في قانون العشق

بارت5

-عيُونج أجبرتني أحبج بدال المرۿ ألف💛.*

،،

استمتعوا ، بارت5

.............................

راحت للحمام كبل نزلت دموعها ضلت تبجي بصوت مسموع.. اجت امها ركض فتحت الباب..

ام دموع:- شبيج ماما

..ماجاوبتها اجت يمها سحبتها من ايدها وطلعتها من الحمام..

ام دموع:- احجيلي شبيج

دموع ببجي:- اني وحده حقييرة وبدون احساس مااستاهل اعيش اصلا

ام دموع بتوتر:- يايمه شبيج بس فهميني ليش هيج تحجين

دموع:- هه ليش مَكافي احب رجل اختي اني وصخة وقذرة

..امها ماعرفت تجاوبها والتزمت السكوت..

دموع:- ماما اني لازم اروح منا

ام دموع:- وين تروحين ولج

دموع:-ماكدر ابقى هنا بعد حتى لو اروح اعيش يم خالو ببغداد

ام دموع شهكت وكالت:- ولج ابوج ميقبل تباتين يم بيت عمج هذا الي بصفنة شلون يقبل تروحين لغير محافظة

دموع:- الله يخليج يوم انتي تقنعي

ام دموع:- مااكدر اقنعه تعرفين ابوج ميحب احد يعانده الا اذا خطبج تحسين ابن خالج وتتزوجون يالله

دموع:- فدوه اني ماريد ازوج هسة بعدني زغيرة ، زين راح اگله اروح اسبوع وارجع ولـ وقتها الله كريم

ام دموع:- والله ماادري انتي وابوج اني مااتدخل

دموع راحت لغرفتها وكلبها يرجف من الصورة والكلام الي شافته.....

وراها جلال وندى رجعوا لبيتهم وبيت مهند همين رجعوا..

هدى:- حبيبي ماتشوفلي الوتساب شبي اشو مايشتغل من اطب عليه..

مهند:- زين انتي روحي سويلي چاي راسي يوجعني

هدى:- صاار حبيبي..

مهند اخذ موبايلها راد يفتح الوتساب بس ماانفتح راح مسح الصور الزايدة ورجع شافه انفتح بس انتبه على رسالة من بعيد..
فات ع الرقم طلع مال دموع انصدم بالصورة الي دازتها هدى وكلامها شنو قصدها بي سد التلفون بس السالفة ضلت بباله.. اجت هية جابت الچاي..

هدى:- هذا الچاي عيني

مهند:- تعاي كعدي يمي

هدى كعدت يمه شربوا الچاي بس ماحجه وياها ولافتح الموضوع......

ندى:- حبيبي

جلال:- نعم؟

ندى:- منو هاي الي انت جنت تحبها

جلال:- جم مرة كتلج سدي هالموضوع ندى لاتعصبيني

ندى:- اوكي اسفة بس لاتزعل