هزات راسها بخوف تتشوف ناحيتها ، أماا رضوان عقد حواجبه مع بعض وشد فيها من يديها
رضوان : متخافيش جلسي هنا انا نخرج ولا يالاه نخرجو بجوج نشوفو اش واقع
خرجو بجوج ناحية الصالون و ملامح الاستغراب على وجههم باغين يعرفوا اش كاين ، كانت فقط فتيحة و رجاء و بسمة لي واقفين ف وسط الدار و حاطين يديهم على قلبهم
رضوان : اش كاين ؟
فتيحة : اولدي شي واحد سكران وباغي يتعدا على مو راه خرج يوسف و السي ادم
خرج رضوان هو الأخير كان الجيران كلشي تيطل من داره و الأم واقفة بدمياتها تتبكي و بنتها شادة فيها
الأم : أ مسخووط الوالدين انا ساخطة عليييك الى يوووم الدين
الابن : وااا غير زيدي سخطي السخط ديالك فاش نافعني لاش والداني لاش
وقف يوسف تيشوف فيييه جنوي كبير هازه ف يديه و كيهدد بيييه أمه
يوسف : حط الموس وقول لينا مالك !
الابن : وفاش غينفعك الا قلت ليييك مالي ا ** سير تنعس بحال غيرك
عقد حواجبه بجدية شافه تقلب داير غادي عند الأم دياله غير شافو دار بسرعة شده و خط ليييه لموس لايحو لواحد لقنت و جمع ليه يديه
يوسف : تمشي تربا ياك تتقلب عليها
الولد : الهم الحبس ولا وجهه هادي " تيقصد الأم دياله "
تسمع صوت سيارة الإسعاف و صوت البوليس ركبوه ف السطافيط وتبعهم يوسف بسيارته ناوي هو يتبع هاد القضية رغم كلشي !!
سيارة الإسعاف دات الأم و بنتها مشات معاها ، بقات غير باب ديال الدار تنهد ادم و قرب سدها و دخل يهز سوارت السيارة
رجاء " بتوثر " : ادم اش وقع اش كاين ؟
ادم : ولد سي عبد المختار ضرب أمه وناض تيسب فيها
رجاء : اويلي مال الدري نقي و ماشي ديال السبان و هادشي لي سمعنا
ادم : كلنا هكاك مو ضربها بجنوي مهم انا نمشي نشوف اش كاين و نجي
بسمة : لله يهدي ما خلق يارب
فتيحة : للهم امين يارب ، خليناكم على خير و ان شاء لله السيمانة الجاية موعدنا
ادم : مرحبا بيكم في اي وقت ولينا عائلة
فتيحة : ربي يخليك اسي ادم
أنت تقرأ
خماري لا يعكس أخلاقي (زوجوني فقيه الجامع 2 )
Humorخماري لا يعكس أخلاقي... شااءت الأقدار وشفناا راسنا باقي عندنا منعطيو فهااد القصه وحيت عجباتكم 😘 هاحنا جيناكم بالجزء تااني قصة :زوجوني فقيه الجامع2 بعنوانها الفرعي:#خماري_لا_يعكس_أخلاقي بقلم: فرح حدادي & رجاء جاكار لعاشقاات الكوميدياا والضحك 😂 ع...
