خفايا ضابط

بارت ٢٣

رجعت نشرته .. أخر البااارت مهم شوفو
.

خفايا ضابط

بارت٢٣

بقلم كهرمانه
🍃🍃🍃🍃🍃

منذ أول حديث معك ، همس لي قلبي
      'نحن على وشك الحيــاة🖤'

ــــــــ

شادن:-رحت الضهر بنفس الموعد لشهم . وصلتله دكيت الجرس مره مرتين بالمره الثالثه فتحه باوعتله شفته يرفع بأكمام قميصه حجه وهو يزمخ

شهم:-غير تنطين مجال حرگتيني حرگ

شادن:-وين جنت عبالي مموجود اجيت ارجع

شهم:-تشوفين شعري مبلل يعني وين چنت

شادن:-ها نعيماً ،"دخلت للشقه وهو يمشي ورايه إلتفتتله حاجيته بقلة صبر" شوكت تطلعني من الخيسه العايشه بيها؟

شهم:-فهد شوكت ينقلوه

شادن:-سألتك جاوبتني بسؤال

شهم:-جاوبي على سؤال بالأول

شادن:-وجه الصبح باجر بالمناسبه صار هو يحقن نفسه

شهم:-حالياً عدنا سباق ويه الوقت حياة فهد بخطر مميت ،بالنسبه إلج شغلتج سهله ‎بــس مسألة وقت لا أكثر

أريد اكلفج بمهمه

شادن:-شنو هيه

شهم:-أنطيج جهاز تنسط كلش صغير تربطينه لفهد ووتكوليله أول متوصل للمكان التستقر بيه تكسره وتذبه كون محد يشوفه من ينشمر

شادن:-ليش نربطه بيه اذا راح يكسره

شهم:-‎بــس احدد الموقع الهوه بيه بعد ماحتاحه وحتى ليكشفونه

شادن:-تمام ‎بــس علمني شلون اربطه

شهم:-أكيد اعلمج واخليج تطبقين گدامي يله

شادن:-اوك

"حضر جهاز التنسط وعلمها شلون تسويه رجع فكه من الربط ونطاه إلها "

شادن:-وين اطبقه عالتيشيرت مالتي اربطه

شهم:-اعتبريني فهد واربطيه ورى دگمة القميص يعني ويه الخياط

شادن:-"فتح القميص مالته اول دگمتين ، وكفت على أطراف اصابيعي حتى اربط الجهاز لفحني عطره اللي يصرخ بالرجوله أختل توازني واجيت أوكع لكن أيده جانت أسرع ثبتني وهو لازم ضهري

شهم:-شبيج دايخه

شادن:-لا ‎بــس گد ممركزه بالدگمه

شهم:-هاا الدگمه كملي

شادن:-لزمت الدگمة وكلبتها ربطت الجهاز ويه الخياط ونجحت بهذا الشي رجع فكه للمره الثالثه وسلمه إلي ضميته بجنطتي

شهم:-حلو بسرعه تتعلمين

شادن:-اي ‎بــس اكولك اذا هو يحقن نفسه بنفسه شلون راح اكدر ادخله