في قانون العشق

14

مساء الخير حبايب كلبي 🌚❤️....

ماعرف شلون اشكركم عل 49 نجمة 🌟 ، اليوم هدفنة 55 نجمة يللاا نشوفكم تدبروها لو لا 😊?

الي مايصوت ومايعلق ع هالبارت مطلوب دم 😡..

اجيب عشيرتي واجي عليكم هدادة 😂😂👋 لا عبالكم اشاقة ترا احجي صدك....

ملاحظة:الي يسأل ع اشباه للابطال ف ذول الي بغلاف القصة اشباه دموع وجلال بس دموع عيونها اكبر وبشرتهها كلششش بييضة وجلال نادرًا مايضحك ف معليكم بهذا اليضحك
والباقين ما لكيتلهم اشباه الله وكيلكم ، اذا تحبون انتم تخيلو شكولاتهم 😂🌚.

يلا طولت عليككم روحوا اقروا البارت

،،،،

|| هـادئه ڪِٰ ساعاتِ الليـل المتأخرهۃٓه 彡💘

''''

استمتعوا ، بارت14

_________

صكر:- عمج ماراضي ع خطبتج من جواد ويكول كريم ناهي عليج

دموع انصدمت كلش وماطلع منها حرف،

ام دموع خلت ايديها ع ايد بنتها تريد تواسيها،واشتعل بركان الغضب الي بداخلها،

دموع كامت وكفت عل حيلها ضحكت:- هههه انه ؟ انه نهوه ؟؟

ابوها ضل ساكت..

دموع علت صوتها:- لاتضل ساااكت احجي يلاا كولي انه اصير نهوه لهذا ؟!

صكر:- وشبيدي عليج يابنيتي انتي تعرفين بعاداتنا وتقاليدنا.

دموع:- اييي صح عاداتكم المُتخلفة

صكر خزرها:- دموووع لاتقللين ادبج

دموع:- ما اتزوج كرييم لو عل كص ركبتي ماااشي وصللهم هالكلام وخلي يعرفون زين انه ما انكسر بنهوه

صكر:- بوية استهدي بالرحمن

دموع:- والعباس ابوفاضل ماتزوجه ويحلم يشوف شعره مني

( هنا دموع كلشش انهارت وكامت ماتسيطر ع نفسها)

ام دموع:- يمة شبيج كولي يالله .،

دموع:- مااخذه مااخذه تفتهموون شنوو يعنيي، انه مو لعبة بيدكم واحد يجرني منا وواحد يجرني منا

صكر كام وكف كبالها وعيونه تحجي غضب:- باجر يجي شيخ وتعقدون افتهمتي لو اعيد؟!

..طاحن دموعها :- كتلك ماتزوجه ماتزوجه

صكر بعياط:- والله العظيم اذا اجه الشيخ وما وافقتي لاكون سحلتج بالشارع وتبريت منجج .،

مشه وعافها ""
بهاللحظة جانت محتاجة حضن امها الدافي وكلام يواسيها ويخليها اقوى بس جانت فاقدة هذا الاحساس .، جان ابوها معوضها عن حنان الام وشيصير جان يوكف بظهرها ويسندها بس شلون اذا ابوها هالمرة جاي يجبرها ويعاملها بقسوة ؟!...