خفايا ضابط

بارت ٤٨

خفايا ضابط

بارت ٤٨

بقلم كهرمانه
_____

اكثر ما يُرهق الصامتون ، هـو ثرثرة عقولهم 💔
——
رفل:-مر على زواجي أسابيع أنمار كلش بارد ويايه ابد ميحاجيني ويتجنبني تأقلمت وياهم اخوانه حبابين وترف هم الحمدلله رزقني بعيال زينين ‎بــس هو مخبلني اني طولت لساني عليه والله مو بطبعي لساني مو طويل ولا اتجاوز على احد ‎بــس الخوفه مال ذاك اليوم لهسه مأثره بيه تعبت من وضعنا واللي احنا بيه كلش لازم اشوف صورة حل اهلي عزمونا وبيت عمو مثنى هم واليوم عزيمة بيت جدي وجدي من يعزم مو ‎بــس العرسان لا ولده هم ويوم جمعه الكل موجودين كعدت الصبح بثمانيه اليوم جمعه ‎بــس رسلان يطلع لدوامه غسلت وجهي وبدلت ونزلت لگيت ترف گاعده قبلي

-رفل:-‎بــس اريد اعرف بيش ساعه تكعدين

ترف:-ههه بالسته ونص اليوم كعدت

رفل:-شعندج

ترف:-غير دوام رسلان والبارحه غسلت بدلته العسكريه ونسيت اكويها وهو ميلبس الا السوده كعدت من النوم متذكرتها كبل نزلتها مت الحبب وكويتها ربج لحكت قبل لا يكعد

رفل:-‎اي ،عمو نايم شعجب

ترف:-لا طلع لبيت جدي

رفل:-هااا مارحتي وياه

ترف-واعوفج وحدج ورانا طلعه

رفل:-اي ماعليه شي

ترف:-لا ورسلان يجي من الدوام تعبان ماكدر اعوفه

رفل:-براحتج لعد "اكلت وگمت اغسل مواعين وترف تمسح خلصت قبلها كلتلها اني راح اطبخ الغدا احنا التخلص اول تطبخ الغدا غسلت السلك وفورت مي حضرت حوايج الدولمه البارحه سيف خبصنا يريد دولمه حتى الحوايج مالتها جابهن اذا ماسويها يضل يهلهل حتى احسه ماخذ دور العمه مالتنا يعلق عالأكل اذا ناقصه شي يضل يعيب ..كعدت ألف بالدولمه ترف خلصت واجتي كابلتني تلف ويايه

ترف:-أكول هم حاجيه ويه حور

رفل:-لا والله مختفيه خابرتها مره وحده البارحه ماردت واليوم بعدني ملازمه تليفوني

ترف:-قبل شويه خابرتها من خلصت تنضيف ماكو مترد

رفل:-تلگيها ملتهيه ببناتها من تشوف مكالمتج ترجع ترد هيه اليوم هم موجوده ببيت جدي اكيد

ترف:-تمام "خلصت لف وياها گالتلي اني أطبخها صعدي نضفي غرفتج قبل لا يجي زوجج صعدت لغرفتي نضفتها وحضرت ملابس لرسلان من يجي سبحت وصليت الضهر ونزلت يم رفل لگيت أنمار كاعد يوم الجمعه ميكعدون من وكت يبقون نايمين

رفل:-ترف روحي كعديهم خلي يجون يتغدون يله حبابه راح اخلي الاكل

ترف:-اوك "صعدت كعدتهم إلياس ويحيى كعدو بقى سيف "