الصدمة و الدهشة و خيبة الأمل هي لي كانت واضحة على ملامح وجهه ..
دقائق صمت كيحاول يستوعب الموضوع ولده الوحيد لي من صغره وهو كيعلمو مبادئ الدين و ها شنو لي حرام و ها شنو لي حلال لكن واش بصح التربية ديال يديه طلعات خاسرة ولا ..!
تنهد تنهيدة من أعماقه و شاف ف الدكتور بجدية
ادم : كمل أ دكتور !
د.ك : السي يوسف كان كيتعاطى المخدرات و الخمر بشكل كبييير نقدرو نقولو كل ساعة كيتعاطى لشي حاجة يا الخمر يا لمخدرات وهادشي ناتج عن الأعصاب دياله منين كيتعصب كيكون هو لملجأ دياااله باش يبرد لكن هادشي رجع بالخسارة عليييه و الحمد لله أنه كان بداا يقطع هادشي و جسمه بدا كيتفاعل شوية بشوية ، الرئتين مضررين لكن الحالة مزيانة يتبع الدواء و يبعد على هداك المرض و صحته ترجع و لله يجيب الشفاء !
كان ادم كله مركز مع هدرته من لأول حتى الأخير ، وقف مع ابتسامة خارجة بالزز و سلم على الدكتور و قال ..
ادم : شكرا دكتور على كلشي و بنسبة ايمتا يخرج ؟
د.ك : على حسب حالته إذا فاق مزيان و حالته الصحية مزيانة ليوم يخرج لكن حبذاا ينسى الدواء دياله كانت متدهورة غدا ان شاء لله
مألو ادم براسو وتبسم ليييه و خرج من المكتب ..
لأول مرة ف حياااته كيطيح ف موقف محرج معارف راسه اش يدير ولا فييين يدير راااسه قلبببه كيحس بيييه تطعن و طنعة خايبة ابدااا واش كان ضان شي نهار يوسف غيكون هاكة كيسكر و يشرب و يكمي وهو مجايب خبار !
دار يديه فجيوبه ، الجمود و البرود هي لي باينة على ملامحه حاليا
وقف قدام باب الغرفة فييين ناعس مكان حد برا الا و انه فاق و راهم مجمعين عليييه ، تقدم بخطوة ثقيلة وفتح الباب
الجميع شاف فيييه و حتى هو ! ولده مومو عينيه الى طلب حياته يعطيها لييه بلا ميفكر لكن دابا واش ممكن يضحي علييه ؟
تحنحن و نطق بجموود ونبرة غريبة ف صوته
ادم : ممكن تخرجو باغي ندوي معاه
تخطاهم ومشا وقف جنب النافذة و السرجم مفتوح
شافت رجاء حتى شاف لي كانت خايفة منه طاحت فيييه ..
تنهدات بصوت مسموع و شدات ف يد بسمة و ندى وخرجات من الغرفة خلاتهم راس ف راس !!
______
سمع صوت الباب تسد واقف مدة كيشوف ف السرجم حتى تقلب وهز كرسي و جلس أونفاص مع يوسف لي فاتح عينيه بهداوة كيشوف ف بااه
يوسف " ب إستغراب " : الواليد ؟
الصمت ! الصمت ! هو لي كان طااغي على الغرفة ، ادم مثبت الشوووفة فييييه و دماااغه خدام كيفكر
و أخيرا نطق بعد صمت طويل لا يوسف تكلم ولا أدم ..
ادم" بصوت باح " : علاش درتي هاكا ؟
كان عارف غيكون عرف غير منين عتباته رجاء لكن بسمة عطاتها تبريرات و يوسف كذلك دغيا بردات لكن ادم واش فيبرد دغيا و يدوزها بجغيمة د الماء ؟
يوسف : الواليد بصراحة انا حشمان منك وبزاف وعمري انا براسي كنت كنقول غنوصل لهادشي ولكن اعصاب لخدمة داروها خلاوني نمشي لداك طريق عمري نويت نحط شي حاجة على فمي !
ادم : اهااه نقولو أسيدي الأعصاب لي دار ليك هادشي علاش ف بلاصة ما تمشي لداك شي طلق لقران ولا تصلي كنتي غتهدن وربي يزيدك فالراحة لكن اش درتي نتا " صفق بيديييه و وقف " مشيتي عصيتي لله ضيعتي علاقتك مع لي خلقك و صحتك حتى طحتي ب دمياتك اسي يوووسف
يوسف : مكنتش عارف اش كنت كندير كانت كتبان ليا الراااحة تمااا واش انا بيدي ؟ كل ما كنسالي كيشدني تأنيب ضمير
ادم : كنت كنضن انك انا صاحبك و من ديما كنقول ولدي هو صاحبي من لحمي و دمي غيعاود ليا كلشي " ضحك بالفقصة "نتا كتشوف فعيني عااادي مفكرتيش فيا كاع فين ندير وجهي دابا ولد لفقيييه طلع سكايري على اخر يامي نولي على فم عباد لله ..
هز يديه بقلة حيرة و خرج زادح الباب من ورائه
خيب ضن باه فيييه ، الهضرة د ادم دخلااات بحال السم ل قلب يوووسف صحيح كيحس ب قلبببه غيخرج ندم وندم ولكن واش ندم غينفع دابا ؟
راسه حاااس بييييه قريب ينفاجر خيبة الضن لي ف وجه ادم خلات قلببببه كيهضر و يعصر بقوووة لدرجة أنه الدموع تجمعو لييييه ف عينيه
وماا أصعب دمعة الرجال ..!
_______
أنت تقرأ
خماري لا يعكس أخلاقي (زوجوني فقيه الجامع 2 )
Humorخماري لا يعكس أخلاقي... شااءت الأقدار وشفناا راسنا باقي عندنا منعطيو فهااد القصه وحيت عجباتكم 😘 هاحنا جيناكم بالجزء تااني قصة :زوجوني فقيه الجامع2 بعنوانها الفرعي:#خماري_لا_يعكس_أخلاقي بقلم: فرح حدادي & رجاء جاكار لعاشقاات الكوميدياا والضحك 😂 ع...
