الحب الميري

chapter 9

جمال : الو ،، ايوه يا عمر ،، تعالي انت ومحمود  دلوقتي علشان الوفد الاجنبي جه
عمر : احم ،، حاضر يا فندم
محمود : (بقلق) ايه اللي حصل!!
عمر : مبروك علينا الرفد يا محمود
محمود :  رفد بس!! وفضيحه بجلاجل ،، واحتمال جمال يرفع علينا قضيه ،، يارتني سبته عندي في المكتب ...
رهف : بشهمندس عمر!! ممكن أحضر معاكوا الاجتماع
عمر(بعصبيه): مش هينفع يا رهف
رهف (بنبره راجيه) : ارجوك يا بشمهندس عمر ،، ده اول طلب أطلبه من حضرتك
فشعر عمر انه ضعف امامه نبرتها الراجيه ،، ياالله يا رهف ،،
بداخل عمر : هتعملي فيا ايه تاني ،، يخربيتك وانتي رقيقه ،،
عمر (باستسلام) : ماشي يا رهف
وهما امام مكتب جمال ...
محمود : اشهد إن لا الله الا الله
عمر (وهو يبلع ريقه) : وان محمد رسول الله
ثم طرق محمود الباب واذن له جمال بالدخول ثم دخل محمود ،، وعند دخول عمر...
رهف (بنبره اطمئنان) : اطمن يا عمر
عندها عمر شعر بأن قلبه الذي يعتصر قلقا قد تبدل واصبح قلبه مطمئن ،، كلمه رهف صبت علي قلبه السكينه والطمأنينه ،، وأصبح غير مبالي بالوفد الاجنبي او جمال ،، فااخيرا نطق الحجر وتكلم ،،  حتي لو كلمتها بسيطه وصغيره ،، فكانت كلمه كبيره للغايه بالنسبه له ،،،
بداخل مكتب جمال ،،،
جمال : اعرفك بأمهر المهندسين اللي عندي يا مستر جو ،، المهندس عمر ،، والمهندس محمود ،، و.. احم ،، والمهندسه رهف
فتفأجي جمال بأن رهف المتدربه الصغيره تحضر اجتماع هام مثل هذا ،،،
عمر (بابتسامه) : اهلا اهلا مستر جو نورت شركتنا
جو : اهلا عزيزي ،، هيا نبدء في الشغل
محمود (بقلق) : احم ،، يلا بينا
جمال : احنا بقي يا مستر جو ،، عملنا لحضرتك موازنه وتقارير هتخليك متتعملش مع أي حد غيرنا
جو (بثقه) : اين الملف اذن
جمال : هات الملف يا عمر
عمر (بتوتر) : احم ،، الصراحه يا فندم ال...
رهف(متدخله في الحديث) : الصراحه يا مستر جو انا من أشد المعجبين بتصميمات الفنادق اللي حضرتك عملتها في البلد ،، ومش بس كده لا وكمان اختيار موقعها مناسب جدا
جو(بنظره اعجاب): شكرا عزيزتي رهف
رهف (بثقه) : المهندس عمر والمهندس محمود عملوا ملف في منتهي الروعه ،، انا حطيت نفسي مكان اكبر مستثمر  في العالم لاقيت نفسي بوافق علطول
جو : ذاد فضولي واشتياقي لرؤيه الملف
رهف (بثقه) : الصراحه الملف مش موجود مع عمر دلوقتي
جمال (بتوتر) : نعم!!! عمر هو فيه ايه
عمر (بتوتر شديد) : يا فندم الملف
رهف (بثقه) : الملف معايا انا
جو : حسنا عزيزتي رهف ،، اعطيني الملف
ثم قامت رهف بأخذ ملف مستعار(ليس الملف الحقيقي)  وقامت بتقطيعه امام كل الحضور
جمال (بعصبيه) : انتي عملتي ايه!!
جو (بصدمه واعجاب): انتظر عزيزي جمال ،، أريد ان اعرف حديث المنهدسه رهف بالكامل
رهف (بثقه) : مهندس عمر ،، هو مستر جو كان عايز يعمل مشروعه فين
عمر وقد علم بأن رهف تريد ان تنقذ الموقف ولكن ليس لديها أساسيات ومعلومات عن الصفقه فحاول ان يبث لها بعض المعلومات...
عمر : زي ماانتي عارفه يا رهف ،، هو كان عايز يعمل مدرسه انترنشونيل وتبقي قريبه من جامعه اسكندريه علشان يعني تبقي في منطقه تعليمية
رهف وقد لمعت في رأسها فكره لانقاذ الموقف وقررت ان تبدء بتنفيذيها..
رهف (بثقه وابتسامه) : مستر جو ،، ايه اللي مخلي في اقابل علي كل الفنادق بتاعت حضرتك
مستر جو : ما هو عزيزتي!!؟
رهف (بثقه وابتسامه) : التغير ،، ان الفنادق فيها حاجات مميزه ،، مختلفه عن أي فندق ،، وده اللي بيخلي ان العميل اللي بيجي مره بيكرر المره دي عشرات المرات ،، فاالصراحه مينفعش حضرتك تبقي بتفكر بره الصندوق ودائما متميز في كل حاجة وانا ادخل عليك بملف عباره عن حبر علي ورق ،، فين الاختلاف فين التميز كده انا قارنت نفسي بأصغر شركه هندسه لسه مببتدئه ،، فين دوري انا وباقي المهندسين ،، انا شايفه ان كلامنا مع بعض افضل مليون مره من أي ملف
جو (بثقه) : وهل انتي تري انك تستطيعي ان تقنعيني بدون دراسات وملف
رهف : طبعا يا فندم ،، حضرتك مش عايز ملفات وموازنات ،، حضرتك عايز شركه متميزه ومختلفه عن اي شركه موجوده ،، وده بس اللي هيخليك تمضي معاهم
فقالت رهف جمله صحيحه فحقا هذا ما يبحث عنه جو وتفجأ بأنها استطاعت ان تقرء تفكيره فهو لا ينظر في الدراسات والملفات هو ينظر الي طريقه الشركه في إقناعه ،، وهو قادر ان يفعل اعظم دراسات وموازنات علي ايدي خبراء
جو (بنظره اعجاب شديده) : حسنا عزيزتي رهف ،، اذا استطاعتي ان تقنعيني فسوف امضي العقد معكم الان ،،
رهف (بفرحه وثقه) : تمام يا فندم ،، ممكن تسمحلي اعزم حضرتك علي كوفي
جو (باستغراب) : كوفي!! حسنا
رهف : وانا عايزه نسكافيه
ثم طلب جمال كوفي ونسكافيه من البوفيه وبعد لحظات جاء الكوفي ،، والجميع مستغرب مما تفعله رهف
رهف (بابتسامه: حضرتك ممكن تشرب الكوفي وانا بشرح لحضرتك وجهه نظري
جو : حسنا (وبدء في تناول الكوفي)
رهف : لو انا اشتريت الكوفي دي من الفندق عندكوا هدفع حوالي 100 ج بالضريبه والخدمه ،، مع اني لو اشترتها من مكان عادي هدفع 20 ج ،، بس انا جيت اشترتها من عندكوا ودفعت الفرق الكبير ده علشان طعمها مختلف عن اي كوفي تانيه ده اولا التميز ،، ثانيا انا لو ركزت شويه هلاقي ان حوالي ربع الفنجان مش هشربه لانه عباره عن بن صافي يعني انا خسرت ربع الفلوس اللي دفعتها ،، فيه 25ج مشربتش بيهم
جو (باستغراب) : هل يمكنك أن توضحي اكثر!!
رهف : حضرتك ناوي تعمل مدرسه انترنشونيل في منطقه تعليميه وطبعا ده هيخلي الضرايب عاليه جدا يعني حوالي ربع ثمن المدرسه هيبقي ضرايب ،، حضرتك كميه الفلوس اللي هتدفعها في الضرايب دي تقدر تعمل بيها جامعه انترنشونيل في منطقه كلاس بس للاسف مفيهاش جامعات ومدراس انترنشونيل وطبعا ده هيخليك تحقق كذا نقطه ،،
اولا :انك هتحكر المنطقه اللي انت فيها لان مفيهاش مدراس وجامعات ولو فيها فالمدارس والجامعات بعيده جدا ومش هيبقوا بنفس المستوي اللي انت هتوفره ليهم
ثانيا : ان هي دي الطبقه اللي حضرتك عايزها يعني هتبقي ضامن اللي هتدخلوا المدرسه بدون تعب ومنافسه ،،
ثالثا : الاحتكار ،، انت هتبقي محتكر المنطقه اللي انت فيها واي منافس هيجي هيبقي ضعيف لانه للاسف مستحيل يبقي بنفس امكانياتك
رابعا : انك هتعمل مشروع جديد بارباح جديده بثمن الفلوس اللي كنت هتديها للضرايب يعني هتحول فلوس خسرانه لفلوس هتجبلك ارباح كبيره جدا وانا لو واليه امر طبعا هودي اولادي لمكان يبقي فيه ميزه ان اولادي يدخلوا من كجي لحد ما يتخرجوا ،، حتي لو هدفع كتير بس هشتري راحتي وان ابني في مكان كويس ،، واني مش هبقي قلقانه لما يخلص الثانويه العاميه هيروح فين وهوديه فين ،، لان هبقي عايزه جامعه بنفس المستوي
وبكده حضرتك تبقي اختارت تشرب النسكافيه لاخر نقطه في الكوبايه ب ال100 ج،، بدل ما تشرب قهوه وترمي ربعها ،، وبكده ابقي خلصت كلامي
جو بأعجاب شديد صقف لها وصفق لها عمر ومحمود فهما لم يكتبوا كل هذا في الملف ولم تطرء عليهم هذه الفكره فحقا هي ابهرت الجميع
جو (باعجاب) : انا اهنئك عزيزي جمال علي اختيارك للمهندسين ،، فحقا انا لم اري مهندس او مهندسه مثل المهندسه رهف ،، فاانا توقعت بأنها سوف تقنعني بالمكان الذي انا قمت بأختياره ولكنها خرجت خارج الصندوق واقنعتني بمكان اخر بيه ارباح ومزايا عديده انا لم اكن ارأها ،،
رهف (بسعاده شديده) : شكرا جدا يا مستر جو
جمال (بتفاخر) : انا بختار المهندسين المحترفين بنفسي يا مستر جو ،، ها يا مستر جو نمضي العقود
جو : بعد كل هذا الكلام ،، نعم هيا بنا لنمضي العقود ،، ولكن انا سوف اعطي 10% للمهندسه رهف
جمال(بصدمه): مش كتير يا مستر جو
جو : هههههه ،، هي تستحق اكثر من ذالك مستر جمال
جمال : وانا مش هزعلك
رهف : احم ،، بعد اذنك يا مستر جو ،، تسمحلي اطلب طلب وحضرتك توافق
جو : بالتأكيد عزيزتي رهف
رهف : بعد اذن طبعا المهندس جمال ،، بس انا مستحقش ال10% اللي يستحقوها فعلا المهندس عمر والمهندس محمود ،، فااذا سمحت كل واحد فيهم يأخد 5% ،، دي أفكارهم هما ،، وانا كنت المتحدثه الرسميه بتاعتهم مش اكتر
تفأجي عمر ومحمود كثيرا مما فعلته رهف ،، فكيف شخص ان ينسب نجاحه لشخص اخر ،،
جو : هههههه ،، انا شعرت انكم عباقره ،، حسنا عزيزتي رهف ،، سوف اعطي لكل فرد منكم 5% ،، لانكم جميعا تستحقوا ذلك
جمال : نمضي العقود بقي قبل ما النسبه تعلي اكتر من كده
الجميع : هههههههه ،، هههههه ،، هههههههه
جو : انا حقا استمتعت كثيرا بهذا الاجتماع
جمال : ان شاء الله مش هتبقي اخر الصفقات يا مستر جو
ثم غادر جو ،،
جمال (باستغراب وعصبيه مصطنعه ) : انتو مين اللي اداكوا الحق انكوا تغيروا اللي كان موجود في الملف
عمر : يا فندم الصراحه الملف اتسرق ،، ورهف هي اللي انقذت الموقف ومن غيرها كان زمان الصفقه طارت
جمال (بصدمه) : انت بتقول ايه ،، والملف اللي اتقطع ده كان إيه
محمود : يا فندم ده مش الملف الأصلي ،، علشان كده رهف قطعته
جمال (بصدمه) : انا مش عارف ايه الاستهتار اللي انتو فيه ده ،، ازاي يا مهندسين ملف زي ده يتسرق منكوا ،، افرض رهف مكنتش موجوده كان زمان الشركه خسرت صفقه مهمه زي دي
رهف : يا فندم هما ملهومش ذنب ،، دلوقتي لازم نعرف مين الحرامي لان دي مش اخر صفقه كبيره الشركه هتعملها ومدام فيه حرامي في الشركه يبقي فيه احتمال ان الحادثه دي تتكرر تاني
جمال (وقد هدء بعض الشئ) : الحرامي ده يتجاب انتو سامعين ،، 24 ساعه والحرامي والملف يبقوا عندي
عمر : تمام يا فندم
جمال : رهف انا متشكر جدا علي اللي عملتيه انهارده في الاجتماع وانك انقذتينا من موقف سخيف ،، ومكانك محجوز اول ما تتخرجي تقدري تشتغلي هنا بكل سهوله في نفس مكانك
رهف(بسعاده): بجد يا فندم
جمال : دي اقل حاجه اقدمها ليكي ،،
رهف (بسعاده) : شكرا جدا يا فندم
جمال (بعصبيه)(موجهه كلامه لعمر ومحمود) : اتفضلوا علي مكاتبكوا يا استاذه ،، (ثم اكمل بنبره هادئه) اتفضلي علي مكتبك يا رهف
وهكذا خرج محمود ورهف وعمر وتوجههوا الي مكتب عمر...
توقعت رهف ان عمر سوف يمدح فيها او يشكرها او حتي يعزمها علي الغداء مثلما فعل المرتين السابقتين ،، فهي تعودت علي طريقه شكره وغصب عنها احبتها ،، فهي تظهر له عكس ذلك ولكن بداخلها تكون حقا سعيده...
ولكن تأتي الرياح بما لا تشتهي السفن ،، فحدث عكس مما توقعت تماما...
عمر (بعصبيه) : انا اتهزق علشان عيل حرامي قدر يستغفلني ويأخد الملف
محمود : اهدي يا عمر ،، دلوقتي لازم نعرف مين الحرامي اللي موجود معانا
عمر : انا هشوف كاميره المراقبة
وبالفعل رأي عمر كاميرات المراقبة ولكن للاسف كاميره المرقبه اتشفرت بضع اللحظات القليله بفعل هاكر علي تليفون شخص ...
عمر : اه يا ابن ال*** ،، شفر الكاميرا
محمود : طب هنعمل ايه دلوقتي
عمر : هفتش الشركه واحد واحد
محمود : يعني تفتكر ان الشخص ده عاين الملف معاه
عمر : اهي محاوله يا محمود
وبالفعل قام بتفتيش الشركه حتي الحقائب الشخصيه للمهندسات قام بتفتيشها
مهندس ما : ازاي يا بشمهندس عمر تشك فينا
مهندسه ما : ازاي يا بشمهندس تفتش في الشنطه بتاعتي
عمر (بنبره حاده) : ده اجراء طبيعي لان فيه حرامي موجود معانا ،، انتو مقدرين المصيبه اللي احنا فيها
هاله (باستفزاز) : بس هو ليه حضرتك فتشتنا كلنا ومجتش جنب شنطه الانسه رهف
عمر(بعصبيه) : الزمي حدودك يا هاله
مهندسه ما : وهي هاله قالت إيه غلط يا بشمهندس ،، عمر الشركه ما حصل فيها كده قبل كده والجديد فينا رهف ،، ف ليه متكونش هي
عمر (بعصبيه) : مهاا!! انتي ناسيه انتي بتتكلمي عن مين ،، وبعدين المهندسه رهف كانت قدامي طول الوقت يعني مستحيل تكون عملت حاجة زي دي
هاله (باستفزاز) : خلاص فتش شنطتها قدامنا كلنا دلوقتي
رهف(بعصبيه): انا سكتالك من الصبح ،، لو متخرستيش يا صفره انتي هطبق في ذماره رقبتك لحد ما روحك تطلع في ايدي
فزعت هاله من تهديد رهف ،، فهي تعلم ان رهف مجنونه وممكن تعمل اي حاجه..
محمود (بنبره حاده) : خلاص يا مهندسين اتفضلوا علي مكاتبكوا ومتزعلوش من المهندس عمر وقدروا موقفنا ،، اتفضلوا
وغادر الجميع ماعدا هاله ،،،
هاله : انا مش همشي قبل ما اشوف شنطتك ،، وانا متأكده انها معاكي
رهف (بعصبيه) : انتي اللي جنيتي علي نفسك يا صفره
ولكن عمر لحق رهف من ان تضرب هاله وامسكها بشده ،،
عمر : بس يا رهف ،، اهدي
رهف : انت مش شايف بتقول ايه
عمر : هاله!!  هتتفضلي علي مكتبك ولا هتتفضلي بره الشركه
هاله : انا اسفه يا فندم
رهف : استني يا صفره ،، انا هفتح شنطتي قدامك علشان اعرفك اني أشرف واحده شوفتيها في حياتك..
ثم قامت رهف بفتح حقيبتها ،، ولكن للصدمه وجددت الملف بداخل حقيبتها ،، ولكن كيف!!! كيف دخل الي حقيبتها ،، ووقف عمر ومحمود ورهف في صدمه كبيره ،، وهاله كانت علي فمها ابتسامه شيطانيه...
هاله (بتريقه) : واضح اوي انك شريفه يا انسه رهف
عمر (بصدمه) : هاله ،، اتفضلي روحي علي مكتب.. واللي حصل ده محدش يعرفه في الشركه ،، لو وصل لحد يا هاله هتبقي في الشارع ،، مفهوم!!
هاله(بابتسامه شيطانيه) : تمام يا فندم ،، عن اذنك
وبعدما غادرت هاله دخل عمر ومحمود ورهف الي مكتب عمر واوصدوا الباب عليهم...
رهف (بصدمه) : انا والله معرفش الملف ازاي دخل الشنطه
عمر (بعصبيه) : انا غلطان اني دخلتك مكتبي وكنت بعاملك كويس
رهف (بصدمه) : انت بتقول ايه!!!
محمود : مش كده يا عمر ،، رهف لو كانت عايزه تاذينا مكنتش عملت اللي عملته في الصفقه
عمر : اكيد كانت عايزه تأخد الشو ،، والصفقه لحسابها
رهف (بعصبيه ونبره باكيه) : لو كنت عايزه كده مكونتش قولت ان الافكار بتاعتكوا ،، مكنتش اتنازلت عن ال10% ليكوا ،، انا مش حراميه ومعرفش ايه اللي جاب الملف عندي في الشنطه ،، كنت فاكره انك بتثق فيا اكتر من كده بس كلكوا زي بعض كلكوا زي بعض ،،،
ثم خرجت سريعا من الغرفه وهي تبكي بحرقه..
محمود (بصوت منادي) :رهف!! استني يا رهف ،، ايه اللي هببته ده ياعم
عمر : الو ،، ايوه يا عم سليمان ،، الانسه رهف متخرجش من الشركه
سليمان(الحارس): حاضر يا بشمهندس
محمود : ايه يا عمر الجنان بتاعك ده ،،
عمر : انا متأكد ان مش رهف اللي عملت كده يا محمود
محمود : انت هتجنني ،، منين متأكد انها معملتش كده ومنين كلمتها وقولتلها الكلام السخيف ده
عمر : علشان الحرامي يشوفها وهي كده ،، ويكمل الخطه بتاعته ،، عايز اجيب اخره ،، لازم اقفشه
محمود : وهنعرف كل ده منين قبل ما يحصل
عمر : كلم رهف وهاتها هنا حالا
محمود : ما هي كانت هنا ،، انت غاوي تتعبنا معاك
عمر : كان لازم يشوفها وهي خارجه من عندنا وبتعيط
محمود : هحاول اجبها ،،
عمر : لازم يا محمود
وبالفعل نزل محمود الي أسفل ،، ووجد رهف في حاله عصبيه شديده وعلي وشك ان تضرب الحارس
محمود  : رهف ،، ايه اللي بتعمليه ده
رهف (بعصبيه وبكاء) : ملكش دعوه بيا ،، انا مش حراميه يا سيدي سبني بقي امشي
عمر (بنبره عاليه) : هو انتي فاكره ان دخول الحمام زي خروجه ولا ايه
رهف (بعصبيه) : انت عايز مني ايه تاني ابعد عني بقي ،، ابعددد عنيييي
عمر : مش هقبل ما نبلغ البوليس ويجي يقبض عليكي
رهف (بصدمه وبكاء ): انت هتبلغ البوليس يا عمر!!!
فرهف كانت في حاله صدمه كبيره ،، فكيف عمر يفعل ذالك ،، فهي كانت معه طوال اليوم ،، كيف يشك بها ،، كيف يتهمها بالسرقه ،، كيف يكلمها بهذه النبره ،، كيف يقول انه سوف يطلب لها البوليس ،، كيف تحول هكذا ،، كيف!!!
رهف (بصدمه ونبره هادئه) : وانا مستعده لاي قضيه هترفعها عليا
وفي هذه اللحظه اصبحت ملامح رهف جامده وبارده وتوقفت عيونها عن البكاء كأنها نهرت عيونها لانها بكت واظهرتها بالضعف ثم امرتها بوقف دموعها ،، وحولت ملامحها من ضعف وكسره وبكاء وحزن الي قوه وجمود وتحدي ،،،
وعلي النحو الاخر ،، عمر كان قلبه يعتصر الما علي الذي يفعله لرهف ،، دموعها كانت تحرق قلبه ويشعر بأن روحه علي وشك الخروج منه ،، وكان يتحكم في نفسه بصعوبه من الجري نحوها واخذها بين احضانه وان يبث الكلمات المطمئنه لها وان يقول لها اطمئني يا رهفي فانا سوف احميكي من شر الحياه ولا يوجد احد قادر ان يمس منك شعره او يقوم بأذيتها ،، ولكنه تحكم في كل هذا بصعوبه وقرر ان يمنع نزول دموعها اكثر من ذلك لانه اصبح غير قادر علي التحكم بنفسه اكثر من ذلك وسوف يضعف امامها في اي لحظه ،، لذالك فعل ما فعله فهو اصبح يعرفها عن ظهر قلب ،،
بداخل عمر : انا أسف يا رهف ،، سامحيني ،، انا بتقطع لما بشوف دموعك مش هقدر امسك نفسي ،، نفسي اخد في حضني واعتذرلك وافهمك اني بعمل خطه ،، بس مينفعش لازم احميكي من شر الشخص ده واعرفه ،، استحملي يا رهف انتي قويه وهتستحملي...
عمر : هاتها وتعالي ورايا يا محمود
محمود : اطمني يا رهف ،، عمر مش...
رهف (مقاطعه الحديث) : شكرا يا بشمهندس علي ذوقك ،، بس بعد اذنك انا مش عايزه اتكلم مع حد دلوقتي
محمود : حاضر يا رهف
وبعدها توجههوا الي مكتب عمر واثناء كل هذا كانت توجد عيون تراقبهم بفرحه شديده ،،،
رهف(بجمود): ممكن اروح التواليت اغسل وشي
عمر (وهو غير ناظر لها) : اتفضلي
وذهبت رهف الي التواليت ونظرت الي نفسها في المرءاه وظلت تبكي بحرقه،،،
بداخل رهف : غبيه ،، غبيه ،، ليه وثقت فيه ،، ليييييه ،، انا كنت مبسوطه وانا بعيد عنهم ،، ليه كسرني كده ،، لييييه ،، انا كنت بدئت... ،، كنت بدئت... ،، لا مش هقولها حتي بيني وبين نفسي ،،، انا دلوقتي بكره بكره ،، بكرهك يا عمر....
هاله : توء توء ،، المزه بتاعت الشركه بتعيط
رهف : انتي عايزه مني ايه يا بتاعه انتي
هاله : عايزه اقولك ان اللي يجي قدامي ادوس عليه افعصه تحت رجلي
رهف : قصدك إيه
هاله : قصدي اني ملقتش احسن منك احطله الملف
رهف (بصدمه) : ايييه!!! انتي ،، ازاي
هاله (بنبره شيطانيه) : ههههه ،، لا ازاي دي بتاعتي انا ،، صحيح مبروك عليكي مكأفاه نهايه الخدمه اللي هتقضيها في السجن ان شاء الله ههههههه
رهف : (بعصبيه) وانتي فاكره اني هسيبك ،، انا بقي هبعتك للي خلقك ،، وسجن بسجن بقي
اخرجت هاله سكينه من حقيبتها واقتربت نحو رهف وعيونها تطق شرار ،،
هاله : ارجعي لو قربتي مني هموتك ،، انتي فاااهمه
ثم رهف وجدت من يمسك هاله من الخلف ،، ويكتف يديها التي بها السكين ،، ثم ضرب يديها بالحائط حتي وقعت السكين من يد هاله...
رهف (بصدمه) : انت!!!!!

لو عايزين تعرفوا مين الشخص اللي انقذ رهف من جنون هاله ،، انتظروا البارت اللي جاااي

تااااااابعووووووااااااا... ،،،🔥🔥🔥

......................................................................