الحب الميري

chapter 1

كلنا عارفين أن الكره الارضيه مش ثابته ودائما بتدور في مسارها ،، حتي أي حاجة في الكون مش ثابتة ودائما بتتحرك ،، والانسان هو أهم حاجة علي الارض ،، فيه علماء كتير قالوا ان البني أدم بيتأثر بالارض اللي عايش عليها وأي حاجه طبيعية حوالين الانسان بتأثر فيه وبيأثر فيها ،، من هنا ممكن نقول أن ده أكبر دليل علي تغير الإنسان علي مراحل عمره أن الإنسان مش ثابت أبداً وأكتر حاجه بتتغير في الإنسان هي مشاعره وبعدها بيجي سلوكه وأفعاله بس الأساس هو المشاعر ،، لو حد قال أنا هفضل ثابت علي مشاعر معينة طول عمري ،، في الروايه دي هنتأكد ان مفيش حد ثابت ومدام أنت بني آدم طبيعي يبقي هتبقي قابل للتغير وأوعي تفكر أن مشاعر الحب او الكره هتفضل ثابتة طول عمرك ،، او نظرتك للحب ممكن تفضل ثابتة طول عمرك ،، ممكن في وقت تعترف بوجود الحب وفي وقت تعترف بعدم وجوده ،، بس في الحالتين هو موجود حوالينا وأكتر شعور بيحوطنا من كل أتجاهه،،،،،،

مالك جمال السيوفي .. هو شاب في منتصف الثلاثينات  ،، يعيش في الاسكندريه عروس البحر المتوسط ،، يتميز بالجسد الرياضي والبشره القمحية والعيون الرمادية والشعر الاسود القاتم ،، ويتميز بطول القامه وقوه البنيان والصرامه الشديده ،، يحب عمله بشده فقاعدته الاولي أن العمل عباده ،، هو رائد بحري في القوات البحريه المصريه ،، فهو من أفضل الظباط في فرقتة ،، فأي عملية يأخذها ينجح بها مع مرتبه الشرف ،، لديه أخ أصغر منه سوف نتعرف عليه لاحقاً ،، والده هو اللواء المتقاعد جمال السيوفي ،، فالجميع يحلف بأخلاق والده وأجتهاده في عمله والجميع يعترف ب أعماله الكبيرة الذي أنجزها أثناء خدمته وسوف نتعرف عنه بالتفصيل لاحقاً ،، هدي مرات ابو مالك وسوف نتعرف عليها لاحقاً ،،،،
نبدء بقي الروايه بتاعتنا،،،
في يوم جديد ،، ترسل أشعه الشمس شعاعها علي صفائح البحر لتتراقص أمواجه علي نغمات الطيور التي تحلق فوقه ،،
هدي ( مرات ابو مالك)  : عمر أطلع صحي أخوك
عمر ( أخو مالك من الاب) : لا يا ماما مش طالع
هدي : عمر!!!  متتعبنيش معاك ،، قولت أطلع صاحي أخوك
عمر : يا ماما بيتخانق معايا وأنا مش ناقص علقه علي الصبح
هدي : انت يا بني علطول تعباني كده ،، مش طالع زي مالك ليه بيسمع الكلام
عمر : يا موزه لازم يبقي فيه المحترم وفيه القليل الأدب  في أي عيله ههههههه
هدي : لا يا راجل وأنت أنهى واحد فيهم
عمر : ودي عايزه سؤال برده ،، المحترم طبعاً  ،،
وفجأه تم قطع حديثهم ب...
مالك وهو واقف علي سلم الڤيلا ،،،
مالك ( بنبره خشنة) : ومين اللي مش محترم يا سي عمر
عمر أنفزع من صوت أخيه ،، فليس شكل مالك فقط الذي له هيبه لا وأيضاً صوته
عمر : ها ،، انا برده
مالك : هههههههههه ههههههههه
ثم نزل مالك علي السلالم وأصبح أمامهم...
مالك : أنت مزعل القمر بتاعتي ليه
هدي : مش عارفه مش بيسمع الكلام زيك ليه يا حبيبي
عمر : يا مالك عايزاني اطلع أصحيك ،، يرضيك تعمل فيا كده
مالك : ههههههه ،، الصراحه يا هدهد هو عنده حق ،، وبعدين أنا مش قولتلك مليون مره أنا بعرف اصحي لوحدي يا هدهد انا عندي 35 سنه مش عيل لسه عندي 25 سنه
عمر :  ( بنبره فخر) العيل ده كان مجنن بنات الدفعه كلها
مالك : يا بني أنشف شويه ،، عايز أحس أني بكلم راجل
عمر : أومال أنت شايفني سوسن
مالك : ههههههه اللي علي راسه بطحة بقي
جمال ( والد زين)  ( متدخلا في الحوار)  : هتفضلوا تتكلموا كتير كده ،، وأنا قاعد لوحدي بقالي ساعة
فذهبت هدي له سريعا...
هدي : أنا جتلك أهو يا حبيبي
جمال ( بصرامه) : ملكيش كلام معايا يا هدي وأفطري وأنتي ساكتة
أمسكت هدي يده وقالت : أخص عليك يا جمال بقي مش عايز تسمع صوتي
جمال : آه
هدي ( بنبره حزن) : قدرت تقولها يا جمال
جمال : ماانتي سيباني لوحدي وعماله تهزري وتضحكي معاهم
هدي : دول عيالك يا جمال
عمر : أنت بتغير مننا يا بابا
جمال : أنا بغير علي هدي مش بغير من حد وده فرق كبير أوي
مالك : طب عرفنا الفرق يا بابا
جمال : انا بغير علي مامتك من أي حد حتي من نفسي إنما عمري ما غيرت من حد
عمر : بس ولادك حاجه تانيه يا بابا
مالك : هههه أطمن يا عمر أبوك بيغير من اي ذكر حتي لو دكر بط ههههههه
عمر : ههههههههه
هدي : بس يا واد أنت وهو ،، والله لو ما بطلتوا تريقة مش هخليكوا تفطروا معانا
عمر : لا وعلي إيه يا هدهد الطيب أحسن برده
مالك : خلاص هنسكت هههههه
وتناولوا جميعا الافطار ،،
تعالوا بقي نعرف هما مين دول  😂،،،،،
عمر .. اخو مالك من الأب فهو إبن هدي وجمال ،، هو شاب في منتصف العشرينات ،، يتميز بالبشره البيضاء والعيون العسلي ،، لديه جسد رياضي وهو أنيق جداً ويهتم بمظهره لابعد الحدود ،، لديه علاقات نسائية كثيرة ،، فهو يتميز بالدم الخفيف والفكاهة والجاذبية الشديدة ،،  فهو جان ولكنه غيور لأبعد الحدود  ومثلما يقولون بالعامية ( حمش 😂) ،، هو أتخرج من كليه الهندسه (كان يدرس بالخارج) والآن يعمل في شركه كبيرة ،، هو يتميز بالذكاء الشديد وماهر جداً في عمله...