في قانون العشق

21

إيــدي بيــدك وكــل صـعـب نتحملـة 🤝💕 ..

,,

استمتعوا ، بارت21 "

تقرب منها وهي دكات كلبها تتسارع كأنو داخلة بحرب...

خله شفتة على عيونها وهمس..ماتدرين شكثر عذبن حالي هالعيون مارايد شي بس اكعد واكابلهن...

دكات كلبها صارت متسارعة اكثر ،والخجل سيطر عليها وما حچت شي .

جلال:- دموعي تحبيني ؟،

دموع توترت من قربة كلش :- هااا

جلال:- تحبيني !،

دموع:- لا ءءء اقصد اي ...

جلال ابتسم:- زين كوليها فد مرة

خلت عينها بعينه وهي مفهية عليه:- شنو اكول؟،

جلال بنص عين:- شتكولين مثلًا ؟،دموع بالچ مو يمي ها ؟

دموع:- لاء طبعًا احبك ،.. خلت ايديها على حلكها ودنكت راسها بالأرض .

جلال ابتسم:- شلون الشيطان اليوم راكب راسي وأخاف اطلع من دين الاسلام واطلعچ وياي واخرب الدنية .

دموع:- لااا ععزاا ،چا انا اروح احسن .

جلال ضحك:-هههههه روحي روحي

         يكلها : العشك مايرهَـم بس عليـچ ♥️
                شسويتيلي وهلكـد عشگتچ ✨

،،،طلعت من الغرفة وكلبها يدك بكل عشك..تتذكره وتبتسم،،،

مشت وحست اكو خيال طفر عالدرج قبلها ،للحظة شكت بصابرين وهالشي زادها توتر،نزلت وشافتهن كاعدات .

شيرين بشك :- دموع مو على اساس رايحة تغيرين ملابسچ ؟،اشو نفسهن

دموع توترت وبداخلها تحچي على نفسها ..،
:- ءءء مو شسمة شفت حشرة فوك وبصراحة خفت ابدل .

صابرين رافعة تك حاجب:-ممم حشرة ؟، تدرين جلال اجى چان كلتيله يذبح الحشررة !،

"ركزت ع كلمة الحشرة"

دموع:- يااا صدك ماشفته ،يجوز راح لغرفتة .

شيرين:- ليش احسچن رح تذابحن ؟،يـلا كومن نسوي العشة متت من الجوع .

،،، راحن للمطبخ وسون أشكال ألوان الأكل ،،،