خفايا ضابط

بارت ٢٠ج٢ النهايه

🖇🖇🖇🖇🖇🖇🖇
خفايا ضابط

بارت٢٠ج٢

بقلم كهرمانه
🖇🖇🖇🖇🖇🖇🖇🖇
رساله

العُمر لا يُحدد العقل
الشكل لا يُحدد الميول
الذكاء لا يعني وجود الأخلاق
الجمال لا يعني وجود الأخلاص
الأبتسامه لا تعني وقعت بحُبك
الصبر لا يعني عديم الأحساس
الصمت و التجاهل لا يعني الضعف ...

______
بعد مرور أشهر

إرجوان:-خطبنا لغيث ذاك الأسبوع حبيبته وأخيراً كلش فرحتله اخوي صبر يستاهل يتجازه بصبره ويكمل حياته ويه الأنسانه اللي اتمناها ..اليوم هو عرسه رحت للصالون الصبح ‎بــس مكيجن ورجعت شعري ماسويته البنات عدنا من الحنه وكالعاده ڤيان صار عليها سره وحده ورى الثانيه من وصلتلها كلتلها اني اريد بالبدايه عاطت بيه زعلت عليها ورحت للصالون من رجعت ضلت تعيب ع شكلي طنشتها ونرفزتها بقيت كاعده گبالها وارفع بحواجبي سوينا الغده وتغدينا نضفنا البيت واني طوخت الحمره مالتي وگمت بدلت ملابسي ونزلت جوه شغلت الديجي وگمت ارگص لني والجهال بعدين اجتي بيبي ويايه وخواتهت هم بدلن وكامن يركصن للساعه ب٣صارت الزفه وصعدت ويه بابا بالسياره ويانه امي وحور وبناتها دورت بعيوني عليه ماشفته من طلعت والزفه كلها اباوع عالشيارات اريد اشوف سيارته ماكو گلت خال ورانه

وصلنا لبيت العروس وشفته يم باب اهل العروس واصلين قبلنا هو وسيف وأمير ويزن ومصطفى طالعين بطريق مختصر ابو الصوف مطلعهم من الزفه وهم يمشون وراه

شفتهم مشغلين اغاني من السيارات وصوت كلش عالي ويركصون بباب بيت اهل العروس وسيف صاعد فوك السياره ويركص هو وأمير فتت جوه ردته ينتبه ماكو مدري يشوفني ويغلس

شفت العروس سلمت عليها جمالها مختلف عيونها حلواات بشكل احسها بريئه عكس خواتها الشر يطلع من عيونهن ولبسهن كله صاك عالجسم وقصير وسافرات مفتهمات السفور غلط كلش كامت بيبي تهوس وكرايب امي هم ماقصرن دخل غيوثي وكعد يمها طلعت تليفوني واخذتلهم صور ماعرف ليش دموعي نزلو من الفرح چنت اتمنى غيث يتزوج مامصدگه شايفته عريس والأبتسامه من كل گلبه طالعه يباوعلهت بنضران حب وخوف وفرح

ربع ساعه وطلعنا من بيت العروس وغيث اخذ مرته وصعدو بالسياره اني هم رجعت لسيارة بابا ورحنا للبيت بالطريق شفت سيارة يحيى ضليت اباوع عليها وچان شفت خاله افراح بصفه ومصعد خوات العروسه اربعتهن بسيارته گبيت نار وطفيت من شفتهن وياه لا وفوكاها ياخذ كلينس وينطيهن ع اساس زعلانات وحزنانات على اختهن ..وصلنا للبيت و حاولت اتناسى الموضوع والتهي بالعرس ميتعوض خلصتها رگص ماكعدت دقيقه خفو المعازيم وقت الغروب وتقريباً ‎بــس العائله والقريبين كلش بقو زفو العرسان وصبينا عشه وكت الزفه حتى الكل تلتهي بالأكل صعدت فوگ ابدل ملابسي وبقيت كاعده بغرفتي اباوع بالتليفون وسمعت صوت هلاهل طلعت من غرفتي وشفت بيبي وامي واكفات يهلهلن ونوب صعدت اخت بيبي شگد خفيفه هالحجيه بيها حيل اكثر من عندي