جنون تلميذة N.B(مكتملة)

حلقة 49

= الحلقة 49 ========  مع وصلو هبطت لينا تشطح وتغني معتز : حبسي فمك وخدمي يدك يله هزي معايا لحوايج  هزت لينا معاه وراحو مشاو وحد نص ساعة حتان وصلو لبلاصة كبيرة الشجر في كل بلاصة وطوال مش كيما لي متعودة عليهم دايرين ببلاصة مافيها ولا شجرة راحلها معتز وهي تبعاتو وخدمو الخيمة وشعلو النار ( خيمة وحدة هيهيهي ) وقعدو مقصرين حتان غربت الشمس راحو لبلاصة يبان فيها الغروب من شدت الرومانسية قرر يصارحها بحبو ليها : ليناا لينا تشوف سماء : امممم وي  معتز : نحبك واحبك تكون مرتي وام ولادي  لينا ساكت  معتز : لينااا وش قلتي لينا : .... معتز : ( كان مجيتش نشوف في عيناها محلولين وحالة فمها للذبان نقول رقدت ) لينااااااا لينا فاقت وولات تهدر بزربة : اه اه عاود ولا حبس تيليفوني وينو اااه ربي عاود اخطينا م تيليفون ولا نقلك لا لازم تقعد ذكرى متتنساش ويتفكروها ولاد ولادنا ديجا هات تيليفونك برك ملقيتش تيعي ولالا مش وقتها كمل وش كنت تق .... قطع عليها معتز ببوسة ع شواربها رهوجتها حست الدنيا دور باها خاطرها متوقعتهاش مبعد استسلمت لمشاعرها وهو تاني مبعد جبد وباسلها راسها : نوعدك مرتي الغالية حاجة متخصك مي بليز بلا مقالب  لينا تضحك : اوك هههههههههه ( رح يجيب لاما نتعب روحي وندير الخطة تع ماما سترو ربي نييهاهاهاها ) فوتو اروع ويكاند كلو رومانسية وحب اعترفو فيه بمشاعرهم لبعضاهم وحكاتلو لينا وش دارت ع جالو في بينازة وبنت قدور  جا السبت وفالعشية وصلها معتز وقللها سمانة جاية وجدو رواحكم نجيب مليكة ونجي فرحت لينا وطلعت تجري لقات امها ناضت تعيط وتزوي  لينا : مممممممممممااااااااااممممممممااااااااااااا ام لينا تخلعت : غمة تغمك وجبانك تلمك وتهنيني منك خيييييير وشبيك تزوي كي دجاجة المخنوقة  لينا : مالفرحة يالعجوز خلاص سمانة الجاية يسموني عندي راجلي رسميا ام لينا : يا كلبة بنت الكلب ماتقوليش درتي الخطة بلابيا لينا تضحك : والله تقول شمها وحدو وحدو قلي سمانة الجاية جاي نخطب  ام لينا : ايه سترو ربي   فاتت السمانة كلها نظرات حب فالقسم وهو لي يديها وهو لي يجيبها لليسي  جات الجمعة النهار الموعود : مااامااااااا صندالتي لغوز وينها مامااااا البارفان تيعي وينهااااا ماااامااااا شكون كب الما هناااا مااااااااماااااااااا ام جاااااو اااه كرشي حكمتني لادياري ااااه ربي عاديك الخلعة تقول ليلة الدخلة تستنا في ايه زعمة توجع اااااه بطلت مانيش متزوجة ولالااا حبيبي هاداك ياما ديت طرايح عجالو نورمال نتحمل في خاطرو ااااه ربي زعمة جيت مليحة ااه كرشي امااا خيتي لازم نروح لطوالات  راحت لينا للطوالات لقات فيها ولد خالتها ناضت تزعبط : اااه ا بينازة خرجتي فيا معااااد اخرج لانخرجلك مصرانتك اخرج هدا كامل وضياف دخلو للصالة حتان سمعت لينا امها تعيط عرفت بلي لازم تروح تديلهم القهوة  لينا قريب تبكي لادياري من جيهة والخلعة من جيهة ولكن المقالب فيها فيها حطت في فنجان فلفل اكحل وهرسة وملح حطتهم فالبلاطو وراحت سلمت عليهم اكل و مدتلهم القهوة وحصل مالم يكن فالحسبان هيهيهيهي