"نظرت الجدة إلى أبناء صالح وراحت تمطرهم بالنصائح"
السُرة: أول حاجه يا أولادي الصلاة دي أهم منها ماف بيها هي اموركم كلهااا بتمشي،التحصين والتسبيح والصلاة على النبي،والصدقات حتى لو بشوية قرقوش،واكرام الضيف،الضيف ليهو مكانة ولازم تكرموه لو جاكم ضيف وختيتوا الأكل ما تقوم قبلو خلي لمن يقوم هو بعدين انتو تقوموا عشان ياكل بارتياح،وواصلوا أرحامكم،واي حديث خاص بالاكل بالشراب بالطلوع بالدخول...الخ اعملوا ما تنسوا،واجبروا خواطر بعض بالكلمة الطيبة السمحه.
زينب:إن شاء الله يا حبوبة ح نعمل كده واكتر كمان
علي:في وصايا كتيرة وصانا بيها النبي بس الناس هاجرنها
عائشة:اي فعلا الناس لازم تراجع نفسها في أمور دينها وما اي شي يبقى بالنسبة ليهم عادي وساهل.
صالح:شوف يا أولادي،،اهم حاجه برضو الرضا والصبر واليقين،واتذكروا اللقمة الحلال زيها ماف،الحرام ساااهل وراااقد،،الرزق الحلال صعب بس طعمه حلو.
السُرة: الله يرضى عليكم يا أولادي ويوسع رزقكم ويجعلكم من الصالحين المتقين.
"علت نغمه رنين هاتف صالح إذ كان المتصل أخاه خليل"
صالح:يا خليل السلام عليكم،،كيف الصحه والاخبار
"أنصت صالح جيداً لما يقوله أخاه ثم أردف قائلا:- الله يزيدك ويبارك فيك سمح هاك ليها،يمة ده خليل قال عاوز يسلم عليك"
"أمسكت السُرة بالهاتف النقال وتحدثت مع إبنها خليل ما يقارب النصف ساعة من ثم ودعته وأنهت المكالمة"
صالح:شفتي يمة ربنا كريم كيف واخيرآ ح تمشي السعودية وتحجي
السُرة:الحمد لله الحمد لله،ح أزور قبر الرسول صلى الله عليه وسلم وألف الكعبة واصلي في المسجد النبوي الشريف،الحمد لله.
"سِعِد الأبناء بهذة الخبرية الجميلة وباركوا للجده"
سوسن:لمن تمشي هناك يا عمتي النبي رسلي لينا عبايات بقولو سمحه وراااقية
صالح:ده بس همك
السُرة: سمح يا بتي برسل ليكم.
"مرت الأيام وحزمت الجده أمتعتها إستعداداً للسفر،قبل سفرها ببضعة أيام إتصل خالد لأخيه صالح وحدد معه موعداً ليقوم بزيارته هو وأسرته موضحاً سبب زيارته"
خالد:البت بتنا والولد ولدنا،جبتها ليك على بلاطه،انا عاوز عائشة لحسن ولدي ويوم الجمعه إن شاء الله بنجي ونقعد ونسمع قولك شنوو؟!
صالح:والله يا خالد يا أخوي فاجأتني بالموضوع ده خصوصي إنو ولدك قال عندو عروس وعرسه قريب
خالد:حسن قاصد عائشة يا صالح ما غيرها
صالح:كده الله كريم لمن تجوا يوم الجمعه ونقعد نتفاكر
خالد: أفهم منك أنك موافق!!
صالح:يوم الجمعه يا خالد كل حاجه ح تتوضح
خالد:خلاص تمام،،سلم على أمي والاولاد
صالح:إن شاء الله
"سمعت زينب مكالمة والدها رغماً عنها،ثم ركضت نحو المطبخ لتزف لأختها كل ما سمعت"
عائشة:يا زينب ده كلام شنو،،انتي بتلفحي الكلام ساااي،،وبعدين ليه تتصنتي على أبوي؟؟
زينب:يا بت والله ما اتصنتا هو صوتو كان عالي،،المهم حسن واهله جاين يوم الجمعه هههه يا عروس
عائشة:لالا في حاجه غلط،،طيب حسن المخلي متأكد أني ح أوافق شنوو؟! لمن فاتح أهله في الموضوع ده؟؟؟
السُرة:أنا
زينب وعائشة: حبوبة....!!!!
"السلام عليكم 🙈😂معليششششششششششش بس حقيقي يدوب جبتا لي بطارية فأسفة💙"
#إيناس_آدم
#نتلاقى💙
