روان قامت مفزوعة وخايفة ... محمد : 😂😂😂😂😂 روان إتقهرت منه ومرضيتش
تتعصب عليه أحسن يعمل حاجة تندم عليها دموعها نزلت علي وشها وقامت راحت علي
الحمام وهي منزلة رأسها .
بعد عشر دقايق طلعت ودخلت الأوضة بترددوفتحت الباب ولقت النور مطفي ولعت النور
وملقيتوش في الأوضة ...روان : أكيد قاعد في الصالة ... لبست بلوزة حمراء من غير اكمام
وهوشورت ..راحت الصالة ملقيتوش إستغربت ... روان راح فين ده أكيد خرج تاني يارب
ميرجعش إستغفر الله العظيم لا مش كويس اني ادعي علي حد وقعدت تتفرج علي
التليفزيون
مر خمس ايام والحال علي ماهو عليه كل يوم محمد يخرج الفجر ويرجع الساعة 10بالليل
ينام وروان بتقعد تتفرج علي التليفزيون أو تنام مورهاش حاجة تانية تعملها وطبعا
طول الفترة دي محصلش موقف اوكلام بينهم الإتنين كانو متجاهلين بعض ...
اليوم السادس يوم رجوعهم مصر ... روان وهي قاعدة علي الشباك بتبص علي شوارع
فرنسا اللي متهنتش فيها لقت باب الشقة بيتفتح بس ملفتش توقعته هيدخل ينام زي كل
يوم إتفاجأت لما لقته بيناديها لفت وبصت عليه
محمد وهو قاعد علي الكنبة : قومي جهزي شنطتك وشنطتي هنرجع مصر إنهاردة
اول ماسمعت هنرحع مصر إنهاردة فرحت وقامت علي طول تجهز الشنط
روان خرجت لقته قاعد زي ماهو علي الكنبة
روان بدلع مختلط بالفرحة : جهزت كل حاجة محمد بصلها وقالها أوك ورفع سماعة
التليفون وطلب غدا وروان دخلت أوضتها عشان تتجنب الكلام معاه
كلها خمس دقايق والباب خبط قام فتح الباب وخد الاكل ونادي علي روان
روان خرجت ولقته قاعد علي ترابيزة الأكل : نعم
محمد : تعالي اقعدي
روان راحت قعدت جنبه وكان فيه مسافة بينهم
كانت بتبص للاكل وهي مبتسمة كان الاكل حلو اوي جت تمد إيدها عشان تاكل
بس إتفاجات لما مسك إيدها بصتله بإستغراب ...محمد وهو بيهز راسه لاوبعدين
شاور علي طبق ناحيته وقال : ده اكل الأغنياء مياكلوش غير الناس الأغنياء
لكن انتي فقيرة تاكلي أكل الناس الفقراء اللي زيك ... بصت له بصدمة من تفكيره
المتخلف .... روان حست بالإهانة من كلامه وقالت بكبرياء هات الطبق أساسا مفيش
أحلي من أكل الفقراء ... مد لها الطبق اللي كان فيه عيش وجبنة
بدات تاكل وقعدت تدعي في سرها : ((يارب يرجع الاكل عشان يعرف مرة تانية إزاي
ياكل أكل الأغنياء ... إنسان حمار ومتخلف وبخيل مستخسر فيا الأكل
محمد بيكح ... كح كح كح ومد إيده وخد دورق المية وشرب
محمد. : أكيد من عيونك
روان ضحكت غصب عنها وهي فرحانة لان ربنا إستجاب دعوتها
علي الساعة 4ونص طلعو من الفندق وراحوا المطار والطيارة أقلعت الساعة 6متوجهة
لمصر وصلوا مصر نزلت وهي فرحانة أخيرا هتشوف امها. .... شدها محمد من
إيدها وبدا يمشي سريع وهي تمشي بنفس سرعته
روان وهي بتلهث. : بالراحة انا تعبت
محمد بص عليها وقالها إسكتي خالص وصلوا للشنط وفضلوا مستنين تلت ساعة
عشان كان في ضغط علي المطار
روان وهي بتشد الشنط قالت بإحراج : محمد
محمد حس بالقرف وكره إسمه لما هي قالته : خير ... روان عاوزة أورح الحمام
محمد بتهفف : متقدريش تستحملي
روان وهي بتهز راسها لا ... محمد : خلاص روحي جريت روان علي الحمام وخرجت بعد عشر دقايق وراحت لمحمد ... قام وهي فضلت ماشية وراه وهي حاسة ان في حاجة غلط
روان. : لا... محمد : في ايه ... روان : الشنط
محمد بص علي إيدها الفاضية : فين الشنط
روان : نسيتهم ...محمد بعصبية : شاطرة نقعد نستني الشنط تلت ساعة وانتي دلوقتي
تنسيهم ... روان : مخدتهمش انت ليه لما دخلت الحمام .... محمد إتعصب أكتر
وقال : نعم هو انا شغال عندك وسابها ومشي ناحية الحمام وهي مشيت وراه
وصلوا الحمام وملقوش الشنط
محمد بنرفزة : فين الشنط روان بخوف من نرفزته : والله سبتهم هنا تلاقي حد خدهم
قرب منها وحط إيده علي راسها وقال : انا نفسي أعرف في ايه هنا أشك إن عندك
مخ انا شفت اغبية كتير بس زي غبائك مشفتش
روان مقدرتش تمسك دموعها وقعدت تعيط
راح محمد المكتب ولقي الشنط هناك لان فيه واحد من الموظفين لقاهم عند الحمامات
وقال أكيد صاحبهم نسيهم
خرجوا من المطار وركبوا العربية رايحين لڤيلا محمد ... كان الصمت هو سيد المكان
روان كانت عاوزة تقوله يوديها بيت أهلها تشوف أمها بس كانت مترددة وشجعت نفسها
وقررت تقوله ... روان : محمد : محمد حس بالقرف وقال : خير
روان : عاوزة اروح أشوف ماما وأخواتي الصغيرين أصلهم وحشوني وبقالي شوية مشفتهمش
محمد : خلاص إنتي هتحكيلي قصة حياتك فهمت خلاص
سكتت روان ومرضيتش ترد احسن يتعصب عليها ... كانت متحيرة ومش عارفة هيوديها ولا لأ
بعد ربع ساعة لقت العربية بتدخل شارعهم عرفت إنه موديها بيت أهلها فرحت أوي
وقفت العربية عند بيتهم ... روان : مش هتنزل .... محمد : ده اللي كان ناقص إخلصي
روان بتردد : هتيجي تاخدني إمتي
محمد : معرفش يمكن شهر أوسنة أويمكن مجيش خالص
هزت روان راسها وهي فرحانة وقالت أحسن وفتحت الباب ونزلت وخدت الشنطة
بتاعتها من صندوق العربية
محمد وهو لسة مش مستوعب اللي قالته
محمد : والله لأوريكي يا بنت الفقراء ....فتح العربية ونزل ملقهاش حس بالقهر راح بيتها
ورن الجرس فتحله أخو روان الصغير زين
زين : نهم يعني نعم
محمد إبتسم ونزل لمستواه وقاله : إسمك إيه ...زين : إسمي البتل (البطل)
محمد ضحك : طب يابطل مين جوة
زين وهو بيبص علي المصاصة اللي في إيده : ماما ورنون وصلوحة
(ماما وروان وصلاح) باسة محمد من خده وقاله وهو مبتسم : يا خراشي
دخل محمد بعد ماعرف ان روان ومامتها بس اللي جوة
لقي روان بتعيط في حضن مامتها ومامتها كمان بتعيط ... روان وهي لسة بتعيط وحشتيني
أوي متعرفيش انا كنت بحسب الساعات والدقايق عشان أشوفك
مش هسيبك تاني يا ماما ... أم روان : وإنتي كمان يا بنتي وحشتيني أوي
متتصوريش فرحتي لما لقيتك جيتي
روان : خلاص يا ماما انا هبقي معاكي علي طول مقلتليش بابا فين
أم روان : حسبي الله في الظالم جوزك واحد أداه عشان الفلوس اللي أدهاله أبو محمد
روان : بس انا متجوزتش أبو محمد ... أم روان يعني إيه ... روان لسة هتتكلم
محمد : السلام عليكم لفوا للصوت .... روان إستغربت وقالت :هو بيعمل إيه هنا
مش قال هيمشي ربنا يستر أنا مش مطمنة ... أم روان : انت مين
روان : ده محمد إبن أبو محمد وبحزن جوزي
أم روان وهي مش مستوعبة بعدين فرحت إن بنتها متجوزتش واحد عجوز
وقالت : أهلا بيك يا بني نورت .. محمد قرب منها وباسها من راسها إحتراما ليها
محمد يبتسم وقال : منور بأهله ياطنط
روان إستغربت من تغيره وتغير مزاجه وقالت في سرها ( طلعت تعرف الأصول)
ئقطع عليها سرحنها صوت أمها ... أم روان : ئأنا هقوم أعملكم عصير
روان : عنك يا ماما هقوم انا ... قعدت ام روان مع محمد
أم روان : إن شاء الله تكون مرتاح مع روان ومش مزهقاك ... محمد بإبتسامة
وفي سره. ( وهي تقدر تزهقني قولي انا اللي مزهقهها ) وقال الحمد الله يا طنط
انا مرتاح وهي مريحاني
تفاعلووووو أكتر من كدة عشان انزل الجزء السادس
الجزء السادس هينزل بعد تعليققم وعشرين ملصق
