السُرة:مالكن مخلوعات،شوفي يا عائشة يا بتي،الريدة والحب ما حرام،،الحرام هو البنتج عن الحب من النصايب البنشوفها اليومين ديل،،وحسن بدورك ليهو عروس وست بيت وأم عيال وجاييك بالباب عديييل أها قولك شنووو؟!
"أنزلت عائشة رأسها في إستحياء ووجهها يشع بالبسمات"
زينب:يا حبوبة زي ما بقولو الجواب وااااضح من عنوانو هههه.
سوسن:في شنو مجتمعات كدي في المطبخ،،عائشة يا بتي استعجلي نزلي الغداء ده..
السُرة:اجي يا سوسن في عروس بتشتغل كمان بررري منك
سوسن:عروس...!! عروس شنو كمان؟!
"ركضت عائشة خارج المطبخ ولحقت بها أختها زينب"
سوسن: اجي ديل مالن كمااان،،في شنو يا عمتي فهميني حاجه؟!
السُرة:حسن ود خالد
سوسن:ماااالو...عرس
السُرة:يدوب ناااوي وبتك عائشة العروس
"تسارعت نبضات قلب سوسن وبرقت عيناها فرحاً"
سوسن:"بفرح واضح" صحي يا عمتي صحي كدي احلفي،،،النبي فيك حسن بدور يعرس عائشة!!
السُرة:اي يا بتي ويوم الجمعه دي جايين،،انا حسن مكلمني بالحكاية دي من بدررررري.
سوسن:وبعلي ده يوم الهناااا يا عمتي،،اها ازغرد اسي ولا اصبر ليوم الجمعه؟؟
"أطلقت السُرة ضحكات عالية ومتتالية إلا أن أتى صالح وأخبر زوجته ووالدته بزيارة أخاه وقصة زواج الأبناء"
سوسن:وماااالو البت لود عمها
صالح:يا سوسن أنا عارف فهمك وتفكيرك عشان كده اصبري عليك الله والموضوع ده ما تستعجلي ليه،،ولا إنتي قولك شنو يمة؟!
السُرة:حسن ولد كويس يا صالح ود اصول ومتربي ومتعلم وواعي،،في النهاية أنت أكيد عندك نظرتك الخاصة للموضوع ده لسة باقي يومين للجمعه فكر برواااق وأنا متأكده قرارك ح يكون سليم يا ولدي
صالح: إن شاء الله يمة إن شاء الله
"أمضى صالحاً جل وقته في التفكير والتأمل والنظر إلى إبنته عائشة بعد أن علم من والدتها أنها تميل نحو حسن وتستلطفه،،لقد فكر صالح جيداً إلا أن وصل إلى قرار حاسم وسليم سيرضي الطرفين"
"الجمعه/بعد الظهر/منزل صالح/،،جلس صالح وسط أبناءه علي وعباس وأمامه أخاه خالد وإبنه حسن في الزي السوداني المعروف (جلابية وشال وعمة وطاقية)،،بينما جلست بدرية وبناتها في صالة المنزل الصغيرة مع سوسن وزينب وحجه السُرة،،وأنشغلت عائشة بتحضير شاي الغداء"
خالد:الليلة يا صالح أنا جاي وطالب يد بتك عائشة لولدي البكر حسن على سنة الله ورسوله ولي عظيم الشرف بتك تكون مرت ولدي الوحيد،،قولك شنو يا اخوي؟؟
