في قانون العشق

بارت3

لا حنّيت ولا ونّيت
ولا طارش چذب وديت
ولك مرّ بحلم مرة
واحسبها لك جية
واگولن جيت.

،،

استمتعوا  ، بارت3

،،،،،،،،،،،،،،،،،،،،،،،،،،،،

هدى تنهدت وكالت:- دموع تحب جلال ابن شيخ راضي
يعني رجل ندى

ام دموع انصدمت حييل ماتعرف تجاوبها بعد وحقها لان هاي صدمة جبيرة محد يتوقعها بحيث فجأه كامت ماتسمع ولاتشوف واختل توازنها كبل وكعت عل ارض...
ونزلت دموع بنفس اللحظة وتفاجئت بامها واكعه وهدى يمها وتحاول تكعدها..

نزلت ركض وهي تصييح:- شسويتيي شگلتيلهاا

هدى:- دموع هسة مو وكتج

كامت دموع جابت شوي مي وذبته على وجه امها تحاول تكعدها وفعلاً كعدت بس تحس الدنيا تفتر بيها..

ام دموع:- ولججج انتي ماارييد اشووفج امشي ولي من وجهي

دموع تنهدت بقوة وراحت كعدت بالمطبخ وگلبها بعده يرجف على امها ضلت تفرك باصابيعها وفات الشيخ (ابوها) وهية كامت ترجف بزيادة..

شيخ صكر:- السلام عليكم

دموع بغصة:- وعليكم السلام

شيخ صكر:- وين امج

دموع بصوت يرجف:- بالصالة

صكر:- شبيج بوية صوتج يرجف
  .. مشة وعافها لان مجاوبتة اجه للصالة شاف هدى موجوده

كاللها بمزح:- هاا بوية ماعندج رجل شعندج كل يوم جايتنة

هدى ضحكت وراحت باست راسة..

صكر:- ام هدى شبيج وجهج مخطوف

ردت عليه؛ بشوفتك اصيرن بخير

صكر راح كعد يمها وباس راسها ..

.......

جلال كام من الفجر لان لازم يلتحق اندار شاف ندى تباوعلة ونظرات عيونها فاضحتها ..

ندى:- راح تلتحق مو؟

جلال:- اي

ندى:- ممم ترا ماصار حتى اسبوع على زواجنا

جلال تنهد..

ندى:- جلال انته تحبني  ؟

جلال:- ليش منو كايلج انه اكرهج

ندى:- لاا اني اقصد اخذتني لان تحبني  ؟

جلال:- بوية كومي نزلي ساعدي امي بلا هالحچي المامنه فايده

ندى:- مممم مهند ماخذ بيت وحده هو ومرتة ليش احنا كاعدين وي اهلك

جلال اندار عليها والشر يطاير من عيوونة تقرب ولزمها من زنودها حييل
وكال:- احدد اذاااج؟ احد ضوجج هنااا لو غيرة نسوان تغارييين من اختج؟