الكاتبة ===== جغانة =====
======== الحلقة 35 ========
صباح جديد === احداث جديدة ===
ناض معتز على 5 تع صباح ناض يتكسل ويتاوب راح لشومبرة لينا يشوف فيها راقدة رجل تدلوح فالحافة تع اسرير و رجل لخرا هاربة للجيهة لخرا يد فيها مخدة واليد لخرا فيها دبدوب المفيد حاكمة سرير كامل ضحك كي شافها هكك تم وبلاما يخمم راح لدوش هز طاس ما و راحلها اوووووب كبو عليها
لينا تعيط : استسلم والله استسلم دوك نسلم روحي اااه
معتز يضحك : يله رقدتي ياسر
لينا : وااش ااه كل ما نفطن عليك نلقا روحي مشمخة واقيلا حلاتلك
معتز : نوضي بلا هدرة البسي وهيا نروحو نجريو
لينا : شوف اوسمك انا عاجبيني شحماتي وراضية بيهم حاب تروح روح واقفل الباب معاك ابار صا خلي جدي نرقد حرام علييييييييك مزال الحال
معتز : ينعي مش رح تنوضي
لينا وهي حاطة لمخدة فوق راسها: اخخخخخخخ بششششششششششششششششش
معتز : اوك انتي لي حبيتي مش انا
نحا معتز مخدة لينا ونحالها ادرا تحت صدمتها وهزها
لينا : ااي اا وين مديني ع خير
معتز : داها لدوش غسللها وجها وهي تزعبط ورجع هزها داها لشمبرتها وحطها شوفي في يدك نص ساعة نجي نلقاك لابسة سيرفات للسبور تحركي ومنعاودش الهدرة بقرتي الجميلة
لينا : ( يه سبني بطريقة سلمية حضارية ديموقراطية درك اه ربي على راجلي لي يحب يستعرض عضلاتو اسداسية عليا )
معتز طرشق صوابعو: بدا الوقت وخرج
لينا فاقت من صدمتها وجبدت سيرفات اديداس نوار بتريات بيض وكونفارس اديداس بيضة ونوار مع كاسكيطا كيف كيف اديداس نوار وطلقت شعرها و طبعا وصلت دالت المكياج مي دخل عليها معتز ومخلاهاش ديرو قلها هك تهبلي بلابيه
المهم راحو ركبو ف طوموبيل وراحو لدارو كي حبسو نطقت لينا : تع شكون الفيلا هادي ؟؟
معتز : تيعي
لينا : محااااااااااااال تحكي صح ؟ مكنتش علابالي بلي التعليم يخليك تشري فيلا وعلى شط لبحر زادا
معتز : هادا ورث قالولي تع الميتم مبقالي حتى واحد من عايلتي يتكفل بيا وهدا الورث من حقي
لينا حالة فمها ( مكانتش علابالها بلي يتيم وتربا في ميتم ) : اه داكور مي علاه جينا هنا يخي قلت سبور ونجريو و منا ومنهيك
معتز : وي في داري داير صال دو سبور غير كونك قدهم برك
لينا : هنا نقلك مانيش قدها والله
معتز يضحك : يله اهبطي
هبطو ودخلو ومع دخلو جات مرا كبيرة حضنتو : يا ولدي وين كنت تقلقت عليك
معتز يبوسلها في راسها : ماما مليكة كانت عندي قضية برك اه هادي لينا صديقتي
لينا قدمت سلمت عليها : صباح لخير طاطا مليكة انا تلميــ اه صديقتو صديقتو هيهيهي
مليكة : مرحبا بيك بنتي تفضلي
معتز قطعها : نو ماما مليكة رايحين نديرو سبور درك
مليكة : معليش ولدي براحتكم وانا دوك نوجدلكم لفطور
معتز : اوك
أنت تقرأ
جنون تلميذة N.B(مكتملة)
Adventureقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
