طبعًا خبصتوني بارت وباااررت هاكم هذا بارت😂😾...
بس والله الي ينسى التصويت اذبحة 😑🔪،،،
:........:
ذب گلبي حسـرة عليـك
تـدري شكبرهـا ?
مـو حسـرة چنها شيوخ ذبت عگلها 💔 .
,,
استمتعوا , بارت 17
______________________
راحت غسلت اماعين و تنگعت كلها من فوك ليجوة.،
سمعت صوت ماطور الماي يطلع صوت , طلعت للطارمة خلت اصبعها عل دكمة مال كهرباء وچان تتكهرب...
سرت كهرباء قوية بجسمها ومن الصدمة ماكدرت تنطق بحرف كبل طاحت عالأرض....
...طلعت ام جـلال وشافتها بهل وضع تخبلت وكامت تصيح الحكووو ...
كلهم طلعوا ومصدومين من المنظر الي كدامهم ،،، ركضت شيرين جابت التلفون وخابرت على مهند وكالتلة يجيههم بسرعةة ،،،
مهند بالكوة انجمع وية هدى على إنفراد و چان يدك مبايله ،،،
استغفرالله لييش كل الوادم تذكرني هسةة ?
هدى:- ههههه شبيك حبيبي مو يومك هذا
مهند:- اسكتي انتي لا اكوملچ وعلي
هدى:- هسة جاوب يجوز اكو شي مههم !
مهند فتح الخط كال ها يمةة وچان شيرين كبل صااحت الحكك عليناا مهند بسررعة لو هو روحه شاغت للسمة...
مااات من الخووف عبالـه امه بيهها شي كام بسرعة بدل ملابسةة و طلع بدون شوف ،،، و هدى خطية ضاله بتوتر لأن كلشي ما كاللها ،،،
وصل مهند لبيت اهله ركضض '
فات وطلعتلة خالتة رأسن وملامحح الخوف واضحة على وجهها ،،
سناء:- يمةة الحكك هااي مرت اخووك متكهربة وطايحه بالأرض بالكوة شلناها وحاولنة نكعدهه بس لا حس ولا نفس .
مهند:- بسررعة لبسوها عباتهها خل اخذها للمستشفى .
سناء:- ملبسينهها اصلاً لأن ندري بيك على جية ،،،
مهند فاات اجه شالها بس هو ابد مامتقصد يلمسهها
( يعني لاتفهمون غلطط والله نيته صافيةة )
صعدها بالسيـاارة وطـارر ،،، چان يسووق بكل سرعته ''
وصلوا للمستشفى كبل اخذوها لغرفةة وراح يشوفها طبيب منهم ،،،
مهند واكف على راس الدكتور:- دكتوور الله يخليك طمني ?
الدكتور رافع حاجبه :- هاي مرتك ?
مهند :- دكتور رحمة لأهلك شيفرق ويااك ،، هاي مرت اخوي
الدكتور بشك:- جا اخوك وين
أنت تقرأ
في قانون العشق
عاطفيةخلة شفتة ع عيونها وهمس.. ماتدرين شكثر عذبن حالي هالعيون مارايد شي بس اكعد واكابلهن....
