الكاتبة ===== مطموزال جغانة =====
======== الحلقة 31 ========
وهوما مروحين ==
طريق كامل ساكتين مفاشيين بعضهم لينا مفاشيتو خاطرو طيحها معاه وهو مفاشيها خاطرها رماتو مالحافة بلاما تقلو ولكن لينا مستحيل تفوتهالو على خير ( بهواااااااااااااياا وانتي ئاااعدة معايااا .) ( هيهيهي ميساج برك ) شافت لينا الميساج بعد ماخلعها هي و معتز لقاتو من عند ملاك تما الساعة كانت 14 قالتلها فيه : لينوش نقدر نهدر معاك درك امر طارئ
تنهدت لينا و عيطتلها : وي خير
ملاك : باباك
لينا : ااااااه يا بابا يا غالي درتي اكسيدون وانت مزال عديدانك ومشبعتش منك اااااااااااه تيتمت في صغري
كخخخخخخخخخخخخخخطططططططططططططط
( معتز فرينا مشوك فوسط طريق ملقى مايهدر )
لينا : ااااااي وشبي كانت والله غير سيريو وشبيك حاب تقتلني تع بسيف ؟
معتز يتأتأ : م مش ق قصدي
ملاك : لينا ماماتش مصرالو والو راهو كي لحصان
لينا : اي نتي متقوليش ع بابا حصان عينيك نجبدهملك
ملاك : رح تخليني نكمل ولالااااا
لينا : هاه وشبيه بابا
ملاك : قبيل عيطلي وكي هزيت قلي ني عيط للينا ومحكمتهاش اي معاك
لينا : ااااااااااااااااه نشالله قلتيلو بلي سحتتني ق... تع بينازة وفضحتيني وقلتيلو ع تقرير وبلي راني مع معتز كنا مع القرودة اللي لدرك مابين عينيا
هنا معتز مات بضحك كي تفكر القرد
لينا خزرتلو خزرت موت ولا سكت
ملاك : تقريير ؟ و معتز ؟؟ و قرودة ؟ معليش مبعد تحكيلي ظهرو فايتيني حلقات وانا لاخبر المهم ا لالة نو عابالي تقتليني كان قتلو
لينا : وش قلتيلو مالا ؟
ملاك : هيهي قتلو راكي فطوالات قلي مالا كي تجي قلها انا رايحين انا وماما للمطار نهزو انيس ولد عمك منتم وبعدها نروحو عند جداتك وقلي تانا قوليلها تروح ولالا وتقلي
لينا : يااااااااااا حبي جا من فرانسااا ياااا حابة نشوفو خلاه سير كبر ودار موسطاش هيه دوك نعيط لبابا نقلو اوك دوك نلحق
معتز غزل كي سمع كلمت حبي عبز ع الفولون وديمارا قالق منها يتخيل في روحو حاكمها مشعر ويضرب فيها بلكفوف ( واعرة لينا ليها غير معتز الحق )
ملاك : هيهي شيري على هادي عيطلك انا
لينا : شامة ريحت لحريق اهدري صح ا ملاك خيرلك
ملاك : هيهي كي كفرتي عليا وكوبيتي في وجهي عاودلي باباك هزيت قالي وش قتلك قتلو قتلك لا عندي فرض ورح نبات مع ملاك
لينا : اه ملااااااااااااااااااااااااااك نذبحك نذبحك وعلاه تقوليلو لا منروحش حراااام عليك حابة نروح نشوف انيس خراااااا ادي كوبي متزيديش تقلقيني كتر منهك ملاك خافت كوبات بلاما تخمم
معتز بخبث : واش الالة فزدتلك ملاك فرحتك ب خونا انيس وشكون هذا حتان فرحتي هك كي سمعتي بيه هنا ؟
لينا ( وش هادا غاير ياعمري خلي نزيد نتأكد ) : انيس هدا ولد عمي عايش في فرنسا كان كي يجي يبكي عليا يحب يرقد معايا فليل نحبو بعضانا درك عندو 6 سنين مجاش توحشت ارقدة بين احضانو
معتز غار علخر : قتلك احكيلي انا ربي يسهل
لينا ( نيهاهاهاها جاتني فكرة نقضي عليك بيها ليوم قبل غدوة ) : اوك وصلني لدار تعيش حاسة روحي مانيش صافا
معتز : خير لينا وشبيك كنتي لاباس درك
لينا ذبلت عينيها : منعرف قلبي قابضني حاسة رح تصرا حاجة ليلة واحساسي ميخيبنيش
معتز : نشالله خير وين جات دار ملاك خليني نوصلك عندها
لينا : وانا معنديش دار حتان توصلني عند اناس
معتز: يخي والديك ماهمش ف دار نو
لينا : وي ومبعد
معتز : وتباتي وحدك اكي نورمال انتي
لينا : كبيرة ومش رح ياكلني بعو
معتز : متاكدة
لينا بخبث : وي متاكدة
أنت تقرأ
جنون تلميذة N.B(مكتملة)
Aventuraقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
