خماري لا يعكس أخلاقي (زوجوني فقيه الجامع 2 )

الجزء: 30

رجاء : مالك تصدمتي ؟ ياااااك ما شي وااحد كاان مواعدك و سمح فييك

ندى : لا لا أش كتقولي ا ماما لا عير جاتني غريبة وصافي انا مزالة صغيرة ماشي ديال الزواج

شافت فيها وطولات فيها الشوفة بشر وقالت ..

رجاء : عقلتي على الطبيب لي تصادفنا معاه فالسبيطار هو لي جا يخطبك و مو لي جات

ندى بنبرة استغراب  : ياك عاد قلتي جدارمي

رجاء : مهم مقابلاش ياك اوا صافي انا نمشي نخبرهم على اي حال ..

تزيرات بالجهد وجهها تزنك اش دير دابا هي بفمها قالت مقابلاش مزال صغيرة ، خرجات رجاء بقات غير هي و بسمة متبعة ملامحها كيف تبدلو في سرعة البرق ..

بسمة : اش مالك اناري ؟
ندى : شوفي ما تعتقي الا تعتقي هي كذبات عليا وصافي انا قابلة بالطبيب

بسمة " ب إبتسامة " : هههههههه ياك عاد قلتي مقابلاش

ندى : لا اختي قابلة بالطبيب بالله عفاك ابسمة شوفي ما تعتقي الا لقيتي

بسمة : اش نقول ليها ا نااري ..

ندى : قولي ليها قابلة

بسمة : واخا انا نشوف حضي معاك هادي لا تحرق

ندى : واخا

وقفات بسمة جنب المراية كتقاد حالته و توجد لهضرة اش تقول ليها وكيف تقنع رجاء بالهضرة وكيف تعامل فهاد الموقف ..

دخلات لصالون ب ابتسامة مشرقة على وجها شافت ناحية رجاء لي تبسمات ليها كذلك و نطقات لضيوف ..

رجاء : هادي بسمة مرات ولدي يوسف

السعدية : تبارك لله ماشاء لله كنت باغاه لولدي يونس لكن المكتاب ارجاء

رجاء : اييييه المكتاب لكن بسمة تخلقات ليوسف و لعكس مع " غمزة "

بتوثر توجهات سلمات على السعدية صاحبت فتيحة لي جاية تخطب لولدها رضوان

فتيحة : ماشاء لله غزالة لله يحفضك ابنتي من لعين

بسمة " ب إبتسامة خجولة " : شكرا خالتي ربي يخليك

فتيحة : اوا الآلة ارجاء اش قلتي موافقة لبنت ونتي ؟

رجاء : اوا نعيطو على لبنت هي نشوفو رأيها

فتيحة : ايييه عيطو ليا على مرأة ولدي الغزالة

رجاء : بسمة بنتي لله يرضي عليك سيري عيطي ليهاا تجي نسمعو رايها هي الأولى