خفايا ضابط

بارت ٤جزء٣

خفايا ضابط

بارت ٤جزء٣

بقلم كهرمانه
________

اذا شفت تفاعل حــِلوو بالليل هم انزل بارت ❤️❤️

_______
چان كاعد وحده حس على أيد نمدت على چتفه رفع راسه وابتسم بهدوء

-هــا انمار شعجب كاعد

أنمار:-انت شــوَكت تنام؟

إلياس:-عدوي اللي واكره جيته كل يوم انام ورى المغرب وابقى كاعد

أنمار:-وين جنت صافن

إلياس:-ماكو ماعندي شي اسويه وعجبني اكعد بره ريحة الشجر والعشب تجذبني مو بيدي

أنمار:-إلياس شِــنوو شعورك وانت راح تخطب لــيش احسك ماعندك واهس لهذا الشي

إلياس:-طبيعي شعور طبيعي كل شخص بهذا الكون نهايته يتزوج ويخلف ويموت وهاهيه

أنمار:-شنو شنو والأهداف والأحلام الطموح المواهب وين راحن؟ هــذا مفهومك عن الحياة؟؟؟

إلياس:-للأسف اي درست وتخرجت وشوفة عينك جاي اشتغل كونت نفسي اتزوج شتريد يَـعنـي

أنمار:-جربت تحب

إلياس:-لـاا ابد لتخاف هذا مفهومي الخاص بيه عن الحياة

أنمار:-ولو اعرف الحجي وياك ضايع ياخويه كل ما انصحك متسمع نصيحتي ، ياس اذا تزوجت وبقيت على هذا طبع البرود ترى زوجتك تعوفك لازم اهتمام وحب لازم إنت اذا تبقى تعاملها على كونها قاعده من قواعد الحياة بمعتقداتك ماراح اضمنلك حياتكم الزوجيه تدوم

إلياس:-إذن الله وياها مامجبوره تبقى وياي

أنمار:-لــيش متراجع دكتور نفسي

إلياس :-اذا راجعت دكتور نفسي راح يعقد تفكيري اكثر من ماهو معقد

أنمار:-لعد تبقى هــيچ عمرك جاي يتقدم وانت نفس الروتييين يومياً نفس الروتين ماعاجبك تغير شويه من البيت للمحل من المحل للبيت اطلع كون صداقات رفه عن نفسك سافر عيش حياتك لتخلي العمر يفنيك ويروح شبابك وبعدين تضل تتحسر

إلياس:-خليني هــيچ عاجبني وضعي

أنمار:-ماراح اضغط عليك اكثر ‎بــس راح ادعيلك بيوم يخترق گلبك حب ويغير تركيبة الأفكار المجتمعه براسك

إلياس :-ولو ما أضن بس انشاءالله

أنمار:-شــوَكت تنام

إلياس :-ماعرف حالياً ابد مانعس

أنمار:-چا بقيت ‎بــس وراي كعده من الصبح مجبور انام

إلياس:-روح نام ،‎بــس هــا ماريد تحجي لأبوي شي اخاف يضوج

أنمار:-تطمن، يله تصبح على خير مو تقفل الباب ترى سيف لهسه ماراجع

إلياس:-وانت من اهله ، راح انتضر يرجع يله اقفل "بقه كلام أنمار يفتر بعقلي ‎بــس اني مقتنع قناعه تامه بالشي الأفكر بيه أنمار بحچيه لـاا يكدر يقدم ولا يأخر رجع سيف وقفلت وراه وصعدت نمت ..