COMPLETED Loving Siovhan: The Forbidden Series 2

Part 10

Napangiti si Phoebe dahil hindi siya nahirapang hanapin ang mga kailangan sa costume. She found the black rabbit headband and white fluffy ball in one store. Black fishnet stockings na lang ang kulang niya dahil mayroon naman na siyang itim na high heeled shoes.

It was six in the evening, marami pang tao ang nagkakagulo sa kalye. Kaya kampante siya kahit dumaan-daan sa mga shorcuts. Patungo siya sa susunod na tindahan kung saan may mabibiling stockings. May naalala kasi siyang nakahilerang ganoon sa kalyeng iyon. Just a few blocks more.

But when Phoebe turned at the left alley, kinabahan siya dahil walang katao-tao. Kaunti lang din ang mga nakasinding ilaw sa buildings na naroon. She wanted to return from her original way but for some reason she felt some presence behind her.

Huminto siya sa paglalakad at pinakiramdaman ang paligid ngunit walang lakas ng loob na lumingon. The wind was touching her face, nililipad din niyon ang ilang hibla ng nakalugay niyang buhok. It suddenly felt cold at gustong manginig ng kalamnan niya. She could not hear anything peculiar, so she started to step again. Ngunit sa tuwing humahakbang siya ay tila may naririnig siyang echo ng sariling yapak. Is it normal dahil sa tahimik ng paligid?

Naglakad ulit siya at mas pinaigi ang pakikinig sa tunog. And that time, she was sure. Someone was behind her dahil nang binilisan niya ang mga hakbang ay humiwalay na ang tunog ng ibang yapak.

Ang mabilis niyang paglalakad ay humantong sa lakad-takbo. Kasabay ng mabilis na paggalaw ay ang pagtambol ng kanyang dibdib. Sumisikip iyon na tila dinaganan ng isang sako ng bato. Wari ay may nakatabon din sa kanyang lalamunan dahil nahihirapan siyang huminga.

Bakit ba ang haba ng kalyeng ito? Bakit walang mga tao? It's still six PM yet parang ghost town ang paligid.

Holdaper marahil ang humahabol sa kanya. Kung sakaling mahabol siya nito ay ibibigay niya ang lahat. Ngunit paano siya makasisigurong iyon lang ang kailangan nito? Paano kung rapist? Paano kung patayin siya?

Napasigaw si Phoebe nang may humablot sa kanyang shoulder bag. Napalingon siya at nanlaki ang mga mata nang makita ang isang payat na lalaki. Nakasando at shorts, tadtad ng tattoo ang braso.

"Holdap to, Miss," nakakalokong ngiti nito kaya lumitaw ang hindi kumpletong ngipin. Napatingin siya sa kamay nito nang gumalaw iyon at may dinukot sa bulsa. Isang balisong na maliit!

"K-kuya kunin n'yo na po ang lahat,"aniyang hawak pa rin ang strap ng bag. "Ibibigay ko sa iyo ang lahat nang iyan. I-iyong IDs ko lang po, please pakibigay."

"Sabi mo lahat ibibigay mo? Bakit nakikiusap ka pa?"

"Please, kailangan ko lang po ang mga 'yon," she begged, almost crying.

The man smile again and said, "Sa isang kondisyon. Patikimin mo ako ng masarap na hapunan."

"Ha-hapunan?" Magkadikit ang mga kilay na tanong niya.

Imbes na sumagot ay hinablot nito ang kanyang bag kaya pati siya ay nahila. Dinakma ng lalaki ang kanyang baba at akma siyang hahalikan. Awtomatikong naiharang ni Phoebe ang braso sa harapan. Pilit iyong tinatanggal ng lalaki gamit ang kamay kaya dumaplis sa kanya ang balisong. Ang matalas na bahagi niyon ay naglakbay sa kanyang braso at ramdam niya ang pagkahiwa ng balat. Dahil doon ay napasigaw siya at naitulak nang malakas ang lalaki. Nabigla rin siguro ito sa matinis niyang boses kaya hindi kaagad nakahuma nang tumakbo siya palayo at tuluyan nang iniwan ang shoulder bag.

Naririnig pa niya ang mabilis rin na hakbang nito sa likod kaya hinuha ni Phoebe ay sumunod ang holdaper sa kanya. Sa kabang nadarama, hindi na magawa ng mga mata ng babae ang lumikha ng luha. All she wanted to do was to get out of that alley at humanap ng tulong. Ilang hakbang na lang ay nakikita na niya ang main road. Maliwanang ang bahaging iyon at mayroon nang makikitang mga taong naglalakad.