الكاتبة ===== جغانة =====
=========الحلقة الخامسة =========
ملاك مشوك قفلت وذنيها ولينا ولات تأن وتبكي راحلها الاستاذ يجري : واش بيك كشما صرالك
ملاك : وي استاذ قبيل طاحت عرجليها ومصباح وهي توجع فيها
الاستاذ : هاتي رجلك نشوفها
لينا : لالا خلي برك ( نخاف تكون رجلي فاحت بريحة نزيد ندير لروحي تبهدايل )
الاستاذ : قتلك هاتي
حكملها رجلها ونحالها اصباط تحها وهي تحمد في ربي ( جاب ربي تقاشر جدد ومش مقطعين )
هنا تشوكا الاستاذ كي شاف رجليها منفخة وزرقة وتم بلاما يخمم هزها وداها للادارة
ملاك وراهم : امممم اني اشم رائحة نتنة نيهاهاها
لينا حشمت مجاست لي دارو استاذها وبقات ساكتة
ملاك: اول مرة تسكت وااااو أثر عليها نيهاهاها
دخلها للادارة والمراقبة غزلت كيي شافتو هازها ( كانت عينها فيه )
الاستاذ : طفلة مكسرة ولازم تروح لسبيطار درك
المراقبة بتوتر : نو بلاك طيحة خفيفة برك
الاستاذ : سي شوفي كيفاش منفخة وزرقة ووجها اصفر وانتي تقولي طيحة خفيفة
المراقبة بخوف : مي معندي ماندير واحد ماكاين باش يديها
الاستاذ : كيييفااااااااش واحد ماكاين وعلاه مخلصة لاسيرونس مالا باش تموت قدامكم ( وي معظم الثانويات والمؤسسات مش مهتمين )
لينا نطقت : خلاص استاذ بلاك مابيا والو
الاستاذ : بلعي انتي تعرفي خير مني
عاود هزها وعيط لملاك تلحقو قبل مايوصل قلها : روحي للكارطابل تيعي جيبيها وارواحي بسرعة
وصل لطوموبيلتو وبقا يستنا شوية وجات ملاك تجري : هاك استاذ
الاستاذ : هذا الغباء صادر ولا مستورد
لينا : الحمدلله كاين لي حس بيا
ملاك : مفهمتش ؟؟؟
الاستاذ : اجبديلي لمفاتح تع الطوموبيل بليز صاحبتك تقيلة
لينا: اااي انت مانيش تقيلة نوزن 56 كلغ برك
الاستاذ : وش خليتي ( ياعمري كي تقلق شحال تولي شابة )
أنت تقرأ
جنون تلميذة N.B(مكتملة)
Adventureقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
