جرهاا من يديها بسرعة غادين داااخليين لدرب كيجريوا وكلشي هارب ، القهوة لي كانت مقابلة البوطات طرطرقو هو لي كان السبب في الانفجار ..
كانت الطنوبيل نييت تما فداك الدرب جرها غادي بالزربة و صوت البوطات غير مزااايد كسيراا غادي نحو المجهول المهم يبعد من تماا قبل لا توقع شي كارثة
وقفات سيارته جنب الشقة سرح راسه كيمسح عليييه
أما هي عاد رجعات فيها الروووح اول مرة فحياتها يوقع ليييها بحال هكا تنهدات بصوت مسموع شادة على قلبها ونطقات بصوت خافت ..
بسمة : اش هادشي وقع ا يرسف ..
يوسف : بان ليا لبوطات لي كاينين ف لقهوى اونفاص لمطعم وقع فيها انفجار ، طلعي رتاحي انا نمشي ونجي
بسمة " بخوف " : لا يوسف واش حماقيتي والا وقعات لييك شي حاجة لله يستر لا لا زيد طلع لدارك
يوسف " بهدوء " : متخافيش ا بسمة ضروري نوقف واخا عندي شهادة طبية غير نوقف معاهم ساعة ولا نص كاع ونجي
بسمة : يوسف لا ايوسف واش بغيتيني نحماق ؟
تبسم بهدوء وشاف فيييها وحط يديه على خدها
يوسف : كتخافي عليا اغزالتي ؟
بسمة " بدون شعور " : اااه
يوسف : سعداتي ههههه يالاه اغزالتي صافي متخافيش عليا دغيا تكوون معاك
بسمة : وعفاك متعطلش عليا
يوسف : متخافيش الحب ديالي ، طلعي ولا نطلع معاك ؟
بسمة : منعطلكش اكثر باش ترجع دغياا انا طالعة و عفاك متعطلش عفاك ا يوووسف
يوسف " ب إبتسامة خفيفة " : واخا
تسناها حتى طلعات وكسيرا نيشان لمكان الحدث كيحمد لله بسمة ماوقع ليها والو
دقائق قليلة كان وصل ، المكان مطوق بالشرطة ، القضية مخلطة ها لإسعاف هاا البوليس و كذلك رجال الوقاية المدينة لي كانو كثار باش النار تحبس لدرجة السماء غاز اسود تكون فوق السحاب ..
عقد حواجبه وسول شرطي كان واقف تما
يوسف : شحال من واحد تحرق هناا ؟
الشرطي : العاملين لي كانو لداخل هوما لي مضررين اكثر اما لي كانو جالسين مكاينش جروح كثيرة فقط قليلة ..
مألو براسو وتوجه بخطوات بطيئة وقف جنب كوميسير اخر كيتناقشو الواقعة !!
واقفة جنب السرجم باقة بحوايجها باش خرجات غادة جاية ناحية السرجم كتمشي وتجي من قوة التوثر هادشي لي وقع معاهم مزالة مخلوعة و مصدووومة بالجهد من الحدث ..!
نصف ساعة دارت بالضبط كرشها شدها فيها حريق جلسات كتنهدن حتى سمعات لباب تفتح ، بلا هواها وقفات كتسناه يفتح الباب
غير شافته واقف قدامها طارت بكل جهدها عنقاته وهو كذلك بادلها العناق
يوسف : هذاا كله خووف عليا اغزالتي ؟
بسمة : هممم قول ليا بعدا كلشي مزيان هو هداك
يوسف : اه مكاينش الموتى احسن و لواليد صونات عليا قالك سد طريق دابا
بسمة : شنو نمشيوا ؟
يوسف : اش نديرو ضروري ..!
بسمة : واخا انا نبدل حوايجي وتجمع ليا وليك
يوسف : واخا ها انا جالس لتحت
مشات ناحية الماريو كتجمع بدلات حوايجها وتوجهات لناحية المارية وجهها اصفر الدم هارب منها ، تنهدات اكيد الخلعة ديرها هزات عكر خفيف لشفايفهاا متيباتش كاع قدات شالها ف لون الغوز بيبي دارت ساعتها ف لون الذهبي وهبطات هازة البليزات جمعات فيهم حوايج قلال ..
يوسف : الحداكة ياختي عندك هادشي ساهل دغيا ساليتي
تبسمات بخفة وقالت ..
بسمة : اكيد دغيااا هههههه متبدلش علييك ؟
يوسف : مفياش ومباغيش نشد الطريق داباا عيان شوية
بسمة : اوا صافي جلس حتى نرتاحو لا ؟
يوسف : لا نمشيو غير بشوفتك ونتي جنبي راني مرتاح ههههه
أنت تقرأ
خماري لا يعكس أخلاقي (زوجوني فقيه الجامع 2 )
Humorخماري لا يعكس أخلاقي... شااءت الأقدار وشفناا راسنا باقي عندنا منعطيو فهااد القصه وحيت عجباتكم 😘 هاحنا جيناكم بالجزء تااني قصة :زوجوني فقيه الجامع2 بعنوانها الفرعي:#خماري_لا_يعكس_أخلاقي بقلم: فرح حدادي & رجاء جاكار لعاشقاات الكوميدياا والضحك 😂 ع...
