في قانون العشق

20

- انتَ الحياة و انا على قيدك انتَ .

استمتعوا , بارت20

.....................

ملاحظـة ؛ رائد وحسين عمام جلال وهمه شخصيات جديدة بس مو كلش مهمة لذلك ماذكرتهم بالبداية....

,,,

الشيخ راضي:-احنا لازم ننتقل لمنطقة ثانية .

جلال:-شنووو؟

حسين:-اي هذول الناس مارح يعوفونة بحالنة

جلال بعصبية :- احنة نطلع من المنطقة چي خايفين يهدون علينة؟ ابن ابوه الي يعتب باب هالبيت

رائد:-جلال بوية ذول الناس مو سهلين

جلال:- چا احنة سهلين؟ وعلي فلا نطلع

شيخ راضي:-بوية انا مالي خلك مشاكل

جلال:-ماكو مشاكل بوية وشيصير انا المسؤول ولا تشيل هم

حسين:-جلال احنة هيچ راح ندخل بمشاكل اكبر من روسنة ومو بعيدة يذبحون واحد من عدنة

جلال:-عمي بعد اذنك انتهى النقاش والي يحاول يتقربلنة افرغ المسدس براسة...

كام جلال طلع من الديوانية وهو معصب كلشش ومايتحمل حچاية وحده...

فات للمطبخ شاف خالتة وبناتها بعدهن موجودات..

جلال:- ءححم خالتي اوصلكم لبيتكم؟

سناء فتحت عيونها:-شنو يمة جاي تطردنا ؟

جـلال:-حشا خالتي مو قصدي بس انتي تعرفين موضوع الثأر وماريد يصير بيكم بشي وتذبوه براسنا

سناء:- جلال كلامك ابد محلو

جلال:- ليش خالتي انا جاي احچي لمصلحتكم وانتي حُرة  .

صابرين:- والله الظاهر جلال مايريدنا بالبيت

ام جلال:- لا لايمة هو مو قصدة

سناء:- مممم احنا نرجع لبيتنة لأن شبعنة مذلة...

ام جلال لزمت ايد أختها:-لا خية هذا بيتكم وماارضى تطلعون منه وانتم زعلانين

سناء تنهدت...

ام جلال:-ابقوا لخاطري

سناء تباوع لجلال بنص عين:-لخاطرچ بسس .

راحن بالهول وام جلال ضلت تثرم حچي,,