الكاتبة ===== جغانة =====
========= الحلقة الواحد والعشرين =======
معتز : وين مصباح وانا نحوس عليك
لينا : علاه غير لخير ؟؟
معتز : ( وشبيها تهدر معايا هك ) قلت بالاك تكوني غارقة قلت نعاونك
لينا : معليش كي نعود رح نغرق نبيبيلك درك رح نكوبي مبعد على 17:30 نتلاقاو وين البيس ( لازم تروح معاه في بالها معلابالوش بلي قصدت روح معاه بحجة انو مكانش بلاصة )
معتز : اوك سلام
ناضت لينا تلم فالكوكياج وتكتب في اسمها على الرمل وتصور فيه حبت دير لايف مبعد تفكرت بلي جمهورها كامل معاها فرحلة عيطت ل ملاك ووصتها باش تلم دراهم الرحلة وتخلص بيهم صحاب لي بيس بقات لين هكك حتى شافت زوج مقودين بعضهم ومبعدين ع الغاشي لينا هزت العود لي كاتن ترسم بيه ووقفتلهم فنص اطريق : وين على خير بوضعية تسلل مكشوفة ؟
انس : ا ا لينا يخي قلتيلنا بصريح العبارة العلاقات العاطفية مسموحة
لينا : قلت العلاقات العاطفية مش الجنسية ايا ديرو انسحاب قدامي نشوف يله صباطي راهو فساكادو بلاكم تقول مجابتهش هو والبليغة تع 44
انس : ص صااي رايحين
راحو يجريو رجعو للمجموعة تحهم وراحت هي تستكشف فطبيعة الخلابة وهي ماشية سمعت صوت ضحك وعياط راحت طل بلعقل لقات زوج سكرانين علخر ويتمايلو ويغنيو باينين مزالو مينارا ( ايواه لقيت باه نتسلى )
أنت تقرأ
جنون تلميذة N.B(مكتملة)
Приключенияقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
