خفايا ضابط

بارت٣٨

خفايا ضابط

بارت٣٨

بقلم كهرمانه

......
" لم أعرف يوماً
ما يعني أن احيا حياةً متوازنة
فأنا عندما أحزن لا أبكي بل أنهمر
عندما أكون
سعيدة لا ابتسم بل أشع..
وعندما أغضب لا أصرخ بل أحرق
بكل حال
الشيء الجيد حول هذا الأمر
«هو عندما أقع في الحُب
فأنا لا أحبهُّم بل أمنحهُّم أجنحة!»
لكن.. ربما هذا أمر غير جيد
ففي النهاية من الطبيعي
ان يميلوا للتحليق
وحينها..
يجب عليك أن تراني عندما
يتم كسر قلبي
- ذلك أني لا أحزن .. بل اتشظّى! "...
🍃🍃🍃🍃🍃
ترف:-خوات بيبي باتن يمنا كعدت الصبح بثمانيه لگيتهن منضفات البيت العجايز ولا يكعدن شكد يحبن التنضيف وريحة البخور على حرمل خنگنا خنك من العين والحسد ندك باب المدخل مال البيت جريت الشيله مال بيبي من عالباب ولبستها فتحت الباب

سيف:-هلوو بمرت اخويه

ترف:-هلا بيك تفضل

سيف:-زاد فضلج 'دخل للبيت اشتم الريحه وكام يحجي' ..شنوو ‎هــآي الريحه

إم قاسم:-بخور

سيف:-ها زمرد اليوم يمج خواتج وكمتن تطيرن طيارات

أم قاسم:-شنو طايرات جهال

سيف:-طيارات يعني سحر امهاات السحوره متگعدن شتردين بعد يصيرلج ابنج وراح يتزوج

أم قاسم:-بله هسه اليسمعك مو يصدك انت متستحي والله

سيف:-ادري مشعوطات البيت تشعوط حتى اليدخل يخنتك

أم قاسم:-ماعجبك اطلع بره

سيف:-عمي ابلعها واسكت

أم قاسم:-شعندك اجيت

سيف:-اشغل ماطور المي الخابط اسقي حديقتكم ابتليت بلوه من الصبح اخلص من حديقتنا تطلع حديقتكم

أم قاسم:-بره الماطور نقطته ويه الگلوبات

سيف:-ها دخت ادور عالنقطه مالته

ترف:-"طلع سيف واني كعدت اتريك أجه خالو هاشم جايب خاله وحور البنات ديم ورفل بايتات يمنا طبخو الغدا كعدت ڤيان مجهزه روحها تريد تروح لبيت العروس خالو كال الزفه بالثنتين تطلع مدري شنلحك خلصنه الغدا وتغدينه ب١٢ نضفنا اني والبنات وصعدنا نحضر روحنا مكيجت وجهي ولبست فستاني صارت بالثنتين طلعنا لبيت العروسه حتى نجيبها صعدت ويه رسلان ويانه بيبي رسلان وكف سيف قبل لا تطلع الزفه وصاه مو يگطع الزفه وينزل يركص وسيف ماشاءالله ماقصر كل شويه يكطع الزفه هو واليمه بالسياره ينزلون يركصون ويجي يوكف بصف رسلان عالعنده وميكدر يحجي ..وصلنا لبيت العروسه نزلت ويه بيبي دخلنا لبيتهم بالهلاهل والهوسات فرحت لفرحة بيبي مدري ليش من اشوفها فرحانه احس روحي اريد اطييررر اصير سعيده أجت ڤيان يمي وكفت