الكاتبة ===== جغانة =====
========= الحلقة التانية عشر =========
لينا بخبث : استاذ نروح لطوالات من فضلك حالة خاصة
معتز : تفضلي
خرجت لينا لقات خولة في وجها استغفرت وشهدت وكملت مشات
خولة : واش ا لالة شفتي شيطان
لينا في قلبها ( اشيطان وزين عليك ) : واش ااا بنت قدور الماصو خو المنظر القواجي بو سنة حسدتيني حتى في اجر ربي واااااو
خولة : وش خرجك لبرا درك
لينا : توحشتك جيت نشوفك عندي مدة مشفتكش
خولة تمتم : يتوحشوك الحنوش ولعقارب
لينا : اه علابالي توحشتيني مي انا اكتر المهم نخليك تشاااو
راحت لينا دور توحشت الليسي ايا وطيح في زوج معنقين بعضاهم شافت فيهم شوفة تع موت وهوما تمناو لرض تنشق وتبلعهم ومتحكمهمش هيا
لينا نحات فردة تع صباطة وقدمتلهم
هوما : الغول رانا ولاد حومة بليز مش بصباطك بليييز
لينا شافت لساعتها : ستركم ربي معنديش وقت مي نورمال نعوضهالكم تخمموش
لبست صباط وراحت تجري للباب باش تخرج هي حطت يديها عليه ويخرجلها بجغلال ( العساس هههه هي مسميتو هكا ) : وين ا لالة حسابلك راه اوتال هنا وين بيها
لينا : ( اه نسيت راجلي لول يموت ع تقرعيج ) ركبني جن ازرق وعندو ميسيون درك بعد عليا متعطلنيش
العساس : هاتي ورقة الخروج
لينا : ابن عمي حتى الخرجة ولات بالورقة
العساس : ماهيش ورقة هي نفسها بطاقة الدخول غير مكتوب فيها يسمح لها بالخروج ولازم يكون فيها الكاش تع المراقب
لينا بانتصار : دوك نرجعلك يالمنتف
لينا للطاقة : بسس بس خرا طلي اني هنا
ملاك : ربي يستر وي وشبيك ؟
لينا : ابعتيلي الكاش تع بنت قدور الماصو خو المنظر القهواجي وورقة من هادو لي فدرج
عطاتها ملاك ولينا كتبتها وكاشتها و رجعت لبوجغلال عطاتهالو وخرجت بكل فخر شرات محريقات و بنبونات ورجعت ( تموت ع المحريقات ) دخلت للقسم تنهج : استاذ المدير يحتاجك
معتز : اوك ارجعي لبلاصتك
لينا : نو قلي وانا معاك
معتز حار وقالها : امشي قدامي
فطريق قاللها وش من مصيبة درتيها لمرة هادي
لينا ببراءة مصطنعة : والو خاطية
شوية رمات روحها ع لرض وجعتها مي مبينتش في قلبها ( احح الضرب لي ديتو في جرتك وتزيد متوليش راجلي ننتحر )
معتز سمع الخبطة دارلها لقاها فلرض حالة فمها وعينيها خارجين ويديها في رقبتها تشوكا مسكين : لينا واش بيك ليناااااااا
لينا : ا ا ا م ماااا ماااا
معتز : وشبيها امك
لينا في قلبها : ( لعما يعميك انا نقلو جيبلي الما وهو يحوس ع ماما ) ا ا الما
معتز فهمها ناض كانت العين مقابلتهم مع دار لينا طلعت لشجرتها المفضلة وتخبات
دارلها معتز بعد ماجابلها الما ملقاهاش ستغفر وشهد : ليناااااااااا لييناااااااااااااا
بووووووووووووووووووووووووووووم
طع طع طع طع ططططططططططططططططططع
معتز مات دخل فالحيط والما لي كان في يدو ساح عليه كامل هنا لينا ماتت بضحك حتى شافها معتز : انتي لي درتي هكا ؟؟؟ متفاجئتش يخرج منك كلش
لينا هبطت تضحك : هكا باش المرة اجاية متعاملنيش كانني ترونسبارون منبانش
معتز بنظرة باردة وساكت
لينا وهي تقربلو : معليش تفهمني علاه مبنتيش المدة هاديك كاملة
معتز ( يعني كانت تخمم فيا ؟ ) : نوو كنت مشغول شوية برك
لينا بابتسامة بريئة : اوكي متزيدش تعاودها وغمزتلو
معتز حشم : يله المدير يستنا
لينا : اك منيتك هيهيهي مكاين ني مدير ني والو روح درك مبعد نلحقك
معتز باستغراب : وعلاه
لينا : ( لوكان يشوفوني انا بتراب وانت بالماء يتعراو عليا ) نو ني عندي قضية خفيفة اسبقني دوك نجي
معتز: مطوليش
لينا في قلبها ( لازم نفرز حكايتها بنت الماصو ليوم قبل غدوة ) تمشي وتضحك تقول ركبها جن وهذا كامل كي تفكرت معتز كي خاف من محريقات اللي اتته من حيث لا يدري هيهيهيهي
أنت تقرأ
جنون تلميذة N.B(مكتملة)
Phiêu lưuقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
