خماري لا يعكس أخلاقي (زوجوني فقيه الجامع 2 )

الجزء: 26

وقفات كتنهج تتمشي هنا و تجي لهنا غتحمااااق بالبكاء معارفة ما دير ..

هزات تلفونه بالزربة و دوزات إتصال لأدم غير سمعات صوووته الرهيب نطقات بالزربة كتعاود لييه كلشي

بسمة : هئ هئ عمي يوسف مريض بزاااف و حالته خايبة و لله أعمي عاد رد الدم و طاح يمكن سخف ولا معرفتش اعمي معرفت مالو

أدم بخوف : تاصلي ب الإسعاف ابنتي دغيا لله يرضي عليييك الرقم 15

بسمة " برجفة " : واخا واخا

أدم : شوية نكونو عندكم ..

قطعات معاااه ودوزات الرقم لإسعاف طلبو ليييها لعنوان نيشان ركبات من الشرجم كتوقف لييهم حتى بانت ليها اسم شاريع
وقفات جنبه كتمسح الدم وهزات شالها دارتو على راسها بالزربة
سمعات الدقان فالباب مشات تتجري فتحات ليهم ..
كانو الفرملين داخلين هازين سريري طبي متنقل
هزوووه وخرجو و هي تبعاهم و الدموع مزال نازلين على خدودها كيف الشلال ..

ركبات ف سيارة الإسعاف لأنه هي الوحيدة لي معاااه بعد ما عطاتهم المعلومات على حالته دارو لييه سيروم و التنفس الإصطاعني

شادة ليييه فيديه كتنهج بقوة ..

بسمة : ختي قولي ليييا الحالة دياله كيف دايرة ياك مزيان معنده حتى شي حاجة خطيرة

المسعفة : معرفناش ا ختي حتى يشوف الطبيب درنا لازم معاااه

بسمة : شحال باقي و نوصلو اختي لله يستر عليييك

المسعفة :  ان شاء لله يكون بيخير

دقائق قليلة و كانو مدخلييينه السبيطار عامر وبنادم غادي جاي !!

وقف الطبيب كيتفحص حالته حتى غوووت بالجهد كيعيط على فريق عمله

الدكتور : السيد كيمووووت جريو بيه لقاعة العمليات  دغيااا ضروري ..!

عينيها حمارو بقوة البكاء ، واقفة مسندة على الحيط و الدموع نازلين على خدها و الناس كلشي تيشوف فيها ها لي كيشوف فيها بحسرة ها لي كيشوف فيها بشفقة وحيدة وسط مجمع الناس ، أغلبية الناس لي كيشوفو فيها حاليا مغيكونوش حاسين بالحرقة لي فقلبها حرقة مؤلمة لقلبها الضعيييف ، زوجها و سندها بالنسبة لييها هي بين الحياة و الموت كيف قالو لييها ..

"في بعض الأحيان نحتاج لشخص يسمعُ إختناقناَ الصامت،،،ويفهم نظراتنا عيوننا الحزينة،،،ويفهم نبرة صوتنا متألمة جداً...لكن الوحدة قاتلة و نجد البكاء وسيلتنا الوحيدة حين تبتلع الخيبة حناجرناَ، وما أصعب أن نبكي بسبب تذكر حديث قديم ..جعلنا نضحك يوماً، لأن الكلمات لا تستطيع أن تعبر عن كل شيئ ،،،وكل شيئ يتغير مع مرور الوقت وفي داخلناَ مستنقع كبير من الأحزان،،،..ولا نعلم متى نصل إلى الضفة السعادة🖤"