الكاتبة ===== مطموزال جغانة =====
======== الحلقة 29 ========
ركبت معاه وهي تكفر بالمقلوب باش ميفهمهاش حتى نطق : واش اكي تسحري فيا
لينا : كان جيت نعرف نسحر انا نديرو في برتية بالون درك
معتز فهمها ولا يضحك مي بقا ساكت
لينا : وين رايحين مقلتليش
معتز : كي نوصلو تعرفي
لينا : اعرف وين تديني بليز ( قصدها منطقة خالية مافيها حتى واحد ههههههههه )
معتز : عليا هيهيهي
وحد ساعة مزمان وصلو وكانت الصدمة
تابع ======
لينا : معتتتتتتتتزززززززز وش نديرو هنا
معتز : جبتك لخواتك وااش
لينا : يعني انا حيوانة ؟؟
معتز : متقوليليش مكنتيش علابالك
لينا نحات صباطها ولات تجري وراه وتعيط : والله يا معتز نذوقك الم صباطي يا متشرد ياواطي يا حقير
ومعتز يجري ويعيط : نو لينا سمعتو خايبة صباطك هههههههههههههههه
حبست لينا م تعب اول مرة متلحقش على واحد ( سبوغتيف غاجلي هيهيهي )
دخلو لحديقة الحيوانات مع بعضاهم وهي تشزف فيهم وخايفة ) وي تخاف منهم ( بعد ما مشاوش شوية لصقت فيه كي سمعت صوت اسد هو فمهم بلي خايفة مي مامنهاش خاف تكون مقلب من مقالبها المعتاد. ايا كملو مشاو حتان هي رقبتها عوجاتك وعينيها لقاو معلقين ) ايه زرافة ( بقاو يتمشاو وهي حالة فمها للذبان حتان نطقت : هادو كامل يعيشو هنا
معتز : واش اول مرة تدخلي لحديقة حيواناات
لينا : وي اول مرة منحبهمش نعافهم
معتز : مي كنتي تبانيلي تتفاهمي معاهم سرتو مع هاداك
شافت لينا وين شور بيديه وتم خزرت فيه خزرت موت : صباطي حاب يذوق لحم جديد ليوم
معتز يضحك بصوت : واش نظمنلك كون تتسابقي انتي وياه في شجرة انتي تربحيه
لينا : خمسة في عينيك اصلا توخذت في رجلي شهر غير في جرتك
معتز : جرتي ؟؟ علاه انا لي طيحتك
لينا : لوكان متخلعتش بجيتك مكنتش رح نطيح ماعليش المهم خلاص درنا ايا نروحو
معتز : مزال الحال هادا وين بدا يحلا
لينا تمتم : جابني للحيوانات و يقلي بدات تحلا اعوذ بالله
لينا هكاك ويجي قرد صغير فوق شعرها وينتفلها فيه وهي تعيط : ااا رح يوكلني. ااا باين جيعان رح ياكل راسي اااه ربي شعري طار اااه ربي بعدوه وينك ا مول لحصان لبيض رح يوكلني اهئ اهئ
معتز يضحك بصوت وناس كامل تضحك والقرد بقا فوق شعرها يفليلها فيه ملقمل زعما و معتز يصور فيها ولي يضحك يضحك ولي بايل ع روحو مضحك بايل
حتان جا راجل يخدم تم طرشقلو ب صوابعو راح عندو وكان في حالة لا يرثى لها كان شعرها طالع لسما و عينيها منفخين ملبكا و خشمها احمر
معتز راحلها يضحك : صاي راح كنتو تهبلو مع بعضاكم
لينا : بلع
معتز : اوك هيا نروحو نتغداو
لينا عينيها ولاو قلوب : ايه بيتزا و شاورما ودجاج و نقلك حوت خير
معتز : اااو وش ادا كامل
لينا : اه Sorry نسيت بلي انت بخيل
معتز يضحك : لالة مش قضية بخيل راهو بيا عليك انتي هدا مكان مي هيا نتوكلو على ربي ونشوفو الا تقدري تاكليهم
لينا تمتم : لحب ربي ناكلك معاهم نورمال
أنت تقرأ
جنون تلميذة N.B(مكتملة)
Приключенияقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
