خفايا ضابط

بارت١١

خفايا ضابط

بارت١١

بقلم كهرمانه
🍃🍃🍃🍃🍃

أن يفهمك أحدهم، أعظم من أن يحبك

فيان:- هميت بتنضيف الغرفه رجعت وكفت الميز الصفى بدون مرايه والكاع عباره عن كزاز حتى التلفزيون كسره دخلت للحمام غسلت وجهي وأثار الضرب مبينه عليه نزلت الكذله على وجهي حتى ليبين شي طلعت من الحمام ومشيت عالكزاز همزين مو حافيه

. طلعت بره الغرفه ونزلت جوه متجاهله الكل اخذت ماسحه وسطل مسح ووصله وصعدت دخلت للغرفه كرفت الكزاز بالماسحه وجمعته بالزاويه نكتت الفراش ورتبته طلعتلي ثوب ماريده وشديت ردانه جمعت بيه الكزاز وحتاريت وين اوديه طلعت من الغرف اكو درج صعدته يمكن السطح فوك وصلت يم باب فتحت الباب وطلعت بره الدنيا جاي تضلم شفتلي زاويه وشمرت الثوب بيها ونزلت جني كلشي ممسويه دخلت لغرفتي وسديت الباب مسحتها لميت الملابس الوصخه . اكو غساله بالحمام مو البالغرفه لا حمام غيره بره هيه ناهده جوه شيصعدها شكلت الغساله وخليت بيها مي وزاهي نغسلن وادنشف بيهن صعدتلي تركض على صوت الغساله

ناهده:-ولج انتي شتسوين

فيان:-العب توكي متشوفيني اغسل ملابس

ناهده:-والله ببيت الخلفوج كاعده حتى تتصرفين على راحتج

فيان:-ترى غساله ماراح اخربها من اغسل بيها

ناهده:-هذاااا بيتييييي وكلشي بأذني يمشي

فيان:-هو الشاف ماشاف خليني ساكه خاله عيب اقلل من قيمتج "شو ‎هــآي ضربتني راجدي وجرتني من شعري طلعتني من الحمام لزمت أيدها ونكتتها بقوه نكلبت طنطل عبالك بيها جني دفعتني بقوه وكعت بالكاع على نفس ضربة قبل شويه حسيت اطراف اصابع رجلي صار بيهن مثل الكرصه وعيوني غوشن عافتني متمدده بالكاع وشردت واني بعدني دايخه شويه دخلت لغرفتي وراسي ذابحني من الوجع تمددت عالفراش وغمضت عيوني بالنص ساعه فتحتهن شويه رايحه الدوخه تذكرت ملابسي رحت جبتهن وشريتهن بالغرفه على ماينشفن نتبهت عالمخده بيها طكعه مال دم لزمت راسي من ورا رطب باوعت على ايدي هم كلها. دم اخذت كميه مال كلنس وضغطت عالجرح أذاني حيل ونزلت دمعتي من الخوف هسه يصير بيه شي وين ما الزم روحي موجوعه بكل مكان بجسمي وجع ..

وين اني الجان كل همي اللبس والشعر والمكياج والأكل وصديقات هسه ملابسي اذا اغسلهم تنكلب الدنيا . الكلنس اللي بأيدي نترس دم ذبيته واخذت غيره هم ضاغطه عالجرح .بثمانيه ونص صارت الساعه واسمع صوت صياح جوه ‎بــس لا وسام اجه وستلمته ناهده المسعوره وصدك اجه للغرفه . مسحت دمعتي والتفتت اله

وسام:-فهميني شلون اتصرف وياج عندج اسلوب خاص بيج للتعامل

فيان:-شكو دفعتك ناهده