في قانون العشق

بارت10

هذا الشعور سيء جدًا
هذا الشُعور الذي لا تصنيف لهُ أبدًا
لا حُب ، لا حُزن ، لا شيء
فقدان الشغف لِلأشياء
لِلأشخاص ، لِلمشاعر
لا رغبة في شيء أبدًا
كميّة كثيرة من الأوجاع
تشعر بِها في الرّوح ، في الجسد ،
ولو أردتَ الحديث عنها ،
لا تعلم مَا هي ،
ولا مِن أين ، ولا إلى أين"

،،

استمتعوا ، بارت10
................................

صكر ضاج وصاح بي:- جلاااال هااي بتي مو بتك

جلال:- اعتذر انه بعد ماادخل

صكر تنهد...

جلال اخذ سويج السيارة وكال:- تصبحون على خير..
وكبل طلع..

دموع كامت صعدت لغرفتها و سدت الباب رأسن نزلن دموعها كلما تتذكر شصار اليوم تمووت قهر وهذاك الحيوان الي راد يتقربلها بس تتذكر تلعب نفسها والا شوية تتقيئ، راحت اخذت ملابسها وطبت تسبح حتى ترتاح شوية شافت اكو دم نزل منها بس خفيف ، جسمها كله كام يرتعش ودموعها صارت تنزل مثل الشلال ، تسمع صوت هدى تصيح عليها من ورا الباب بس ماتفتهم شجاي تحچي...

هدى صاحت وهي متوترة:- ولج دموع شبيج ليش مجاوبين؟؟

دموع بغصة:- مابيه شي جاي اسبح روحي انتي ..
عبالك الخنكه وصلت ل بلعومها و ماتكدر توصف حتى شعورها ، كملت سبح بالكوة وطلعت بس عيونها حمر وخشمها من البجي، راحت كعدت كدام المراية وكلما تباوع لوجها تكره نفسها بالزايد
.. عيونها كامت تصب بدون شعور..

فاتت امها للغرفة اجت يمها حضنتها وباستها:- كوليلي يمه لاتخافين اكو احد مقربلج؟؟

دموع بعياط:- كتلججج لاااا لااااا ..
وفجأة رجعت تبجي

امها:- كولي يالله يمه شبيج اذا ماكو احد مقربلج شكو تبجين بعد؟

دموع ببجي:- اريد انام اطلعي من الغرفة

امها:- انتي مماكلة شي خلي اسويلج اكل عل اقل

دموع:- كلشي مرايدة بس عوفيني لوحدي

امها تنهدت وكالتلها:- صار مثل متردين بس من تجوعين نزلي اكلي

دموع هزت راسها.. و امها طلعت..
حتى شعرها عافته مبلل و نامت اليوم تعبت حيل نفسياً و جسديآ ..

اما جلال رجع للبيت الحزن تارس كلبه وعيونة حييل متكئب و مايحچي وي احد كبل راح لغرفتة سبح ومشط شعرة و رأسن نام .....

يوم ثاني"

دموع كعدت الصبح راسها يوجعها و دايخة وميته جوع بطنها فارغة من البارحة الصبح، كامت غسلت ومشطت شعرها ونزلت جوه بهدوء لان شافت الكل نايمه، راحت للمطبخ فتحت الثلاجة طلعت جبن و سوت لفة واخذت خيار وكعدت تاكل، كملت اكل وكامت رجعت الجبن بالثلاجة و طلعت شوية بالحديقة تريد تتنفس عبالك الاكل نزل عليها مثل السم و حتى ماحست بطعمه....