في قانون العشق

بارت7

انا عايش عمري لأجلـكك لااتضن بيوم ازعلك🖤.
،،

استمتعوا  ، بارت7

.............................

شيخ راضي:- حشة لا والله مو جاهل  ، ولك انه معتمد عليك تستلم الشيخة وشلون تصير شيخ وانت ترجع بالليالي وتروح گهاوي وي المزعطة صحبانك

جلال:- يابة انه اعرف شسوي

شيخ راضي:- الرجال من يزوج يتحمل مسؤولية مرة وجهال مو لعب ويكعد يراهق من جديد

جلال:- صار

شيخ راضي:- جلال لا تسكتني

جلال:- مو قصدي اسكتك بس جنت مخنوك شوية وطلعت وماحسيت بالوكت

شيخ راضي:- ماشي بس ان شاء الله تكون اخر مرة

جلال:- ان شاءالله  . تصبح على خير حجي ..

مشة وعافه  ، راح لغرفتة طب للحمام سبح وطلع يمشط شعره وندى تباوع عليه..

جلال:- انتي كايله لابوي يحاچيني

ندى رجفت:- لا والله مالي علاقة

جلال:- ممم..
اجه تمدد عل جرباية و زفر بقوة مخنوك بكد رحمة الله الي يحبها مو بحضنه متعذب حيل وي ندى ومايريدها..

يوم ثاني "

ندى من كعدت الصبح وهي تتقيئ وماتشتهي تاكل..

ام جلال:- يمه يجوز حامل

جلال جان يشرب مي رأسن غص..

ام جلال:- شبيك انت الثاني

جلال:- مااتوقع حمل

ندى:- ليش يعني؟  شنو ماتريدنا نجيب جهال  ؟

جلال:- لا مو هيج

امه:- لا حبيبة انه اليوم اخذج ونسوي تحليل حمل ونشوف

ندى ابتسمت:- ان شاءالله عمه

..جلال طلع وي ابوه و ندى راحت بدلت ملابسها واجت..

ام جلال:- نداوي جيبلي عباتي وتعاي

ندى راحت جابت عباتها لبستها وراحوا للمستشفى وندى حيل متوترة وخايفة وفرحانة بنفس الوقت  ، سوت التحليل..

الدكتورة:- مبرووك عيني حامل وعليها اسبوعين

ام جلال كامت تهلهل والفرحة ما واسعتها وأخيراً راح يجيها حفيد من ابنها الجبير..
وندى كلش فرحت  .  خلت ايديها على بطنها وفرحانة حيل شعور ماينوصف راح تصير أم..

ام جلال بابتسامة:- امشي خلي نبشر الشيخ

.. رجعن للبيت بس ماكو احد..

ندى:- اكلج عمه خلي نروح لبيت اهلي اريد افرحهم

ام جلال:- يلا امشي..
راحن لبيت شيخ صكر..