خماري لا يعكس أخلاقي (زوجوني فقيه الجامع 2 )

الجزء: 25

صباح جديد ، بعد ليلة عامرة حب بيناتهم وقفات راسها كتجمع شعرها لي طايح على وجهها كانت لابسة فقط شميز دو نوي تبسمات عاضة على شفايفها خدودها حسات بيهم حمارو بقوة الحشمة من الزعامة ديالها د لبارح ..!

معرفاتش و مفهماتش كيييف حتى نزلات عليييها عمرها جاتها هااد الزعامة على طووول حياتها لكن حالته كانت غير طبيعية وكان هداك هي لحاجة الوحيدة لي تهدنووو
كانت الساعة 12 د الصباح عرفاااته غيكون لخدمتتته و نيت باش ميحشمهاش ..

دخلات لحمام دوشات و دارت روتينها الصباحي و نيييت توضات باش تصلي الظهر !!

بعد ما صلاة صلاتها هبطات لتحت كتجمع من هناا و هناا ملهية لوقت ..

حطات كاس د لحليب على الطبلة حاسة بالقنط لا جيران ولا اصحاب وقفات كتأفأف أخيب حاجة عندها هي لملل
سمعات دقان ف لباب قوسات حواجبها شكون لي غيكون جاا يوسف مولف كيفتح الباب بوحدو عندو مفاتح الدار ..

الخوف بدا كيطلع معاهاا و صوت الدقان غيييير غادي و كيتزاد بصوووت مجهد بخطوااات بطيئة غادة بشوية كترجف ناااحية الهاتف ديالها تعلم يوووسف لكن ..!
لكن الهاتف كان تسالا ليه سارح ، مسحات على جبينها بخيبة أمل و خوووف و صوووت الدقان مزاد غير مزاد تمجهد ..

بشجاعة و قوة منها مشات ناااحية الدوش غسلات وجهها كترعد بالخوف و مشات ناحية البابا ناوية تفتح الباب يا ريحة يا ذبحة

فتحات لباب بشوية ويديها مزال على نفس وضعيتهم كيرجفو بشوووية بشوووية

بان ليييها بنادم عاطيها بالظهر غير شافت لباب دخلات تتتجري و دفعات بسمة كتنهج
شافت فيها بسمة مظهشرة من الدفعة لي عطاتها شافت فيييها كترمش و نطقات بخوف ..

بسمة : شكووون نتي اويلي وجهك ..

البنت : اختي عفاك ستريني هنااا راه خويا ليوووم يقتلني

بسمة " بشجاعة رغم أنه خلعتها " : علاش اش درتي !

البنت : حصلني واقفة فجردة مع الاكس ديالي

بسمة : ودابا هاربة مننننه ؟

البنت : اه دار لييييا الشوهة فالزنقة اختي غيقتلني " نفجرات بالبكاء " مفيهاش الشك

حالتها وهي كتبكي خلات بسمة غير
كتشوف بقات فيييها و بالجهد واخة الغلط راكبها من راسها لرجليها ..

بسمة : اجي جلسي هناا شربي الماء رتاحي وعاودي ليا نقدر نلقا معاك الحل