مساء الخير عليكم حبايبي .،
قبل كلشي اريد اسألكم .. ليش التصويتات عل بارتات متفاوته؟! البارت الاول تصويتات عليه 43 والبارت الوراه 27 وبعدين صار 19 وشوي شوي بده يقل التصويت،. يعني الي يقرا البارت ليش مايصوت !!
يلا كلكم روحوا هسه صوتوا عل بارتات كلها بنجمة⭐️..
..
جلال يكول:
دايخ وكلكم عليّه
ليلي وانتِ
وحايط يشعوط الروح
والهواجس والجگاير
كلكم تحرگون بيّه
وين اروح ؟
،،
استمتعوا ، بارت9
__________________
.. جاي تمشي بالشارع وفجأة انجرت حتى ما لحكت تصيح.. كلبها صار بلعومها ماحست بشي رأسن فقدت الوعي
شمروها بالسيارة عل كشن ويحجون بيناتهم وهي بالكوة تسمع حجيهم بس ماتشوف زين عيونها مغوشة وجسمها يرجف دكات كلبها متسارعة..
واحد منهم حجة:- اكلك شني هاي تخربطت ؟!
الثاني:- شدراني ، خل تولي شعلينا بيها المهم انه سمعت هذي غالية على ابوها يعني شيخ صكر مستعد يبيع الدنيا كلها علمود يرجع بنتة،
رد عليه:- جا خوش اذا هيج.
وضلو يسولفون بس هي ماتسمع كل الحجي.....
" بمكان ثاني "
هدى نزلت جوة و تصيح:- يلاا دمووع وينجج ؟..
شافت ماكو احد ، دورت البيت كلة وطلعت بالطرمة هم مالكتها، كلبها كام ينغزها ،
رجعت فاتت جوه شافت بنتها رفيف كاعده عل ارض وتاكل باظافرها'
هدى:- ماما حبيبتي شفتي خاله دموع؟؟
رفيف بالكوة تحجي:- تلعت بالثارع
(طلعت بالشارع)
هدى شهكت ولزمت راسها ماتعرف شتسوي توترت كلش ..نزل ابنها علاوي كاللها:- شكو ماما
هدى:- ولك علاوي خالتك طلعت ومادري وين راحت
علي:- خابري بيبي يجوز رجعت للبيت
هدى:- اي هم صدك هاي شلون فاتتني.
طلعت تلفونها وايديها ترجف داست على رقم امها..
رادت تحجي بس كبل امها كالت ..
" الو ها يمه وين صرتن ؟ "
.. هنا هدى خافت كلش لان دموع مو يم امها و مو بالبيت...
ردت عليها:- ها يمه شوية ونجي..
سدتة منها و باللحظة فات مهند،
مهند:- ها حبيبتي وين دموع ؟!
هدى:- ولك مهند الحكلي دموع ماكو
مهند:- خاف رجعت لبيتكم ؟!
هدى:- لا لا خابرت امي مو يمها
مهند:- استغفرالله ياربي هاي البنية غضب 😠
هدى:- هسة مو وكت هالحجي ، فدوة دور عليها
أنت تقرأ
في قانون العشق
Romanceخلة شفتة ع عيونها وهمس.. ماتدرين شكثر عذبن حالي هالعيون مارايد شي بس اكعد واكابلهن....
