في قانون العشق

15

حبايبي اسمعـوا كـلامي وافهمـوا زيـن '

دموع صاير عليها هجوم مو طبيعي ما اكلكم اني محامية واجي ادافع عنها بس خفو عليها شوية بكلامكم يمكن اذا تشوف تعليقاتكم عليها تشمر نفسها من جسر الاحرار 😂 ..

لا ترا صدك احجي شبييكم وياها؟؟ صحيح هي عدها غرور بس ترا والله سُمعتها طيبة واخلاق و رزنة وثكيلة ...
اعترف هي نظرتٰها لجـلال نظـرة مو عادية وإنما نظـرة حب وهـذا الشـي حـرام + ارجع واكرر هي وجلال يحبون بعض قبل مايجـي حضرتـه يخطب اختـها !!

بربكم جاوبوني الحب بايدنة؟
احنة نختار الشخص الي نحبه وشوكت؟ ...

و اصلاً الي چان بينهم موو حب وإنما عشك...

وكلشي يتحلل بقانون العشق 🌚❤️،،

وطبعًا الـي مايحبـون الأبطـال يكدرون يتركون القصـة تـرا مارح ازعـل انتـم احرار 😊..

اسـفة طـولت بالكلام بـس حبيت اوضـح الفكـرة ' 💘

" وطبعًا هذا البارت هدية الكم لأن وصلتوا ذاك البارت ٥٦ نجمة 🌟 "

....

يا محلة ذيچ ايامنة الماترد

.....

استمتعوا ،، بارت15

__________________

اول ما كام هو حس بدوخة وآلام براسة مو طبيعية كبل وكع عل أرض...

كامت مرتة ركضض اجت يمه تحاول تكعد بي...

ام دموع:- ولجن وحددده تجيييب كلاص مي يلللااا

..كامت ندى ركضت جابت بطل ماي و دموع بعدها مصدومة وجامدة بمكانها...

شمرت ع وجهه شوية ماي وبده يفتح بعيونه...

ام دموع:- يالله، صكر شبيك ؟!

صكر بالكوة فاتح عيونه:- انه بخيير الحمدلله بس اريد اروح لغرفتي

ام دموع:- ميصير هيجي يابة لازم تروح دكتور تشوف شبيك شنو وضعك

صكر:-هسة الله كريم بس اريد احد ياخذني لغرفتي..

كامت وكفت دموع:- انه اخذك..
تقربت تريد تلزم ايده حتى تساعده بس هو وخر ايديها بنتر...
هي ضلت تباوعلة متفاجئة ومفتشلة..

صكر:- ام هدى ساعديني

امهم :- اي عيني تدلل ...
كامت وساعدتة يكوم ضلت مرافقتة لحد ما وصلته للسرير ....
وطلعت من الغرفة،

امهم:- ندى شنو عيني ماترجعين للبيت؟؟

ندى:- يمه والله مالي خلك ارجع وتكعد عمتي تتشرط عليه وانه تعبانه ومحتاجة ابقى يمكم شوية