الكاتبة ===== جغانة =====
========= الحلقة السادسة =========
ملاك جبدت المفاتح وهو حط لينا ودارركب وقلع بعد ما وصا ملاك تلم حوايج لينا وادواتها ( معلابالوش مسكين بلي لينا جامي تهز كارطابل ولا ادواتها كامل فدرج حتى المقلمة )
احي نسيت معرفتكمش بابطالنا هيهيهي :
لينا : عمرها 18 سنة تقرا باك بيضة ومش دايرة خيمار وشعرها اصفر وطويل وعينيها نوازات وكبار عندها طاي فلهبال ولكن كامل يخافو منها خاطرها حقارة وتحب كلمتها لي تمشي وفنفس الوقت عفوية وبريئة ولي فقلبها ع راس لسانها مي شيطان ع هيئة بشر
ملاك : قد لينة وهي الرسول المنفذ لكل اوامر لينا و فنفس الوقت صحبتها لانتيم سمرة وحلوة شعرها اكحل وجاية جابونية
خولة : المراقبة تع ليسي تكره لينا فدم عمرها 27 سنة مسماة علخر
معتز : بطل حكايتنا هو الاستاذ عمرو 28 سنة سبورتيف و ابيض مع لحية كحلة وعينيه لكبار يح بيني يح يفتق
معلومة خلاف زايدين هو ولينا في نفس نهار
===== نرجعو لحكايتنا ===
فسبيطار واقف قدامها وهي حاكمة في يدو وتعيط عطول صوتها يدو حمارت مسكين عصرتهالو : اااااااامااامي اااااااااااااه ربي اااااااااااااااا ماما اجريلي ااااااااااااااا بابا وينك ااااااااااا لعور ا طحان خرجت فيا دعاويييييييييييك نخرجلك ونذبحك ولا منتسمااش انا لينااااااااا ااااااااااااه ربي راني نحبك والله اااااااا والله نصلي ونصوم ونولي نعبدك كل يوم ااااااااااه
الاستاذ يضحك بصوت مش قادر يحبس حتان كملولها لبلاطر ايا ناضت تمشي كي شمبانزي وهي حاكمة فيه وتبكي بصوت : اهئ اهئ اهئ عنااااه عنااااااه ا ربي عنااااااااه طارت عليا البارتية درك عناااااااه
الاستاذ : وشمن بارتية ؟؟
لينا : تع البالون والله برتية فالهبال مع ولاد الحومة المرة هادي بدراهم اهئ اهئ طارلي المصروف
الاستاذ حاكم كرشو ويضحك : وهذا وقت تبكي على المصروف عيطي عيطي لوالديك قوليلهم اكي مروحة
لينا: نو منعيطش
الاستاذ متعجب : علاه ؟
لينا: خليني انا نروح وانت فيلامان وكثر خيرك
الاستاذ : غير لاتنوي تتحركي انا نديك
لينا تمتم ( ياودي تشوفك لعجوز متسيبكش حتان تعقد عليا ) : اوك وصلني للحومة برك ا استاذ حقى وش اسمك والله ماسمعتك قبيل
الاستاذ : ههههه معتز اسمي معتز
لينا : اوك يله نتوكلو ع ربي
أنت تقرأ
جنون تلميذة N.B(مكتملة)
Maceraقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
