الكاتبة ===== مطموزال جغانة =====
======== الحلقة 27 ========
لينا : رتحت درك
معتز ( يا الله ماهذا ) : وي صاي مي طيشيهم
لينا : ااه نطيشهم ؟؟ انك منيك ؟ نطيش كانت هوما لا سيرتو الشيواوا نفني عمري عجالها
معتز وهو يقربلها حتان حط يدو على خضرها : مالا طيشيني انا
لينا : ( احي لحظة رومانسية جاب ربي تيليفوني معايا ) حبسسسسس كيما راك جبدت تيليفونها دارت سيلفي ورجعتو هاه كمل وين كنا
معتز بحيرة ومش فاهم وش صرا : وش درتي درك ؟؟
لينا : نخلي فذكرى هيهيهي ( لاحفادنا )
معتز : المهم لينا لازم نهدر معاك
لينا : ااه ربي حبس ( شهييييق زفيييير شهيييق زفيييير )
معتز : ودرك نجم نهدر
لينا : هيه وبلعقل ريلاكس شيري
معتز بحيرة : اوك شوفي ملخر أسيل كانت رح ديرلك تقرير مشي لي درتيه ومن حقها خاطر تبقى في مقام استاذتك وتقدر تسحتك ملقراية نورمال وفي رمشة عين مي كي هدرت معاها وعدتها اني نهدر معاك صح منجمش نحيلك طبايعك مي ع الاقل أسيل فوتيها وخليها خط احمر
لينا خزرت فيه ملفوق للتحت : ( انا حسب رح يعترفلي بلاما يتعبني فللخر ظهر معجبو الحل ع بينازة )اولا نحي كسرتلك مني تانيا مدخلكش تقرير ليا مش ليك تالتا وش دخلك وبصفتك وش تهدر معايا
معتز بغضب : وشبي ربك انا نخمم ع صلاحك وانتي مطلعة راسك عليا حاسبة روحك حاجة
لينا : مانيش دجاجة ( المقولة تع حاسبة روحك حاجة وانتي دجاجة ههههههههه )
معتز : دجاجة وخير عليك
لينا تشوف فيه مذبلة عينيها ومقلبة شواربها : قول بينازة خير عليك
معتز : شكون بينازة
لينا : لالة أسيل
معتز : وش يهمني فيها انا درك نهدر عليك
لينا : هي قلتلي بفمك درك فوتيها وخط احمر
معتز : كاستاذة خط احمر مش حاجة خلاف
لينا ( يحسابلك ح نخليك تنوي حاجة خلاف نعاودلك اطهارة ) راحت لينا باش تركب فطوموبيل مي هو حط يدو على الباب قفلو ودرها ليه بيدو لخرا
معتز : مزالني نهدر معاك مكملتش هدرتي
لينا : مبقاتش هدر رجعني لليسي بليز مانيش حابة نغيب
معتز : يخي قتلك مكانش قراية ليوم ولكانك على البيي دوك ندبرهولك
لينا : وش مزال تسحق عندي انت هدرت وانا سمعت وخلاص منزيدش ندور بلالاتي بينازة اه قصدي أسيل باين متحبش عليها
معتز وهو سارح فيها
زعمة وش دار معتز ؟ وزعمة لينا رح تنفذ الخطة ولالا ؟ زعمة لينا رح تسمع هدرة معتز ومتزيدش دير المشاكل ؟؟ شاركونا افكاركم لتحت فالرد. 😁👇
أنت تقرأ
جنون تلميذة N.B(مكتملة)
مغامرةقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
