خماري لا يعكس أخلاقي (زوجوني فقيه الجامع 2 )

النهااااية

بقوة الفرحة و الحماس لي كانو كيحسو بيهم بجووج ، الضحكة و الفرحة مخطاتش قلبهم نهائيا طول الوقت ..

دخلو لدار بالشوية عليهم هازين الميكات من بعد ما تقداااو من مرجان
حيدات الشال و حطاته على طابلة د الأكل لي كاينة فالكوزينة ، طرطقات صباعها مع بعضهم بحماس ونطقات بصوت غالب عليييه الفرحة

بسمة : اش نديرو لعشاء ايوسف ؟

يوسف : شي حاجة بسيطة ساهلة مثلا " حط يديييه على ذقنه " دجاج مقلي مع روووز ؟

بسمة : مدام أول مرة غيدخلو لدارنا و يجلسو فيييها خاص تكون شي حاجة كبيرة !

يوسف : هههه هي نديرو نص حولي مشوي ؟

بسمة : ميوجدش دابا

يوسف : لا يوجد مع طارط بسييييطة فيها مثلا " انا جاي و مكتوبة عليييه Baby وفيها صورة او ملصق صور أطفال ..

بسمة " ضحكات بخفوت " : على أفكار عندك يا يوسف

قربات عنده حاطة راسها على صدررره

يوسف : هههههه شفتي يا ودي انا البوم عندي عييييد شحال من حاجة بدلتيها فيا نتي

قرب ليييها كثر كيحيد الشعر لي نازل على عينيها ردو لوراء ، تبسم و كمل كلامه بصوت خافت و بنبرة حب

يوسف : مثلا كنت غادي فواحد الطريق خايبة وبفضلك نتي رجعت لطريق الصواب وما أحسن ، الدراري الصغار هههه الصداع ديالهم و التبرهيش ديالهم كنت مكنحملهمش و لكن لهفة و الحب ديالك تجاههم خلاوني حتا انا نبدل نصوني فيييهم هما زينة الحياة والسعادة ..

بسمة : الحمد لله ياربي ، عرفتي شحال متشوقة بزاف بزااف ولله

يوسف : ثمن شهور دغيا ا دوز ان شاء لله انا نخرج ندير كومند على داكشي و نجي نعاونك صافي ؟

بسمة : وخا نييت انا نمشي نجمع الصالون شوية وندير الروز و نقي الدجاج

يوسف " قرب قبل جبينها " : مجتهديش على راسك بزااف

بسمة " ب إبتسامة حاطة يديها على بطنها " : أكييييد

بدلات حوايجها بالزربة لابسة بيجامة خفيفة ومشات جمعات الصالون هو الأول وفتحات السراجم الدار تهوووى شوية ، دارت جفاف خفيف ودخلات لكوزينة توجد ودير داكشي لي جااابه

دارت الروز يتصلق و الدجاج غسلاته و نقاته مزيان و دارت ليييه الشرمولة عاد خرجات هازة اكسسوارات الطابلة الكبيرة لي كاينة أونفاص الصالون مزينة على حقها و طريقها طبسيل فوق طبسيل و الفرشيط و الموس فوقه عاد البابي ديالهم كل كرسي أونفاص ليه الطبسيل دياله