الكاتبة ===== مطموزال جغانة =====
======== الحلقة 24 ========
فاتوو ليام وكانت لينا فيهم عاقت خاطرها مادارت مشكلة جديدة وهدا تحت حيرة معتز و خلات ليكوبل في راحتهم بالعكس كانو يروحولها تنصحهم ببلاصة متروحلهاش بنت قدور وكانت تقللهم وبدون بمقال وهدا شي خلا الناس اكل يحيرو من سر الهدوء المفاجع مش غير هوما حتى امها تولهت ولات كي تجي ملقراية متجيش تغني و تصفر وكي تقلها ديري حاجة ديرها بلا تولي تزعبط و تلفق الحجج لي تدي عليهم طريحة بلعكس تتبسم وتدير وش تقوللها
حتان جا نهار لي صاي امها منجمتش تسكت اكتر لازم تعرف وش كاين
ام لينا : لييييينااااااااااااا ( كيما تع ربانزل هيهيهي )
راحت لينا لامها تغني فالغنية تع اسنافر ( لا لا لالالا لاا لالاااا )
ام لينا : تربعي قدامي نشوف
لينا تبسمت وتربعت فلرض قدام امها لي كانت مدورة بيها ادوات التعذيب ( البليغة تع 44 + تويو تع الفريجيدار لحرش + مونش تع البالية وتع الفطواغ اونكا تكسر تع البالية تلقى باه ترومبلاصيه + المقلة اونكا منفع والو )
ام لينا بخبث : يعني ماكيش خايفة
لينا : مامجي ريلاكس كالم توا مكانش حاجة تستاهل
ام لينا ويدها رايحة جيهت لبليغة : تهدري درك وش في مخك نعرف اسكتة هادي وراها حاجة كبيرة
لينا بتحدي : مكاين والو ا ماما
ام لينا : اا ولات فيها ماما يسموها تناخت على لي راكي تخططيلو ( موالفة تقلها لعجوز ولا تحتمت تقولها مامجي مي ماما تقولها غير كي تخطط لواحد )
لينا : اني رايحة نرقد
ام لينا : جربي تتحركي 0,001 ميليمتر تشوفي وش عندك مدة مشفتيش
لينا : ( باينة معولة عليا خلي نقوللها وفرات ) رح نطزوج
ام لينا : ههههههههههههههههههه هههههههههههههههه ههههههههههههههههههههههههههههههههههههه يعطيك دودة عندي مدة مضحكتش كيفك
لينا : نحكي صح رح نطزوج اشهر جاي ولازم تخططي معايا
ام لينا بجدية : ايه يالالة وشكون تعيس الحظ لي داعيتو امو هادا ؟
لينا : استاذي
ام لينا : ههههه واستاذك تانا نشالله قد باباك
لينا : نو 28 سنة
ام لينا بشك : وانتي شكون قالك بلاك يكذب عليك فلحلقة لخرا يظر قد جدك التوهامي
لينا بخبث : نو شفت دوسيه فلبيرو تع بنت قدور ونزيدك زايدين ان وياه في نفس انهار
ام لينا : هيه وانتي فاش خممتي ليمات لي فاتو كاملين
لينا بخبث : خممت مي نحتاج مهاراتك
ام لينا : علاه واش قالولك عليا كونان فذكاء
لينا : نانا لي قالت مش واحد
أنت تقرأ
جنون تلميذة N.B(مكتملة)
Pertualanganقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
