله يلعبون ابتسم الهم ومشة يدور على حبيبته.،
شافها بالمطبخ جاي تسوي كيكة وموصخة الدنييا كلها بكل مكان طحين وكشور البيض ضحك عليها...
مهند بصوته الرجولي:- ههههه وين وردتي ?
هدى انتبهت عليه من ضحكته:- هههه حبيبي الحمدلله عل سلامه...
أنت تقرأ
في قانون العشق
Romanceخلة شفتة ع عيونها وهمس.. ماتدرين شكثر عذبن حالي هالعيون مارايد شي بس اكعد واكابلهن....
