الكاتبة ===== جغانة =====
========= الحلقة الثامنة =========
فاتت سمانة لولة هبطت لينا للحومة بعكازتها في يد وليد لخرا هازة دربوكا و تردي وصلت للسطاد اليوم الماتش المنتظر بين حومتها والحومة اللي مقابلتهم ناضت لينا تعيط ودربك روبلتها و جمهور يعاود وراها : وان تو ثري فيفا حووومتييي وان تو ثري تربحوو نمي وسع وسع ام جاااو ا معاد لمعوق اضرب بليسرا بلاك تصلحلنا القول ا مصطفى لعور حق ربي نشربلك من دمك ينحيولك البالون ا هارون ا متساوي ساقين مهداكش ربي وتولي مستطيل هاهاها اووووووو وان تو ثري فيفا حومتي اااي نايضة نااايضة ا شبيبة راها نايضة نايضة نايضة حومتي حالة ماشي سامطة اووووووووه لاكوكايينا باهااا تبلييينااااا هيا لادروووق لي تمشي فلعروووووووووووووق منهار لي بدييينا علامك بين يدينااااااااياحومتي سنييت معاك حتى للمووووووووووت لااااكوكايينااااااااا باها تبلينااااا( لي تحب تسمعها بللحن تكتب فليوتيوب لاكوكايينا تخرجلكم)
( دور بيها ياشيباني دور بيها ... دور بيها تخدم عليك وعليها ... هنا لهيه هنا خير ملهيه .. طالعة فالعقبة وناار شاعلة فيه ... ) خمس ثواني عرف عن نفسك ولا .... اه هدا انت معتز وي ازرب اني لاتيا وعلي صوتك شوية
معتز : وشبيك تعيطي هكا ووش الحس هادا ؟
لينا: ا معتز اني مشني قاعدة اني فسطاد تع الحومة ولاتية ندربكلهم نحتاج يديا منجمش نحكي معاك
معتز: اني قريب منكم اني جاي
لينا: مرحبا حتى حنا نحتاجو قرجومة معانا
لحق معتز ومع وصل طاحو عينيه عليها وهي بالبلاطر قاعدة طبل وتغني وتشطح وتزفر شاف لبستها وطريقتها وقعدتها وسطت رجال وولاد حومتها حس بشوية قلقة ومفهمش علاه
لينا : ا وليد ربحنا وراس سيدي رابح غير نفرزلك نهلة بنت مسعودة اخت الكحلة عابالي عاجباتك
معتز وهو يضحك : منين تجيبي فنشاط هذا ؟ يعني لوكان ماجيتيش بلبلاطر وش ديري ؟
لينا : جابك ربي هيا سرح قرجومتك معانا .. ولكان مانيش بلبلاطر هدا راني معاهم نلعب درك
معتز : هههههه خلينا نشوفو لعبهم ادا يستاهل قرجومتي اسح
لينا : وش تقصد ؟
معتز : خلاص ماتزعفيش يا سيدي تربحو اطلبي مني وش تحبي
لينا : لاكرام عند عمي جيلالي وناكلو ع شط لبحر
معتز : ادا ربحو
لينا تعيط : ا ولد مختار متربحوش نخرجلك عينيك البليغة تع 44 تستنا فيك
معتز يضحك ومرة مرة يسهى فيها وهي تغني وتشطح كي يسجلو وكي يسجلو عليهم تولي تسب وتهدد فيهم بالواحد
أنت تقرأ
جنون تلميذة N.B(مكتملة)
Adventureقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
