مساء الخير حبايبي ومتابعين القصة ..
اتمنى من كل واحد جاي يقرا كلامي يروح يراجع البارتات السابقة واي بارت مامسويلة تصويت يرجع يصوت عليه بالنجمة* مايخسر شي ترا وتعليق واحد منكم يشجعني اكمل....
تبقى بقلبي مهمآ خذآكَ ألبُعد ♥️"
،،
استمتعوا ، بارت8
.............................
فتحت تلفونها شافت رسايل من رقم غريب..
"احبج"
دزت "منو وياي ؟"
رد "يعني هسة ماعرفتيني ؟"
.. مجاوبته رجع كتب
احبج حتى لمن تلبسيني "
دزت " ترا والله ماناقصني ناس مخابيل كول منو حضرتك؟"
جاوبها " انجبي ولج اني جواد"
" جواد ؟ "
" اي "
مجاوبتة
كامت سبحت ونامت رأسن..
ثاني يوم كعدت سوت ريوك ونظفت البيت هلكت من التعب خواتها اثنينهن مزوجات وامها مرة جبيرة وتعبانة ماتكدر تنظف يادوبه تطبخ مرات ....
دموع:- يمة اريد اروح لندى
امها:- ماتروحين منو كاضج
دموع تنهدت.. بس جاي انطيج خبر خاف تحتاجين شي ..
ام دموع:- تطولين لو لا؟!
دموع :- لا مااطول ربع ساعة تلكيني يمج .. ردت عليها .. جا خوش ...
لبست عباة اسلامية وحجابها وراحت لبيت الشيخ ،
فتحتلها الباب ام جلال
ام جلال:- ياهلا
دموع:- هلا بيج ،
فاتت للبيت راحت على ندى.. بوستها ، الف مبروك حبيبتي الله يكومج بالسلامة
ندى:- يبارك بيج عمري يوم الالج ونفرح بيج ان شاءالله
دموع ابتسمت.. بس بداخلها بركان من الغيرة ..
شافت جلال فات..دكات كلبها ماتكدر تسيطر عليها ارتبكت حييل ،
جلال:- ندى هذا ال.... سكت لان انتبه دموع موجودة رجع كال.. هلا دموع
دموع:- هلا ، يلا انا لازم ارجع للبيت عن اذنكم .....
مرت شهرين نفس الروتين ماكو شي تغير راحت لاختها مرة وحده وبعد ابد ماطلعت من البيت ....
ندى جاي تغسل بالحمام وفجأة حست بشي ينزل عليها ،.
عاطت راسن،
ندى بعياط:- آخخخخ آخخخ عمةة جلااال
اجة جلال يركض..
جلال بتوتر:- شبييج شبيج ؟
ندى بألم:- صيحلي عمةة خلي تجي تشوفني آه آه
جلال راح بسرعة جاب امه واجه..
عمتها:- شبيج يمه شتحسين ؟
ندى:- آه آه مادري مادري جاي ينزل دم
ام جلال شهكت:- يبوو خاف جاي تطرحين.. عاطت.. جلاال يمه تعاال اخذنا للمستشفى
أنت تقرأ
في قانون العشق
Romanceخلة شفتة ع عيونها وهمس.. ماتدرين شكثر عذبن حالي هالعيون مارايد شي بس اكعد واكابلهن....
